EUJEESIYO 4:6 - Wanaadi A'deddu

⁶ tooni mmaja Wanaadi, ñäädä tameedä Cumöötoncomooje naadö. Töwö tameedä o’jodhe na, tameedä yeichö wa’cä mmaja, tameedä cötaacaiñe mmaja.

EUJEESIYO 4:6 ပူးပေါင်းရင်းမြစ်များ

MATEO 6:13

Ñaa mäiñunaacajoi’che; tösancwajoone ñaa sancwajoocä conemjönö jonno. Ñäädä mma amäädä Cajiichaana Jäduujato, aashichato wa’deuto’mato mmaja, yeichöödäje. Amén; quee caichäcä’de.

MATEO 6:9

Edääjeene Wanaadi wwä adha’deutäcä’de: Jaaja caju ñano, Töwaanadiiyöcoomoje adhe’tä’ña’to soto;

JUAN 14:23

Jesuuquidiito cöneccujä’acä: —Ñäädä öwö jummanei ya’deddu woije nödööa; Jaaja nijumma’de ñäädä. Ñaa ne’a’de yöiña; chääjadä ñaa na’de.

JUAN 17:26

Aweichö weneejone chäwwäiñe; eneejodööje dea wa’de, wä’jummanä ’je eiyeto, amäädä cujummaadöje mmaja, öwö dhacaiñe weichö wetä mmaja; quee cönä’döaacä Jesuuquidiito Tumö wwä töwa’deuwödaawä.

JUAN 20:17

Jesuuquidiito cönä’döaacä chäwwä: —Canaajäi; äncu’da dea wa Jaaja döiña. Äjääne jimmä döiñaiñe; chäwwäiñe ecammacä’de Jaaja döiña wäncudu, ñäädä Oomotoncomo mmaja, öwö Waanadiiyö, änwanno Awaanadiiyöcoomo mmaja; quee cönä’döaacä chäwwä.

DOMAANO 11:36

Wanaadi jonnoto we’ajä mädä tameedä naadö. Töwö dea cönnöi; chäwwonooje na dea. Aashicha wa’deutojooje Wanaadi ña yeichöödäje. Amén.

1 CODINTIYO 12:6

Aneejejaiñene’jödöödä mmaja tödööemö tödöötojo; yaawääne’, ñäädä dea Wanaadi cöwwäiñe tödööjoneije na.

1 CODINTIYO 8:6

Cönwanno cöwwäiñe mmaane tooni Wanaadi ña, ñäädä Cumöötoncomo, tameedä tödööajä naadö tödöönei’jödö. Töwö chäwwonooje caato cönwanno. Tooni mma mmaja Ädhaajä na dea, ñäädä Jesuuquidiito. Töwö yoije tameedä tödööajä weneene, cönwanno jadä’jödöödä.

2 CODINTIYO 6:16

¿Aaquene mmaja Wanaadi weichojo oojodöödö deeade’ chu’taajä acä? Änwanno Wanaadi nudooto weichojooje maato. Töwö Wanaadi chea cönä’döaacä: Öwö yo’tacaiñe wa’de; chääjadäiñe wäämannä’a’de. Yaanadiiyöcoomoje wa’de; tönwanno naato’de sootoije; quee Wanaadi cönä’döaacä.

EUJEESIYO 1:21

Töwö Wanaadi Quidiito cönnöi tameedä jäduuja’como e’jodhe, cajiichaanacoomo e’jodhe mmaja, o’jodha’como e’jodhe mmaja, acu’shänääcomo e’jodhe mmaja, tameedä anejjacoomo soto e’jodheiñe mmaja, eduuwa weiñä naadawä mma’da, äcuude weiñä na’dedö awä mmajaane.

EUJEESIYO 2:22

Änwanno mmaja Quidiito jadä aweichomjäcä Epíiditu Santo ni’wa’tädö que tameedä anejjacoomo jadä tojoodöjo maato Wanaadi weichojooje.

EUJEESIYO 3:17

Yaawä ecamjödö jäcäinchädä Quidiito ätö’tajäätödööcomo aca eijai ña, jäduuje aweichöcoomo wetä yaawä wä’jummanä jäcä, dee tömiichato töweiye naichöje.

EUJEESIYO 6:23

Tameedä quedeiyentecoomo wwä täncanoode’da yeicho’como yei’she wa, wä’jummanä mmaja, ecamjödö mmaja, Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

1 JUAN 3:24

Ñäädä Wanaadi waanontädö tödöönei Wanaadi jadoono ñäädä, Wanaadi chaaca na dea töwö. Wanaadi cötaacaiñe yeichö cowaanäcäiñe na Epíiditu Santo woije, ñäädä cöwwäiñe Wanaadi nutuudu.