EUJEESIYO 4:23 - Wanaadi A'deddu

²³ Töweecamjiyaacaane eijai maato ätö’tajäätödööcomo jäcä, aweichöcoomo jäcä mmaja.

EUJEESIYO 4:23 ပူးပေါင်းရင်းမြစ်များ

DOMAANO 12:2

Edä nono de’wono woije’da eichäcä; tösa’duminchaane ätö’tajäätödööcomo sha’duminchatääcä, aweichöcoomo mmaja esa’duminchaiyede yaawä. Yaawä Wanaadi woijato odhoowanääcäiñe ä’döjai ña, töwö yaacötö mmaja, yää aashichaato, chäänöngato mmaja.

DOMAANO 6:4

Wautisaaje cöwä’dödööcomo que Quidiito wääwaaca’jödö nönge mmaja cääwaacatääne dea; töwääma cä’ja’quene yaawä. Yaawä töwö Tumö jäduudu aashichaato woije töwäämaajo jonno cönaadoncai. Chääjadoonoje cöweijäcäiñe cönwanno mmaja caadoncatääne dea yaawä, eduuwaatoje cöweichöcoomo wetä.

DOMAANO 8:6

Yää tujuunu nödöödö encano’tädö wäämatoojoje noowonö’jaca; Wanaadi nödöödö encano’tädö mmaane yeichöödoto weiñä daja nejoodöja, täncanoode’da weichojo mmaja.

EUJEESIYO 2:10

Cönwanno caato Wanaadi nödöödöje; Jesuuquidiito jadä cöwä’dödööcomo que töwö cödöötäne aashichaato tödönnamooje, jenaadä töwö cöntö’tammecöichöje dea.

CODOOSENSE 3:10

Yää me’nomjatääne eduuwaato weiñä äwwäiñe tödöödö wetä. Yää eduuwaato weiñä, äwwäiñe naadö, wecoonecaanäje weneene, ñäädä Wanaadi tamoode’nänei’jödö nönge töwä’dödö wa’cä, ñäädä towaanäcä yä’dödö jonaane mmaja.

TIITO 3:5

töwö cäwaanacaatäne. Aashicha cönnö’jocoomo jäcäinchädä’da töwö cäwaanacaatäne, töwwä wentumje cäne’jocoomo weijäcääne. Töwö Wanaadi cäwaanacaatäne cöcoccadööcomo que, yää eduuwaatoje cöwennuduucomo cu’tädööje naadö. Epíiditu Santo ai cäwaanacaatäne, ñäädä eduuwaato cöweichöcoomo u’nei.

1 PEEDHODO 1:13

Yääje yeijäcä ätö’tajäätödööcomo ijäädu’tätääcä; odhoowadäädäiñe eichäcä. Chäänönge yoomo’täcä Wanaadi nutuudu aashichaato, yää Jesuuquidiito wäänejoodawä äwwäiñe töwä’tueemö.