EUJEESIYO 4:22 - Wanaadi A'deddu

²² Jenaadä awei’jocoomo e’nomjatääcä, yää tujuunu nijummadö tödöödö. Yää jenaado’jä weiñä töweecone’ma na; töwäätäncu’tojo na dea conemjönö tumjummadö que.

EUJEESIYO 4:22 ပူးပေါင်းရင်းမြစ်များ

DOMAANO 6:6

Cönwanno cowaanäcäiñe na yää jenaadä cöwei’jocoomo Quidiito jadä cuduusa jäcä yääma’jödö. Yaawä yää conemjönö tödö’se weiñä cönäämai. Yääje yeijäcä conemjönö tödöödö anoonöje eijai’cha caato eduuwa.

DOMAANO 7:11

Conemjönö yencu’täne yaawä yää waanontänä töjääduduuje töweiyancädä; yeemane yaawä chääque.

2 CODINTIYO 11:3

Öwö tösaade wa äjääcäiñe; ñäädä äcääyu, äncu’tätä töweichö que Eewa cönencu’täichö wwä mmaja ätö’tajäätödööcomo shaadijannä’cajoojai ätö’taato öwwä, chäänöngato que Quidiito tumjumma aweichöcoomo jonno.

CAADATA 1:13

Änwanno metaatäne jenaadä wei’jödö, judhío wätunnäichomo tönnöe weichö. Odhoowanääcäiñe quedeiyentecoomo jooje tömmaminchaiñe töweiye wei’jödö, quedeiyenteje weiñä acoicha’se’jödö.

EUJEESIYO 2:3

Tameedä ñaa mmaja mädääje töweiye ñaa cönä’ja’dea. Cumjummadööcomo woije töweiye cä’ja’quene; cujuunucoomo nijummadö woije mma tönnöe cä’ja’quene, cötö’tajäätödööcomo woije mmaja. Yääje yeijäcä Wanaadi wwä töwäätä’maminchajaamoje cä’ja’quene, anejjacoomo soto naatoodöje mmaja.

EUJEESIYO 4:17

Yääje yeijäcä edä wecammaadö Cajiichaana woije mänwätuujaato: Änwanno Wanaadi dhowaanojöncomo nönge eijai’cha maato eduuwa, ñanno tötö’tajäätödööcomo chäänöngemjönö woije weneenetoodö.

EUJEESIYO 4:25

Yääje yeijäcä juutuje’da eichäcä eduuwa; tameedä na’deuwö’ña’to chäänöngato que töweichacoono wwä, yää dea ejööje cöweiya’como.

EUJEESIYO 4:31

E’nomjatääcä tameedä wä’tu’de’tänä, tääde’cwade weiñä mmaja, wätäccujä’nä mmaja, töwäätöma’se weiñä mmaja, wata’de’tänä mmaja, tameedä anejja conemjönö mmaja.

CODOOSENSE 2:11

Quidiito jadä aweichomjäcä mmaja siicunsidaadoje mä’dötääne dea, adheejöcoomo jäcä’daane, ajuunucoomo nijummadö jonno töwääwanaaca aweichöcoomo queene; yää yää Quidiito nödöödö siicunsidaadoje weiñä.

TIITO 3:3

Cönwanno mmaja cujeeje cä’ja’quennea jenaadä, Wanaadi woije’da mmaja. Töwännanö’e cä’ja’quene, tameedä conemjönö tödö’se cöweichöcoomo aca töwaatashiichuudä cä’ja’quennea. Conemjönö aca töweiye cä’ja’quene, tö’neiñe mmaja. Anejjacoomo wwä töwä’quimmajo cä’ja’quene, cönwanno mmaja anejjacoomo tönquiiñeme’que cä’ja’quennea.

EEWEDEO 12:1

Mädääje na; jooje naato ñanno ecamjödö ’ja’como wäänejoodö cöwwäiñe. Yääje yeijäcä cummichaatäiye tameedä cämu’däneichomooje naadö, conemjönö cashiichuudäneichomooje naadö mmaja. Chincha’da cöweiyancädäiñe cöötätäiye cäämadööcomo tai.

EEWEDEO 3:13

Töweejädu’tääne adheejädu’tätääcä anooto waadäi, eduuwa naadawäädä, anejja mma adhantawäiñe conemjönö wwä ätäncu’täjo’no, töwäätuujacoone’da ei’ñode yaawä.

SANTIYAACO 1:21

Yääje yeijäcä e’nomjatääcä tameedä chäänöngemjönö, yää conemjönö äjääcäiñe töweejange weneenedö. O’jodhe ätö’tajä’ancädäiñe’da Wanaadi a’deddu woije eichäcä, yää ñaatö’tädö nönge ätö’tajäätödööcomo aca cönä’natö’täichö. Yää Wanaadi a’deddu jäduuje na adheewanaacadööcomo jäcä.

SANTIYAACO 1:26

Ñäädä ecamjödö jäcä chäänöngato wa’cä tö’tadö tunuudu aneedennanö’jo’da töweichaame, töwwäädä nätäncu’ta; töwäädämma ñeecamjödö na.

1 PEEDHODO 1:18

Änwanno odhoowanääcäiñe Wanaadi wwä täwaanaca aweichöcoomo töwäädämmato weiñä aca aweichöcoomo jonno, yää oomotoncomo’jödö odhoowanoomatäänedö. Yää adheewanaacato’como cönääjemai töwaatameemö que’da, oodo, jödaata nöngato que’da.

1 PEEDHODO 4:3

Chääwa’cä na yää jenaadä awei’jocoomo, Wanaadi dhowaanojöncomo wacöötö tönnöe mä’ja’quennö, yää masuuduichanä, tujummamjönö ijummadö mmaja, wä’dau’nä mmaja, wänwanä mmaja, wewoodoichanä mmaja, waanontänä wä’dödö nönge’da chu’taajä ijummadö mmaja.

2 PEEDHODO 2:13

Näntunaanö’aato’dede anejjacoomo soto cönentunamjöichodö jo’tädööje. Shiiyöcoomoje weneene anooto waadäi töweewodoichadööcomo. Jöije naato; tujuumä äwääwashinchädööcomo töncone’ma weneeneto. Conemjönö tumjummadööcomo aca töweewodoicha töweichaameiñe, ajaadäiñe dea töwääwashinchä weneeneto, yääjönö wa’cä.

2 PEEDHODO 2:7

Doote mmaane Wanaadi cöneewanaacai, ñäädä dhanwa chäänöngato. Ñäädä Doote töquincha cönä’jaacä conemjönö tödöödö eneedö ñanno conemjöncomo wwäiñe.