EUJEESIYO 3:20 - Wanaadi A'deddu

²⁰ Töwö Wanaadi töjäädudu cötaacaiñe naadö que tödööjai ña tameedä cöne’catäädöcoomo e’jodhe, cöntö’tammecöödöcoomo e’jodhe mmaja.

EUJEESIYO 3:20 ပူးပေါင်းရင်းမြစ်များ

MATEO 3:9

Edääje chö’tajä’jai’cha maato: “Aawadán weichö dea ñaa;” quee cajai’cha maato. Yääje wä’döa äwwäiñe, edä täju mmädä Wanaadi amoode’näjai ña Aawadán weichöje.

JUAN 10:10

“Tämeenato ne’a ememme’que mma, ema mmaja, imaaminchaiñe mmaja; öwö mmaane we’ne chäwwäiñe yeicho’como töweiye yeichö wetä töwä’caamöje’da.

DOMAANO 16:25

Aashicha wa’deutojooje Wanaadi ña; töwö äjäädu’täjaiñe na aashichaato wätunnä töneecammajä’e wääneneedö que, Jesuuquidiito ecammajäätödö que mmaja, yää edä nono tödö’jödö jonnoto’jödöödä owaanäcä’da cönä’ja’dö.

DOMAANO 4:21

Töwö dhowaanäcä cönä’jaacä töneecamma’jödö nönge Wanaadi tödööjai yeichö.

1 CODINTIYO 2:9

Edääje Wanaadi a’deddu imennaajä nä’döa: Tujummannamo wwonooje töweiyemööje Wanaadi cönnöi soto neneedöcoomojöönö, soto netaadöcoomojöönö mmaja, soto nichö’tamme’jä’eetöcoomojöönö mmaja; quee imennaajä nä’döa.

2 CODINTIYO 9:8

Wanaadi tameedä aashichaato u’jai ña äwwäiñe, ewontancädä’da; yaawä chääwa’cä äwwäiñe na’de äwwäiñe tujunnato; chääwa’cä mmaja na’dede aashichaato tödööemööje.

EUJEESIYO 1:19

Odhoowanääcäiñe mmaja yei’she wa dea töwö ijäädudu chääwa’coto ’jemjönö, yää cönwanno ecaanö’nnamo jäcäiñe weneenedö. Töwö Wanaadi töjäädudu cöneenejoi, jäduuje töweichö mmaja,

EUJEESIYO 3:7

Yääje eijaichojöönö wa’cä weichaame töwö Wanaadi yöödöne aashichaato wätunnä ecammajä’neije, töwö töjäädudu woije.

CODOOSENSE 1:29

Mädä jäcäinchädä jooje töweetadaawa’cajo wäänene; töwä’jädu’tä wäänene tameedä jäädudu Quidiito nutuudu que.

1 TIIMOTEO 1:14

Mädääje Cädhaajotoncomo joojato aashichaato cönnöi jääcä; ecamjödö mmaja öwwä cuntui chea, wä’jummanä mmaja, yää Jesuuquidiito jadä cöweichomjäcä cöwwäiñe yä’tuaajä naadö.

EEWEDEO 11:19

Töwö Aawadán dhowaanäcä cönä’jaacä Wanaadi yäämaajä adoncajai yeichö. Yäämaajä waadoncaajä wa’cä tönnedö cöntö’taacä yaawä chäwwä Wanaadi aneemajo’da yei’jödö ncäcäädä.

EEWEDEO 7:25

Yääje yeijäcä töwö yeichöödäje ewaanacaajai ñaato ñanno töjoinchomo Wanaadi wwadäädoncomo wötäädö, yeichöödäje nudä töweijäcä; chääjäcäinchädäiñe töwö töwa’deuwe weneene Wanaadi wwä.

SANTIYAACO 4:12

Tooni töweiye nai waanontä’jä ecammanei, ñäädä waanontä’jä u’nei’jödö dea, ñäädä soto ewaanacaajaicho, ennanö’cajaicho mmaja. ¿Änääcöömäje ätö’taanä amäädä, aweichacoono emmencadö wetä äwwä?

2 PEEDHODO 1:11

Yaawä adheemu’däneichomo ’je’da Wanaadi aweichöcoomoje ayöödöaato’de Cädhaajotoncomo sotoije, ñäädä Cäwaanacaaneichomo Jesuuquidiito.

JUUDHA 1:24

Ñäädä Wanaadi jäduuje na aweejuccadööcomo queiñe adheedai’chädööcomooje. Töwö chäwwä na töweichojo aashichaato döiña adhaadoto’como, conemjönö ’je’da, ta’cwaiñe mmaja.