EUJEESIYO 4:25 - Wanaadi A'deddu

²⁵ Yääje yeijäcä juutuje’da eichäcä eduuwa; tameedä na’deuwö’ña’to chäänöngato que töweichacoono wwä, yää dea ejööje cöweiya’como.

EUJEESIYO 4:25 ပူးပေါင်းရင်းမြစ်များ

JUAN 8:44

Odo’shaane oomotoncomooje na; änwanno tödö’se määnetääne oomotoncomo odo’sha woije. Töwö cönä’jaacä ämaatä awa’deene yaajäntä’jödö jonnoto’jödöödä. Töwä’dune töwö jooje; chäänöngato ’je’da na chäwwä. Juutuje töwa’deuwe weneene, juutuje töweijäcä, juutuje weiñä edhaajäje töweijäcä mmaja.

DOMAANO 12:5

Mädääje mmaja cönwanno quedeiyentecoomo; wanna cöweichaameiñe tooni chääjö caato, Quidiito jadä cöweichomjäcä. Tojoodöjoojä’e caato yää dea ejööje cöweichöcoomo wetä.

1 CODINTIYO 10:17

Wanna cöweichaameiñe yää dea uu cäu’cato, tooniyaano; yääje yeijäcä tooni chääjöje caato.

2 CODINTIYO 7:14

Tiito wwä äjääcäiñe aashicha wa’deuwö’jödö jäcä ejöichä’da weiyaqueene. Äwwäiñe chäänönge töwa’deuwe ñaa weneene; mädääje mmaja chäänönge Tiito wwä äjääcäiñe ñaa wa’deuwö’jödö cöneeja’cai chea.

EUJEESIYO 4:15

Edääjeene eijai caato, chäänönge a’deujai caato cöwä’jummancädäiñe, Quidiito jadä cöwaatö’näjöödöcoomo wetä tameedä cöweichöcoomo jäcä. Töwö Quidiito cuju’jocoomoje na.

EUJEESIYO 4:22

Jenaadä awei’jocoomo e’nomjatääcä, yää tujuunu nijummadö tödöödö. Yää jenaado’jä weiñä töweecone’ma na; töwäätäncu’tojo na dea conemjönö tumjummadö que.

EUJEESIYO 4:31

E’nomjatääcä tameedä wä’tu’de’tänä, tääde’cwade weiñä mmaja, wätäccujä’nä mmaja, töwäätöma’se weiñä mmaja, wata’de’tänä mmaja, tameedä anejja conemjönö mmaja.

EUJEESIYO 5:30

täjööje yeichomjäcä. Cönwanno ñanno chääjö jäcoono, ijuunuja’como, ye’jäja’como mmaja.

CODOOSENSE 3:8

Eduuwaane tameedä mädä e’nomjajai maato, yää tääde’cwade weiña, wäätömaanä mmaja, wä’tushiimanä mmaja, cone’da wa’deunä mmaja, nossaje wa’deunä mmaja.

CODOOSENSE 3:9

Änwannoje dea mätäncu’täjä’täi eduuwa, jenaadä awei’jocoomo to’nomja yeijäcä äwwäiñe, jenaadä tönnöe mä’ja’quennö mmaja.

1 TIIMOTEO 1:10

masuuduijato wwonooje mmaja, dhanwa acä dhanwa conemjönö tödöönei mmaja, soto ememme’nei mmaja, juutujaato mmaja, soto ementännamo mmaja. Tameedä chäänöngato woowanoomanä juntacaano wwonooje mmaja na dea yää waanontänä.

1 TIIMOTEO 4:2

Tönwanno nätäncu’täjaato’de juutuja’como weshi’jodööcomo que. Ñanno juutuja’como naato chö’tajäätödööcomo töweecone’ma, yaatuaajä töweiye naichöje.

TIITO 1:12

Yäätono dea, Quedeeta antadö ñano dea, edääje cönä’döaacä töjaatawoncomo jäcäiñe: “Ñanno Quedeeta ñancomo töwä’dune weneeneto, tääde’cwadeiñe mmaja. Ämiije’jödö mma tönwanno, töquiiñeiñeene;” quee cönä’döaacä.

TIITO 1:2

töwaatamemjönö weichojo chäwwäiñe töweiye yeichö wetä yaawä. Edä nono woojodö’jödö owaajodä töwö Wanaadi cöneecammai yää töwaatamemjönö weichojo; ätäncu’täjöönö ñäädä Wanaadi.

EEWEDEO 12:1

Mädääje na; jooje naato ñanno ecamjödö ’ja’como wäänejoodö cöwwäiñe. Yääje yeijäcä cummichaatäiye tameedä cämu’däneichomooje naadö, conemjönö cashiichuudäneichomooje naadö mmaja. Chincha’da cöweiyancädäiñe cöötätäiye cäämadööcomo tai.

SANTIYAACO 1:21

Yääje yeijäcä e’nomjatääcä tameedä chäänöngemjönö, yää conemjönö äjääcäiñe töweejange weneenedö. O’jodhe ätö’tajä’ancädäiñe’da Wanaadi a’deddu woije eichäcä, yää ñaatö’tädö nönge ätö’tajäätödööcomo aca cönä’natö’täichö. Yää Wanaadi a’deddu jäduuje na adheewanaacadööcomo jäcä.

1 PEEDHODO 2:1

Yääje yeijäcä e’nomjatääcä tameedä conemjönö, tameedä wätäncu’tänä mmaja, juutuje weiñä mmaja, we’neimmanä mmaja, wä’tu’de’tänä mmaja.

APOOCADIISI 21:8

Ñanno tösaada’como mmaane, aneecanö’jöncomo mmaja, conemjöncomo mmaja, soto emannamo mmaja, masuuduija’como mmaja, jöwaiñamo mmaja, chu’taajä ya’deme’nnamo mmaja, tameedä töwä’duna’como mmaja, jiyooto comootödö ña yeicho’como na’de. Iiña wedeinchä jodö nengaato’de, acuudajaada dhatu’jödö jodö joqque. Yää jiyooto comootödö ña wötäänä yää, yää ’jejaato wäämatoojo; quee cönä’döaacä öwwä.

APOOCADIISI 22:15

Aneecanö’jöncomo mmaane jödo’na naato’de, jöwaiñamo mmaja, masuuduija’como mmaja, soto emannamo mmaja, chu’taajä ya’deme’nnamo mmaja, tameedä äncu’tännamo mmaja.