EUJEESIYO 4:14 - Wanaadi A'deddu

¹⁴ Mudeeshi’chä nönge eijai’cha caato eduuwa, aneene’jutu’da’da; wätunnä waadäi ataadojoojai’cha caato dea, jejeichä nemannäjöödö töweiye naichöje. Ñanno wätäncu’tänä jäcä towaanojo’na’como wwäiñe ätäncu’tojoojai’cha mmaja caato dea, ñanno chäänöngemjönö ai cadä’seiñe weneenetoodö.

EUJEESIYO 4:14 ပူးပေါင်းရင်းမြစ်များ

MATEO 11:7

Juan nowaanomaadö wöta’comjäcä Jesuuquidiito cönaajäntäi yaawä Juan jäcä töwa’deuwödö ñanno soto wwäiñe. Töwö cönä’döaacä: —¿Ane’cäämö ene meiya’quene jata ’jemjönö aca? ¿Cudaata nönge yeiyaatäi mecaanö’a’quene, jejeichä awä töwäätu’me?

MATEO 24:11

Jooje ecammajä’nnamo chäänöngemjöncomo naato’de, Wanaadi woija’como wätä’tädö. Jooje soto nätäncu’täjaato’de chäwwäiñe.

MATEO 24:24

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno jooje ene’ju’tojo nödööaato’de, jooje täneemö mmaja, Wanaadi sotoi jadä’jödöödä encu’täto’comoojatö’jödö.

DOSECHO 23:21

Maneecamjöi’che dha’dedducoomo. Aacä sotooto de’wä shootoichomo naato iiñoshinchännamo. Tönwanno ya’deuwö’jocoomo na ääwashinchä’da töweichöcoomo jäcä töwwäiñe Paudo emaadö wa’cä. Awa’deuwödö mma niyoomo’caato eduuwa; quee cönä’döaacä Paudo jonö.

1 CODINTIYO 12:2

Änwanno odhoowanääcäiñe na quedeiyenteje’da aweichöcoomo töwä’sadiijannä’cajo awei’jocoomo chu’taajä ta’deudemjönö wwadäädä.

1 CODINTIYO 14:20

Jimmä, mude’cä’cä nönge’da ätö’tajä’täcä. Conemjönö tödöödö jäcä mmaane mude’cä’cä nönge eijai maato; tö’tajä’nä jäcä ’quene inchomo nönge eijai maato.

1 CODINTIYO 3:19

Edä nono de’wono sejje wä’shiquiijanä nönge mma Wanaadi wwä na. Dha’deddu imennaajä jäcä edääje nä’döa: “Töwö Wanaadi tösejjeca’como nashiichuudaato’de shejjedööcomo que dea mma;” quee nä’döa.

2 CODINTIYO 2:17

Töwäätätöijatoojoje Wanaadi a’deddu ännö’da ñaa na; oncone’ma’da mmaja, anejjacoomo tönnöe weneenetoodöje’da. Chäänönge töweichö queene Wanaadi a’deddu töneecammajä’e ñaa weneene, Wanaadi nanontä’jödö woije, Wanaadi owaadäädä mmaja, Quidiito jadoonoje ñaa weijäcä.

2 CODINTIYO 4:2

Tameedä chäänönge’da weiñä töjo’ma na ñaa wwä, yääjönö wa’cä wäänejoonä mmaja. Ätäncu’tä’da mmaja ñaa na dea, Wanaadi a’deddu äncamjiyaaca’da mmaja. Chäänöngato mmaane töneecammajä’e ñaa weneene. Mädääje täcaadö tönnöe ñaa weneene Wanaadi owaadäädä; tameedä soto ñaa weichö chö’tammecöiyeto yaawä.

CAADATA 3:1

Änwanno jimmä, Cadaasiya ñancomo, ¿aaquene mädä wa’cä aneene’jutu’da maato? ¿Änääcö ä’jedäätäne chäänöngato wätunnä woije’da aweichöcoomo wetä? Aneetadööcomooje ñaa cöneecammajäätöi Jesuuquidiito cuduusa jäcä yääma’jödö. Yää cönä’jaacä äwwäiñe eneedö wa’cä.

EUJEESIYO 6:11

Adheewontätääcä tameedä owoowontoto’como que, yää Wanaadi nutuudu, jäduuje aweichöcoomo wetä yaawä odo’sha adhencu’tä’seiñe yeichawä.

1 TIIMOTEO 3:6

Quedeiyenteje ä’döeenö ansiyaanoje eijai’cha na, o’jodhe chö’tajäätö’no yaawä, odo’sha wei’jödö nönge mmaja ecoone’ma’no yaawä töwö.

