EUJEESIYO 4:31 - Wanaadi A'deddu

³¹ E’nomjatääcä tameedä wä’tu’de’tänä, tääde’cwade weiñä mmaja, wätäccujä’nä mmaja, töwäätöma’se weiñä mmaja, wata’de’tänä mmaja, tameedä anejja conemjönö mmaja.

EUJEESIYO 4:31 ပူးပေါင်းရင်းမြစ်များ

DOSECHO 21:30

Yaawä tameedä soto cöneewodoicha’to; tujuumä cöneeca’tömöicho Paudo wwadäädä. Tönwanno cönaajoicho yaawä; Wanaadi weichojo tacanno cöni’jiichöicho. Yaawä dea mma Wanaadi weichojo nata’tadö cöna’duicho.

DOMAANO 3:14

conemjönö jäcä mma ya’deuwödööcomo weneene, wä’cu’nä’täjä’nä jäcä mmaja.

1 CODINTIYO 14:20

Jimmä, mude’cä’cä nönge’da ätö’tajä’täcä. Conemjönö tödöödö jäcä mmaane mude’cä’cä nönge eijai maato; tö’tajä’nä jäcä ’quene inchomo nönge eijai maato.

1 CODINTIYO 5:8

Yääje yeijäcä yää Weja’dätä’jä anootoi’chädö awä tönnöe cönä’ja’todö nönge mmaja cöödötäiye cönwanno aashicha cöweichöcoomo que, chäänönge cöweichöcoomo que mmaja. Yääje weiñä cu’tädööje na yää uu tummannä’cajoojönö. Yää ummannä’cajaajä mmaane conemjönö cu’tädööje na, chäänönge’da weiñä cu’tädööje mmaja. Yääje yeijäcä yääje cöweiyancädäiñe’daane Wanaadi nödöödö cöödöto’ñojo.

2 CODINTIYO 12:20

Öwö cone’daiche tötö’tajä’e wäänene, adöiñaiñe wä’döa’jäcä umjummadö nönge’da adheedantäjaiñe tö’tadö weijäcä, öwö ämjummadööcomo nönge’da mmaja yeedantäjai maato dea. Wätäccujä’nä ’je adheedantäjaiñe tö’ta, we’neimmanä ’je mmaja, wäätömaajä’nä ’je mmaja, töwö mma töwei’she weiñä ’je mmaja, cone’da wa’deunä ’je mmaja, wenta’me’nä ’je mmaja, o’jodhe tö’tajä’nä ’je mmaja, töwaatashiichuudä weiñä ’je mmaja adheedantäjaiñe tö’ta.

CAADATA 5:20

chu’taajä jummadö mmaja, jöwaije weiñä mmaja, wä’tu’de’tänä mmaja, wata’deutänä mmaja, wätö’neimmanä mmaja, äätömaacoije weiñä mmaja, töwö mma töwei’she weiñä mmaja, ootowoije’da weiñä mmaja, aata’deucone’da weiñä mmaja,

EUJEESIYO 4:22

Jenaadä awei’jocoomo e’nomjatääcä, yää tujuunu nijummadö tödöödö. Yää jenaado’jä weiñä töweecone’ma na; töwäätäncu’tojo na dea conemjönö tumjummadö que.

EUJEESIYO 4:25

Yääje yeijäcä juutuje’da eichäcä eduuwa; tameedä na’deuwö’ña’to chäänöngato que töweichacoono wwä, yää dea ejööje cöweiya’como.

EUJEESIYO 4:26

Äwäätömaadawäiñe conemjönö männötäi yää e’nei. Töwäätömaadä mma ano ñadäädoto mämja’do’jotäi’che.

CODOOSENSE 3:19

Änwanno tö’dha’como, ijummatääcä ajiiñantoncomo; tääde’cwade’daane eichäcä chääjäcäiñe.

CODOOSENSE 3:8

Eduuwaane tameedä mädä e’nomjajai maato, yää tääde’cwade weiña, wäätömaanä mmaja, wä’tushiimanä mmaja, cone’da wa’deunä mmaja, nossaje wa’deunä mmaja.

1 TIIMOTEO 3:11

Wodiiñamo mmaja tacu’shänäiche eijai ñaato dea, wätunnä dha’me’da mmaja, wataasheje’da’da mmaja; tameedä töweichöcoomo jäcä chäänönge eijai ñaato.

