EUJEESIYO 5:11 - Wanaadi A'deddu

¹¹ Tööjano’tacancomo nödöödö mma männötäi’che änwanno, yää döneijönö; täcaademe’jo mmaane ecaademe’jotääcä.

EUJEESIYO 5:11 ပူးပေါင်းရင်းမြစ်များ

MATEO 18:15

“Äjääcä conemjönö tödööa’jäcä aweichacoono wwä, chäwwäädä adha’deucwä choone’nadiiyö jäcä, äjääcäjeeneiñe aweichawäiñe. Aashicha eta’jäcä chäwwä, ecoonecaajai maato yaawä dhacä.

DUUCA 3:19

Acu’shänä Edoodhe mmaja Juan cönwätuujai chea, Edoodhía dö’tä yeijäcä, ñäädä dhacoono Jediipe jiñamo; tameedä anejja conemjönö iiñö’jödö jäcä mmaja cönwätuujai chea.

DOSECHO 26:18

Chäwwadäädäiñe manaanonta menu’täiyeto yaawä, tööjano’tacanno eejöiyeto tawaanato aca, odo’sha woije töweichöcoomo jonno Wanaadi woije eiyeto. Yaawä chäwwäiñe ecaanö’a’jäcä choone’nadiiyöcoomo necocca’de; öwö wu’a’de chäwwäiñe tameedä önconeecadö wwäiñe töwä’tue weneene dea; quee cönä’döaacä Jesuuquidiito öwwä.

DOMAANO 13:12

Coijaicho ejä’dä’jai nä’döi eduuwa, awaanajai nä’döi. Yääje yeijäcä yää tööjano’taca tödööemö e’nomjajai caato eduuwa; cöwoowontoto’como cöödötäiye, suddau tawaanato aca töweewänä’täämö töweiye naichöje.

DOMAANO 16:17

Edääje wä’dö’se wa äwwäiñe jimmä: Odhoowadäädäiñe tödöötäcä ñanno tönwannoje dea quedeiyente chu’de’tojonnamo, ñanno odhoowanooma’jocoomo juntaca asaadijannä’ca’sa’como. Ä’sancwatääcä ñanno jonnoiñe.

DOMAANO 6:21

¿Ane’cäämö töncana’ca töweiye mä’ja’quene yää eduuwa ajöichöcoomoje naadö tödöödö que? ¿A’que jönca? Yää tödöödö noowonö’jaca wäämatoojoje mma.

CAADATA 6:8

Tujuunu nijummadö woije ñaatö’ta’jäcä yää noowonö’jaca’de wäämatoojoje, tujuunu nijummadö woijato dea mma. Epíiditu Santo nijummadö woije ñaatö’ta’jäcä mmaane ñäädä dea Epíiditu Santo yeichöödäjaato weiñä daja nija’canö’ja’de.

EUJEESIYO 4:22

Jenaadä awei’jocoomo e’nomjatääcä, yää tujuunu nijummadö tödöödö. Yää jenaado’jä weiñä töweecone’ma na; töwäätäncu’tojo na dea conemjönö tumjummadö que.

EUJEESIYO 5:12

Yää tacaade’da tönnöe weneenetoodö jäcä wa’deunä’jödö jadäädä jöije na.

EUJEESIYO 5:7

Yääje yeijäcä ñanno yääja’como jädäiñe meichäi’che.

CODOOSENSE 1:12

Mädääje eijai maato aashicha awa’deuwancädäiñe Cumöötoncomo wwä, ñäädä tösootoi wwä tu’emö eiñamooje cödööneichomo’jödö, tawaanato aca cödööneichomo’jödö mmaja.

1 TEESADOONISENSE 5:7

Ñanno tönnö’ca’como coijai nönö’caato. Töwä’dau’cwa’como coijai nä’dau’cwaato.

2 TEESADOONISENSE 3:14

Anejja wwä ñaa waanontä’jödö tödö’se’da yeiya’jäcä, edä jajeeda aca imennaajä naadö, odhoowadäädäiñe tödöötäcä ñäädä; chääjadä meichäi’che yaawä, töjöiye yeichö wetä töwö.

2 TEESADOONISENSE 3:6

Jimmä, edääje adhaanontä’seiñe ñaa na Cädhaajotoncomo Jesuuquidiito eetö joi: Ä’sancwatääcä quedeiyente töquiiñato jonno, ñäädä ñaa odhoowanoomatäänedö nönge eijönö.

1 TIIMOTEO 5:20

Ñanno ansiyaano cönemjönö dödööje dea’como yäätuujacooto tameedä tätaamöje, anejjacoomo ääcatoncaiyeto yaawä.

1 TIIMOTEO 5:22

Jadheedä mma ansiyaano maneewaacai’che, choone’nadiiyö jäcä i’wa’täneije mma mei’ño; chäänönge eichä amäädä tameedä aweichö jäcä.

1 TIIMOTEO 6:5

wätäccujä’nä töwä’camjönö mmaja. Tameedä mädä noojodööa chö’tajäätödö wecoone’ma’como jäcäiñe, ñanno chäänöngato ’jemjöncomo. Tönwanno necaanö’aato quedeiyenteje weiñä ane’cä’cä cana’catoojoje yeiyaatäi. Yääja’como shancwacooto.

2 TIIMOTEO 3:5

Wanaadi weichö töne’tä’jödö mma naato’de, ijäädudu mmaane tömjome’dä. Tameedä yääja’como soto jadäiñe mma mei’che.

2 TIIMOTEO 4:2

Wanaadi a’deddu töneecammajä’e eichä; chääjäcä töweesomaajä’e deaane eichä’de, chu’nädö awä mecammajä’töiye, chu’nädö awä’da mmaja. Yää que soto e’jodheinchacooto, cone’da tödööjocootode, yäätuujacooto’dede, owaanomaadöcoomo jäcä aquinchancädä’da.

TIITO 2:15

Mädääje owaanomaacoto; ijäädu’täcooto; jäduuje yäätuujacootode. Äwä’quimmajoojo’tojo mma maneejodööjoi’che.

APOOCADIISI 18:4

Yaawä anejja a’deu daja caju ña wetaaquennea. Edääje cönäätaacä: —Waawidooniya ñanno adheeja’catääcä änwanno sootoi, choone’nadiiyö nönge mma männöto’no, mätä’maminchajooto’node chääjadä.