2 TIIMOTEO 1:15

Odhoowanääcä na tameedä Aasiya ñancomo wwä ye’nomja’jödö, Jijeedo mmaja, Eedemoojene mmaja.

2 TIIMOTEO 3:13

Ñanno conemjöncomo mmaane, äncu’tännamo mmaja, cone’da töweichöcoomo jonno jooje’cä mma necoone’maato’de; äncu’tännamo tönwanno, yäätäncu’täja’como mmaja.

2 TIIMOTEO 4:3

Aneedawä chäänöngato wätunnä eta’se’da soto weicho’como cu’nädö na’de. Tönwanno ni’jummaato’de töwaacötö jäcä owaanomannamo mma, töjaanashiiyännamooje mma.

EEWEDEO 13:9

Anejja wätunnä que, chäänöngemjönö que mmaja mä’sadiijannä’cajootäi’che. Wanaadi nutuudu aashichaato queene cötö’tajäätödööcomo ijä’du’täjai caato, äwanshi amoi’chädö que’daane. Yää tödöödö que chäänönge ä’dö’da weneeneto ñanno tödönnamo.

SANTIYAACO 1:6

Yaawääne’, ecamjödö que deaane ñäädä e’ca’jai ña, aneecamjö’da’daane. Ñäädä aneecanö’jönö dama madaatacai’chädö nönge na, jejeichä nemannäjöödöje mma.

SANTIYAACO 3:4

Chäänönge mmaja jidaawa; adai’jä yeichaame, joojato jejeichä nadäädöje yeichaame mmaja, she’coto’cä que e’se’tädö nai, e’se’tänei woije mma.

2 PEEDHODO 2:18

Iiña mmädä töwa’deuwe weneeneto, yääjönö wa’cä. Conemjönö que, tujuunu nijummadö que mmaja, tönencu’täiñe weneeneto ñanno chäänöngemjöncomo jonnoto yäänejeea’como.

1 JUAN 2:19

Tönwanno cönä’sancwajoicho cöjaadäiñe töweichöcoomo jonno. Cöjimmotoncomo neenejöönö cönä’ja’to. Dha’da ei’jo mmaane cösancwatäiñe’da eichö cöneiya’to. Tönwanno cösancwatääne täne’ju’dhe yeichö wetä cöjimmotoncomo neeneje’da töweichöcoomo.

1 JUAN 2:26

Edä wimennäi äwwadäädäiñe adhencu’tä’sa’como jäcäiñe.

1 JUAN 4:1

Jimmä umjummadö, tameedä ecammajäätödö mmädä maneecanö’täi’che, ñanno Wanaadi woija’como wätä’tädö necammajäätödööcomo. Töneene’ju’eene eichäcä Wanaadi woijatooje yeichö, yoijatooje’da yeichö jeiñe mma. Jooje naato eduuwa edä nono de’wä ecammajä’nnamo chäänöngemjöncomo, Wanaadi woija’como wätä’tädö.

JUUDHA 1:12

Jöije weneeneto, tujuumä äwääwashinchädaawäiñe töweewodoicha yeichomjäcä, wo’nontänä ’je’da. Oweeja edai’chännamo töwwäädo’como wä’jummadö töweiye naichodö nönge tönwanno. Ca’dutu conoojo ’jemjönö töweiye naichöje mmaja naato dea, jejeichä nemannäjöödöje. Dee töweejössetaatojo cu’nädö awä ejössetaajönö nönge mmaja tönwanno. Aacäde töwääma naato, dee imo’dichaajä töweiye naichöje.

APOOCADIISI 19:20

Ñäädä ecammajä’nei chäänöngemjönö yäätä cönä’ja’dea, ñäädä odoocojaato neneedöje ene’ju’tojo tönnöe cönä’ja’dö. Töwö yää ene’ju’tojo tödöödö que tönencu’täiñe cönä’jaacä odoocojaato eetö que yä’madaaca’ña’como, ñanno chu’taajä ya’deme’nnamo. Yaawä ñäädä odoocojaato cönaatajoijoi chäwwäiñe, cawaayu tajääde’dato de’wä cönä’ja’dö wwäiñe. Ecammajä’nei chäänöngemjönö mmaja cönaatajoijoi chea. A’nädäncädä nudäädä cönäätämaajoicho jiyooto comootödö ña. Iiña wedeinchä nengaato’de, acuudajaada dhatu’jödö jodö joqque.