1 TIIMOTEO 3:3

Wä’dau’nä yaacö’je’da eijai ña töwö ansiyaano; ewoodoicha’da mmaja eijai ña dea, ta’cwaiñeene eijai ña. Ätäccujäätö’da mmaja eijai ña dea, jödaata jäcä äätätäädä’da mmaja.

1 TIIMOTEO 5:13

Töquiiñuta mmaja chiiñutaajai ñaato dea yaawä, ä’sa waadäi töwäämannäjöödöcoomo que; töquiiñe mma’da, wa’deuto’jönö jäcä töwa’deuwe mmaja.

2 TIIMOTEO 2:23

Töwäädämmato wätunnä jäcä mmaane mei’che, yää döneijönö; odhoowanääcä na mädä wätäccujä’nä töneejodööjo yeichö.

2 TIIMOTEO 3:3

Tumjunne’da mmaja naato’dede, wentumje äneetä’da mmaja, wätunnä dha’me mmaja, tujuunucoomo woije mmaja, tääde’cwadeiñe mmaja, aashichaato ämjumma’da mmaja.

TIITO 1:7

Conemjönö chääcadööjönö ansiyaano eijai ña, Wanaadi tadaawaajui tödööneije yeijäcä. O’jodhe chö’tajä’jai’cha na töwö, äätömaacoije eijai’cha mmaja. Ä’dacu’da eijai ña töwö, ataiju’jätö’da mmaja. Soto ennanö’cadö que jödaata chaana’cadö ijummajai’cha na töwö.

TIITO 2:3

Chäänönge mmaja ñanno no’sancomo, nontätä mmaja eijai ñaato dea, wätunnä dha’me’da mmaja, ä’dacu’da mmaja. Aashicha weiñä jäcä owaanomannamooje eijai ñaato,

SANTIYAACO 1:19

Yääje yeijäcä, jimmä umjummadö, etaacoije eichäcä, a’deucoije’daane, äätömaacoije’da mmaja.

SANTIYAACO 3:14

Caado’da aweiya’comjäcä mmaane, tö’neiñe aweiya’comjäcä mmaja, amäädä mma awei’she aweiya’jäcä mmaja, tösejjeca’comooje ätä’täjai’cha maato yaawä, äncu’tännamoojeene, chäänönge ännöjöncomooje mmaja.

SANTIYAACO 4:11

Jimmä, ajimmotoncomo änquimmajäätö’daane eichäcä. Ñäädä töweichacoono chiimajä’nei, töweichacoono a’de’tänei mmaja, Wanaadi waanontädö nichiimajä’a; Wanaadi waanontädö nemmenca dea. Waanontä’jä emmenca’jäcä äwwä, waanontä’jä tödööneijönö yaawä amäädä, emmencanei mma.

1 PEEDHODO 2:1

Yääje yeijäcä e’nomjatääcä tameedä conemjönö, tameedä wätäncu’tänä mmaja, juutuje weiñä mmaja, we’neimmanä mmaja, wä’tu’de’tänä mmaja.

1 JUAN 3:12

Caín nönge’daane queicho’ñojo. Töwö cönä’jaacä odo’sha sotoi. Töwö tacoono cöneemai. ¿Ane’cäämö jo’tädööje cöneemai, quee ’ja? Conemjönö tönnöe töwö töweijäcä, dhacoono mmaane chäänönge tönnöe cönä’jaacä.

1 JUAN 3:15

Ñäädä töweichacoono chiiñeme’nei, soto emaanei wa’cä mmaja na dea ñäädä. Änwanno odhoowanääcäiñe na soto emaanei weichö töwaatamemjönö ’je’da yeichö.

APOOCADIISI 12:10

Caju ña a’deu wetaaquene yaawä. Jooje cönäätaacä; cönä’döaacä: —Eduuwa chäänönge nä’döi wääwanaacatoojo, Cöwaanadiiyöcoomo wwä töjäädudu eneejotoojo mmaja, cajiichaanaje töweichö eneejotoojo mmaja, dhanoonö Quidiito cajiichaanaje yeichojo mmaja. Caju ñanno cönootonno’jajoi eduuwa ñäädä cöjimmotoncomo ementäneichomo’jödö, ñäädä ano, coijai’jödöödä Wanaadi wwä töneementäiñe töweiye cönä’ja’dö.