EUJEESIYO 4:28 - Wanaadi A'deddu

²⁸ Ñäädä tämeenato’jödö tämeene’da nei’ñojo eduuwa; töweetadaawa’cajoone netaadawa’cajo’ñojo. Tamäädö que tadaawaaju aashichaato nödö’ñojo, chäwwä töweiye yeichö wetä yaawä a’ca’como wwä tu’emö.

EUJEESIYO 4:28 ပူးပေါင်းရင်းမြစ်များ

DUUCA 19:8

Saqueeo cönammöi yaawä; cönä’döaacä Cädhaajotoncomo wwä: —Cajiichaana, eduuwa önsomaadö annai wu’jä’a’de wentumja’como wwä. Yää soto encu’täjä’ancädäiñe öncana’ca’jödö wiiñaca’de chäwwäiñe, aacäicheeade; quee cönä’döaacä Saqueeo.

DUUCA 3:8

Aweichöcoomo sha’duminchatääcä, tötö’tajäätödööcomo yeesa’dumincha’como weichö nönge deaane. Edääje chö’tajä’jai’cha maato: “Aawadán weichö dea ñaa;” quee cajai’cha maato. Yääje wä’döa äwwäiñe, edä täju mmädä Wanaadi amoode’näjai ña Aawadán weichöje.

JUAN 12:6

Wentumja’como jäcä chö’tajäätö’da töweichaame yääje Juudha cönä’döaacä, tämeene töweijäcääne. Ñäädä Juudha cönä’jaacä töjöödataichomo edhaajäje ñeewaacadööcomo; yää töneememme’que töweiye cönä’jaacä.

JUAN 13:29

Ñäädä Juudha cönä’jaacä töjöödataichomo edhaajäje ñeewaacadööcomo; yääje yeijäcä anejjacoomo cöntö’tajä’a’to äwanshi ejeema anontaatäi jeiñe mma, wentumja’como wwä jödaata u’jaatäi jeiñe mma.

DOMAANO 12:13

Quedeiyentecoomo i’wa’tätääcä chäwwäiñe a’que yeichawä. Aashicha tödöötäcä adöiñancomo wä’döa’como.

1 CODINTIYO 4:12

Töquincha ñaa wä’döaajä na töweetadaawa’cajootö. Soto wwäiñe ñaa quimmajäätödö töneccujä’e ñaa weneene aashicha wa’deunä que. Chäwwäiñe ñaa maminchadö tönshinchä ñaa weneene.

2 CODINTIYO 8:12

Utu’se töweichö que u’a’jäcä, töwö Wanaadi yaacö’je na yääje utuudu. Töwwä töweiye yeichö woije mma tunu’jo töwö Wanaadi; töwwä töweiye yeichö e’jodhe änu’jo’da.

2 CODINTIYO 8:2

Tönwanno jooje toneejato’como que töwäntunaanö’taameiñe, jooje ta’cwäiñe weneeneto. Töjöödataicheiñe’da töweichaameiñe mmaja tamääne töweiyancädäiñe’da jooje tunu’e weneeneto, töjöödataicha’como wa’cä.

CAADATA 6:10

Yääje yeijäcä, tödööjai caatoodawäädä, aashichaato cöödötäiye tameedä soto jäcäiñe; quedeiyentecoomo jäcä jooje’cä jeene aashichaato tödööjai caato.

1 TIIMOTEO 6:18

Ñanno tönsomaaca’como yäätuujacooto, aashichaato tödöiyeto; aashichaato tödöödö queene ninshomaata’ña’to. Tamääne’da nei’ña’tode, u’coijeene.

TIITO 3:14

Quedeiyentecoomo näämu’ca’ña’to aashichaato tödöödö jäcä, a’ca’como i’wa’tädööcomo jäcä mmaja, tödööneije’da mma ei’ñoto.

TIITO 3:8

Chäänöngato mädä; yääje yeijäcä jäduuje töneecammajä’e awei’she wa mädä jäcä, ñanno Wanaadi ecaanö’nnamo aashichaato tödönnamooje yeichöcoomo wetä. Yääje weiñä aashicha na, tujunne mmaja, tameedä soto wwäiñe.