EUJEESIYO 4:21 - Wanaadi A'deddu

²¹ ¿Chäänönge jönca chääcadö metaatäne? ¿Chäwwä jönca moowanoomajootäne chäänöngato jäcä, yää Jesuuquidiito jadä weiñä jäcä?

EUJEESIYO 4:21 ပူးပေါင်းရင်းမြစ်များ

MATEO 17:5

Yääje ya’deutaame dea ca’dutu tawaanato cöneejä immai’chäiñe. A’deu cönäätaacä yaawä ca’dutu do’taca: —Määdhä ñäädä Önnedö umjummadö, ta’cwaiñe chääjäcä waadö. Dha’deddu etaatäcä; quee cönäätaacä a’deu.

DUUCA 10:16

Yaawä töwö cönä’döaacä tönoowanoomadö wwäiñe: —Ñäädä adha’dedducoomo etaanei, öwö ya’deddu mmaja töneeta. Ñäädä aquiiñeme’nenaamo, öwö quiiñeme’tä mmaja. Ñäädä öwö quiiñeme’nei, yaanontänei’jödö chiiñemeecödö wa’cä mmaja na dea yää; quee cönä’döaacä Jesuuquidiito.

JUAN 1:17

Moisé ai Wanaadi cuntui cöwwäiñe jenaado’jä waanontänä; Jesuuquidiito ai mmaane aashichaato cönä’tui cöwwäiñe, chäänöngato a’deu mmaja.

JUAN 10:27

Öwö sootoi ya’deddu töneeta weneeneto, tädhaajä a’deddu oweeja töneeta töweiye naichodööje. Yoowanääcä tönwanno; tönwanno öncäcä töötä weneeneto.

JUAN 14:17

Edä nono de’woncomo ñäädä ijummajai’cha naato, aneene’da yeichomjäcä, dhowaanäcäiñe’da yeichomjäcä mmaja. Änwanno mmaane odhoowanääcäiñe na, ajaadäiñe yeijäcä; töwö yeichöje ataacaiñe na’de.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

DOMAANO 10:14

Yaawääne’ ¿aaquene mmaja Wanaadi wwä a’deuwödööto deeade’, töneecanö’e töweichöcoomojöönö? ¿Aaquene aneecamjödööto deeade’, eta’jödööjönö töwwäiñe? ¿Aaquene aneetadööto deeade’, töwwäiñe ecammajä’nei ’je’da yeichaame?

2 CODINTIYO 1:20

töwö tameedä Wanaadi necamma’jödö tönnöe weneene. Yääje yeijäcä aashicha Wanaadi jäcä cöwa’deuwödaawäiñe “Amén” quee töwä’döe cäänetääne, töwö Jesuuquidiito jäcäinchädä dea.

2 CODINTIYO 11:10

Quidiito a’deddu chäänöngato öwwä naadö wa’cä mmaja chäänönge yääje wä’döa, mädä chääjäcä wä’wa’deme’caadö ijo’quejö’da na’de tameedä Acaaya weichö wa’cäädä.

EUJEESIYO 1:13

Yaawä äcuude änwanno mmaja chäänöngato wätunnä metaatäne dea, yää aashichaato wätunnä eduuwa äwääwanaacato’comooje naadö. Yää etaadö’jo Quidiito mecaanö’täne, chääjadoonoje mä’dötääne dea. Yaawä Wanaadi sotoije aweichöcoomo adheene’ju’to’comooje Epíiditu Santo que mä’madaaca’ñojootäne, ñäädä Wanaadi necamma’jödö.

EUJEESIYO 2:17

Töwö Quidiito cöneejä aashichaato wätunnä ecammajä’neije, yää äätu’dedööje’da weiñä jäcä ecammajäätödö. Töwö yää cöneecammajäätöi äwwäiñe, änwanno amoincha’como’jödö; judhío wwäiñe mmaja cöneecammajäätöi chea, ñanno amoinchemjöncomo.

CODOOSENSE 1:5

Änwanno mädääje maato onwomoocödööcomo töweiye yeijäcä, yää caju ña äwwoncomooje tösooma naadö. Jenaadä änwanno metaatäne yää töwoomo’quemö jäcä chäänöngato wätunnä ecammajäätödö que.

CODOOSENSE 1:6

Yää aashichaato wätunnä, äwwäiñe cönäätäcammaichö, tameedä yeichö wa’cä wäämecantänääje na eduuwa, wäädhe’manääje mmaja, äjääcäiñe weneenedööje dea. Mädääje äjääcäiñe aashichaato wätunnä cönaatö’näjöi awa’deene aashicha Wanaadi weichö jäcä metaatäneedö jonnoto’jödöödä, chäänönge yeichö metaatäneedö jonnoto’jödöödä mmaja.

CODOOSENSE 2:7

Choojonno ä’sancwa’da eichäcä, dee tömiichato yäätäädä töweiye naichöje, töwö ñi’wa’tädö que awaatö’nä’ancädäiñe. Jäduuje eichäcä aneecamjödööcomo jäcä, yeichöje Wanaadi wwä aashicha awa’deuwancädäiñe, moowanoomatäänedööje dea.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.