EUJEESIYO 4:2 - Wanaadi A'deddu

² O’jodhe chö’tajäätö’da eichäcä, soto jäcäiñe jäduuje’da mmaja; aashicha ä’shinchätääcä; ta’cwaiñe eichäcä ääjäcä, äwä’jummancädäiñe.

EUJEESIYO 4:2 ပူးပေါင်းရင်းမြစ်များ

MATEO 11:29

Öwö naadojoodö adäätäcä. Oowanoomatääcä jääcä, maneedeetanö’täiye. Dho’noncomo tö’tajäätödö öwö, äätömaajä’jönö mmaja.

MAADOCO 9:19

Yaawä Jesuuquidiito cönä’döaacä chäwwäiñe: —Mädä wa’cä aneecamjö’da maato. ¿Ä’waasa’cäne mma numa ajaadäiñe wei’she maato? Numa dajaane wä’döi äshinchädööcomooje. Sadäädä ene’täcä mä’dä mude’cä’cä; quee cönä’döaacä Jesuuquidiito.

DOSECHO 20:19

Ajaadäiñe weichö Cajiichaana Jesuuquidiito woije töweiye wä’jaaquene, anejja e’jodhe tö’tajä’ancädä’da. Jooje waamodö que Cajiichaana tadaawaajui tönnöe wä’jaaquene, jooje wäntunamjödö que mmaja, yää judhíocoomo maaminchatä yei’jocoomo.

DOMAANO 15:1

Cönwanno ecamjödö jäcä jäduuja’como i’wa’täjai caato ñanno jäduujemjöncomo iiñödööcomo jäcä; cönwanno cöweichöcoomo mma encano’täjai’cha caato.

1 CODINTIYO 13:7

Töwö tameedä töiñetunca ecaanö’ancädä dea, tameedä tönwomo’que mmaja, tönshinchä mmaja.

CAADATA 6:2

Äämetaacäi adhe’wa’tätääcä anaadädööcomo jäcä, mädääje Quidiito waanontädö tödööjai maato.

EUJEESIYO 1:4

Quidiito jäcäinchädä mmaja Wanaadi cä’tätääne edä nono wamoodetaadö owaajodä, tösooma chämjataawä cöweichöcoomo wetä, conemjönö ’je’da cöweichöcoomo wetä mmaja.

CODOOSENSE 1:11

Töne’ca’e ñaa weneene dea Wanaadi wwä äjäädu’toto’como töwö ijäädudu aashichaato que, adha’cwaniiyöcoomo que tameedä tönshinchä aweichöcoomo wetä yaawä, chincha’da aweichöcoomo wetä mmaja.

1 TIIMOTEO 6:11

Amäädä Wanaadi anoonö mmaane tameedä mädoocomo jonno äänejeecä. Aashichaato mmaane encano’täcä, Wanaadi woije weiñä mmaja, ecamjödö mmaja, wä’jummanä mmaja, aashicha shinchädö mmaja, o’jodhe chö’tajäätö’da weiñä mmaja.

2 TIIMOTEO 2:25

Töwö töwäätuujacoonemjöncomo yäätuujajai ñaato jäduuje chääjäcäiñe töweiyancädä’da, Wanaadi wwä tötö’tajäätödööcomo sha’duminchatoojo edantäiyeto yaawä, chäänöngato dhowaanäcäiñe yä’dödö wetä.

SANTIYAACO 1:21

Yääje yeijäcä e’nomjatääcä tameedä chäänöngemjönö, yää conemjönö äjääcäiñe töweejange weneenedö. O’jodhe ätö’tajä’ancädäiñe’da Wanaadi a’deddu woije eichäcä, yää ñaatö’tädö nönge ätö’tajäätödööcomo aca cönä’natö’täichö. Yää Wanaadi a’deddu jäduuje na adheewanaacadööcomo jäcä.

1 PEEDHODO 3:15

Ätö’tajäätödööcomo jäcä cajiichaanaje Jesuuquidiito tödöötäcä. Adheecamma’jonnamo wwä ecammacoije eichäcä onwomoocödööcomo jäcä, tucuuna’se adha’dedducoomo tödööancädä, wo’nontänä que mmaja.

1 PEEDHODO 3:8

Edääje mmaja wä’dö’se wa dea äwwäiñe: Tameedäädä äänönge ätö’tajä’täcä; wentumje äneetä eichäcä. Ä’jummatääcä, töweichacoono ijummadö töweiye naichöje. Ta’cwaiñeiñe eichäcä, o’jodhe chö’tajäätö’da mmaja.