EUJEESIYO 4:15 - Wanaadi A'deddu

¹⁵ Edääjeene eijai caato, chäänönge a’deujai caato cöwä’jummancädäiñe, Quidiito jadä cöwaatö’näjöödöcoomo wetä tameedä cöweichöcoomo jäcä. Töwö Quidiito cuju’jocoomoje na.

EUJEESIYO 4:15 ပူးပေါင်းရင်းမြစ်များ

JUAN 1:47

Yaawä töwwadäädä Nataanaeede weejödö edanta’jäcä Jesuuquidiito cönä’döaacä chäwwä: —Määdhä ñäädä iisadaaediita chäänöngato, töwäätäncu’täjä’emjönö; quee cönä’döaacä Jesuuquidiito Nataanaeede jäcä.

DOMAANO 12:9

Wätäncu’tänä que’da ä’jummatääcä. Conemjönö chiiñu’tätääcä; aashichaatoone ijummatääcä.

1 CODINTIYO 11:3

Odhoowanääcäiñe yei’she wa Quidiito dhanwa ju’jäje yeichö; dhanwa ’quene wodi ju’jäje; Wanaadi ’chene Quidiito ju’jäje.

2 CODINTIYO 4:2

Tameedä chäänönge’da weiñä töjo’ma na ñaa wwä, yääjönö wa’cä wäänejoonä mmaja. Ätäncu’tä’da mmaja ñaa na dea, Wanaadi a’deddu äncamjiyaaca’da mmaja. Chäänöngato mmaane töneecammajä’e ñaa weneene. Mädääje täcaadö tönnöe ñaa weneene Wanaadi owaadäädä; tameedä soto ñaa weichö chö’tammecöiyeto yaawä.

2 CODINTIYO 8:8

Adhaanontädööcomooje’da yääje wä’döa. Chaanönge anejja quedeiyentecoomo weichö wecammajä’a äwwäiñe, wä’jummanä chäänöngato äwwäiñe töweiye yeichö eneedö wetä.

EUJEESIYO 1:22

Töwö Wanaadi Quidiito cönnöi chea tameedä Cajiichaanaje, tameedä quedeiyentecoomo ju’jäje mmaja.

EUJEESIYO 1:4

Quidiito jäcäinchädä mmaja Wanaadi cä’tätääne edä nono wamoodetaadö owaajodä, tösooma chämjataawä cöweichöcoomo wetä, conemjönö ’je’da cöweichöcoomo wetä mmaja.

EUJEESIYO 2:21

Quidiito woije tameedä maa tojoodöjo na; yää adai’jä nataamäa Cajiichaana weichojo aashichaatoje yä’dödö wetä.

EUJEESIYO 4:25

Yääje yeijäcä juutuje’da eichäcä eduuwa; tameedä na’deuwö’ña’to chäänöngato que töweichacoono wwä, yää dea ejööje cöweiya’como.

EUJEESIYO 5:23

Dhanwa wodi ju’jäje na, Quidiito quedeiyentecoomo ju’jäje naadöje mmaja. Quidiito dea quedeiyentecoomo Ewaanacaaneichomooje na dea, ñanno chääjöje naatoodö.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 PEEDHODO 2:2

Mude’cä’cä ennueenö shuushu tumjumma töweiye naichöje mmaja Wanaadi a’deddu chäänöngato ijummatääcä, yää que maatö’nä’täiye, tadoiñe odo’tadööcomo weichö wetä,

2 PEEDHODO 3:18

Töwaatö’nä’eene aatö’nä’täcä Cädhaajotoncomo Jesuuquidiito nutuudu aashichaato que, ñäädä Cäwaanacaaneichomo, töwö odhoowanääcäiñe tödöödö que mmaja. Aashicha wa’deutojooje töwö na, eduuwa yeichö jonno yeichöödäje. Amén.

1 JUAN 3:18

Önnacoomo’cä, ca’dedducoomo que mma’da cä’jummato’ñojo, cöntadööcomo que mma’da mmaja, chäänöngato queene, tödööancädä mmaja.