EUJEESIYO 4:24 - Wanaadi A'deddu

²⁴ Eduuwaato weiñä äwwäiñe tödööjai maato, yää Wanaadi nijummadö woije tödööajä naadö. Yääje weiñä nääneja chäänöngato tödöödö que, aashichaato tödöödö que mmaja.

EUJEESIYO 4:24 ပူးပေါင်းရင်းမြစ်များ

DUUCA 1:75

aashicha dhowaadäädä cöweichöcoomo wetä, chäänönge cöweichöcoomo wetä mmaja, cöweichöcoomoodäje.

JUAN 17:17

A’deu chäänöngato que shoomacooto; adha’deddu yää a’deu chäänöngato.

DOMAANO 12:2

Edä nono de’wono woije’da eichäcä; tösa’duminchaane ätö’tajäätödööcomo sha’duminchatääcä, aweichöcoomo mmaja esa’duminchaiyede yaawä. Yaawä Wanaadi woijato odhoowanääcäiñe ä’döjai ña, töwö yaacötö mmaja, yää aashichaato, chäänöngato mmaja.

DOMAANO 13:12

Coijaicho ejä’dä’jai nä’döi eduuwa, awaanajai nä’döi. Yääje yeijäcä yää tööjano’taca tödööemö e’nomjajai caato eduuwa; cöwoowontoto’como cöödötäiye, suddau tawaanato aca töweewänä’täämö töweiye naichöje.

DOMAANO 13:14

Cajiichaana Jesuuquidiito owoowontoto’comooje tödöötäcä. Ajuunucoomo nijummadö mma männötäi’che.

DOMAANO 6:4

Wautisaaje cöwä’dödööcomo que Quidiito wääwaaca’jödö nönge mmaja cääwaacatääne dea; töwääma cä’ja’quene yaawä. Yaawä töwö Tumö jäduudu aashichaato woije töwäämaajo jonno cönaadoncai. Chääjadoonoje cöweijäcäiñe cönwanno mmaja caadoncatääne dea yaawä, eduuwaatoje cöweichöcoomo wetä.

DOMAANO 7:6

Eduuwa mmaane waanontänä cödööjaiñe’da na; töwääma caato eduuwa yää jenaadä camu’däneichomooje cönä’ja’dö wwä. Wanaadi wwääne tödööjai caato eduuwa, eduuwatoje cöweichöcoomo Epíiditu Santo nutuudu que, jenaado’jä imennaajä woije mma’daane.

DOMAANO 8:29

Ñanno jenaadä töne’tä’jödö töwö Wanaadi cönnöicho Tönnedö nönge töwä’döaamoje, ñäädä Iiñedö tameedä yuichoncomooje yeichö wetä.

1 CODINTIYO 15:53

Edä weiñä töwaatameemöje naadö töwaatamemjönö que nenwacaama’de; edä cäjööcomo töwäämaamöje naadö töwäämamjönö que nenwacaama’dede.

2 CODINTIYO 3:18

Yääje yeijäcä cönwanno jecuude nönge caato, Cajiichaana Jesuuquidiito weichö queenejaato, töje’duque’daiñe cöweichomjäcä. Quidiito nönge mmaja cä’döaato dea, aashicha cöweichöcoomo jonno aashicha’cä jeene cöweicho’como aca tödööene. Cajiichaana woije dea mädääje caato, ñäädä Epíiditu Santoje naadö dea.

2 CODINTIYO 4:16

Yääje yeijäcä ejääduqueejö’da ñaa weneene. Ñaa ejö wataametaame, ñaa do’tacaano mmaane anooto waadäi töwaatö’nä’e’cä mma naatö’nä’a.

2 CODINTIYO 5:17

Ñäädä Quidiito jadoono eduuwaato amoodetaanö ñäädä. Yää jenaado’jä töwaatame yaawä; tameedä eduuwaatoje na yaawä.

CAADATA 3:27

Tameedä änwanno Quidiito jadoncomooje äwä’dödööcomo wetä wautisaaje mä’döjootäneedö Quidiito weichö nönge dea aweichöcoomo na.

CAADATA 6:15

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; eduuwaatoje cöweichöcoomo tödööajä mmaane täje na.

EUJEESIYO 2:10

Cönwanno caato Wanaadi nödöödöje; Jesuuquidiito jadä cöwä’dödööcomo que töwö cödöötäne aashichaato tödönnamooje, jenaadä töwö cöntö’tammecöichöje dea.

EUJEESIYO 2:15

Töwäämadö que Quidiito cönaacoichajoi waanontänä imennaajä, yää töwaanontäämöje cönä’ja’dö. Töwö töjaadonooje cönnöicho ñanno aacä iju’jä cönä’ja’todö, judhío, judhíojöncomo mmaja; tooni iju’jä mma cönnöicho. Mädääje töwö ääweichacoonoje cönnöicho.

EUJEESIYO 6:11

Adheewontätääcä tameedä owoowontoto’como que, yää Wanaadi nutuudu, jäduuje aweichöcoomo wetä yaawä odo’sha adhencu’tä’seiñe yeichawä.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

EEWEDEO 1:8

Tönnedö jäcä mmaane edääje Wanaadi nä’döa: Yeichöje cajiichaanaje ma’de, amäädä Wanaadi. Chäänönge aweichö que cajiichaanaje ma.

EEWEDEO 12:14

Tameedä soto jäcä äätu’dedööje’da aweicho’como encano’tätääcä, aashicha aweiyancädäiñe. Ñäädä aashicha yeichö ’jemjönö Cajiichaana aneene’da na’de.

1 PEEDHODO 2:2

Mude’cä’cä ennueenö shuushu tumjumma töweiye naichöje mmaja Wanaadi a’deddu chäänöngato ijummatääcä, yää que maatö’nä’täiye, tadoiñe odo’tadööcomo weichö wetä,

2 PEEDHODO 1:4

Yääje yeijäcä töwö Jesuuquidiito cuntui cöwwäiñe aashichaato ecammaajä, chäänöngato mmaja. Yää ecammaajä que änwanno Wanaadi weichö ejoodöjai maato, edä nono de’wono conemjönö jonno määnejeetäiye yaawä, yää chäänöngemjönö ijummadö que naadö.