EUJEESIYO 4:10 - Wanaadi A'deddu

¹⁰ Ñäädä cönä’täichö dea cawä cönäncui chea tameedä caju ejoodhe, tameedä yeichö wa’cä töweichö wetä.

EUJEESIYO 4:10 ပူးပေါင်းရင်းမြစ်များ

MATEO 24:34

Chäänönge yääje wä’döa äwwäiñe, tameedä mädä neja’dä’a’de canno soto eduuwa naatoodö ä’jajo’dadä.

DUUCA 24:44

Yaawä töwö cönä’döaacä chäwwäiñe: —Yää öwö jääcä cöneeja’dätäichö cönä’jaacä ajaadäiñe weichö töneecammajä’e wä’jaaquennö nönge dea. Öwö äwwäiñe töneecammajä’e wä’jaaquene jääcä Moisé nimennä’jödö töweeja’dä’emooje yeichö, Wanaadi wa’deuwödö ecammannamo nimenno’jocoomo töweeja’dä’emooje yeichö mmaja, Wecanta’ñotoojo jajeedai’chädö jäcä naadö mmaja; quee cönä’döaacä Jesuuquidiito.

JUAN 1:16

Mädä aashichaato töwääde’camjönö chäwwä naadö töwö cuntui cöwwäiñe. Ääde’wä aashichaato tunu’e weneene cöwwäiñe, aashichaato tuntu’jödö de’wä mmaja.

JUAN 19:24

Yääje yeijäcä tönwannoje dea suddau cönä’döa’to: —Änsedeijätö’da queichäiye; cöwä’cana’cato’como cännötäiye, chaana’canei’jödö töwwä tödöiye yaawä; quee cönä’döa’to. Mädääje Wanaadi a’deddu imennaajä wä’dödö nönge cönä’jaacä: “Woomö’jödö töwaadäiñe cönnöicho, wä’cana’canä tödöödö’jo;” quee imennaajä wä’dödö. Mädääje cönnöicho ñanno suddau.

JUAN 19:28

Yää ’jeje Jesuuquidiito dhowaanäcä cönä’jaacä tameedä chäänönge töwä’döe yeichö. Yaawä Wanaadi a’deddu imennaajä wä’dödö nönge yeichö wetä töwö cönä’döaacä: —Emjätö’se wa; quee.

JUAN 19:36

Tameedä yää cönä’jaacä Wanaadi a’deddu imennaajä wä’dödö nönge yeichö wetä, yää yääje yä’dödö naichö: “Ye’jä anaiyo’da naato’de;” quee yä’dödö naichö.

DOSECHO 1:11

Ñanno dhanwaacomo cönä’döa’to anonta’como wwäiñe: —Änwanno Caadideea ñancomo, ¿ane’que’nei caju ña mene’maato? Ñäädä dea Jesuuquidiito, ojonnoiñe caju ña nötännö, ne’a’dede caju ña aneenedööcomooje nötännöje mmaja; quee cönä’döa’to.

DOSECHO 1:9

Yääje töwa’deuwö’jeje Jesuuquidiito cönäncui caju ña ñeenedööcomooje. Yaawä ca’dutu cöna’dui; ääne’da cönä’jaacä yaawä.

DOSECHO 2:33

Töwö Jesuuquidiito caju ña cönaatannä’joi yaawä; Wanaadi nnäcä na eduuwa, ämu’demjönö dö’se. Yuumö cuntui chäwwä Epíiditu Santo, ñäädä töneecamma’jödö dea. Tameedä mädä mene’maatoodö, metaatoodö mmaja, Jesuuquidiito nutuudu woije na.

DOSECHO 3:18

Mädä ännö’jocoomo que chäänönge cönä’döi jenaadä Wanaadi necamma’jödö, yää töwa’deuwödö ecammannamo wwa cöneecammajoi. Edääje töwö cöneecammajoi chäwwäiñe: “Äwaanacaanei töwäntunaanö’emööje na;” quee.

2 CODINTIYO 12:2

Amoojadooto de’wä aacäichea wedu na eduuwa dhanwa ene’jödö öwwä, quedeiyente töwö. Ñäädä cönaatadoojoi aaduwaawoto caju de’cäi tödööene. ¿Aaquene ca cöntännö jääcä, yä’jödöödä jeiñe mma’da ca’dö jääcä, yäänetöödö ai jeiñe mma? Wanaadi mma dhowaanäcä na yääje yeichö.

EUJEESIYO 3:19

Yääje yeijäcä odhoowanääcäiñe yei’she wa Quidiito cujummatäiñe yeichö, tameedä jeene cowaanäcäiñe tödööjai’cha cöweichaameiñe. Mädääje na; tameedä Wanaadi weichö ’je awei’sheiñe wa.

CODOOSENSE 1:19

Wanaadi woije dea tameedä Wanaadi weichö Quidiito wwä na.

CODOOSENSE 2:9

Quidiito wwääne na tameedä Wanaadi weichö.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

EEWEDEO 4:14

Ñäädä Jesuuquidiito, Wanaadi nnedö o’jodhaato, Tumö wwä cöjääcäinchädäiñe töwa’deuwemööje na. Töwö Wanaadi döiña cöntäma. Yääje yeijäcä chäänöngeedä queichäiye cöneecamjödööcomo jäcä.

EEWEDEO 7:26

Cöwwäiñe tujunne töweiye cönä’jaacä yääjato cöjääcäinchädäiñe Wanaadi wwä töwa’deuwemö. Aashichaato töwö, conemjönö ’jemjönö mmaja, conemjönö dönnamo jonnoto wä’sancwajaajä mmaja, tameedä caju ñancomo e’jodhaato mmaja.

EEWEDEO 8:1

Edääje wä’dö’se weichö mädä: Cöwwäiñe töweiye na wecammaadöjaato cöjääcäinchädäiñe Wanaadi wwä töwa’deuwemö. Töwö caju ña na Wanaadi mudei yö’tä yaatajiimaajä, ämu’demjönö dö’se.