EUJEESIYO 3:2 - Wanaadi A'deddu

² Änwanno odhoowanääcäiñe nichö’ta Wanaadi wwä yaanontä’jödö äjääcäinchädäiñe aashichaato wätunnä ecammajä’neije; töwö yääje yöödöne aashicha töweichö woije.

EUJEESIYO 3:2 ပူးပေါင်းရင်းမြစ်များ

DOSECHO 13:2

Yaawä yäänemaadawäiñe, yeecanta’ñädaawäiñe mmaja Epíiditu Santo cönä’döaacä chäwwäiñe: —Waanawé, Saudo mmaja, ewaacatääcä tadaawaaju neecammadö dönnamooje; quee cönä’döaacä.

DOSECHO 13:46

Yaawä Paudo, Waanawé mmaja, tösaade’da cöna’deuwöicho; cönä’döa’to: —Wanaadi a’deddu täcammajä’emje cönä’jaacä äwwäiñe awa’de, änwanno judhíocoomo, töwäädä eta’se’da maatoone’; ämjumma’da maato töwaatamemjönö aweicho’como. Yääje yeijäcä judhíojöncomo wwä ñaa necammajä’ta eduuwa.

DOSECHO 22:21

Töwö cönä’döaacä öwwä: “Äjääne, amoinche manaanonta eetonno, judhíojöncomo döiñaiñe;” quee cönä’döaacä yaawä öwwä; quee cönä’döaacä Paudo ñanno Jeduusadén ñancomo wwä.

DOSECHO 9:15

Yaawä Cajiichaana cönä’döaacä: —Äjääneene; öwö weiñä ñäädä ya’deddu ecammaneije töweiyemööje tameedä soto wwäiñe, cajiichaanacoomo wwä, iisadaaediitacoomo wwä mmaja.

DOMAANO 1:5

Jesuuquidiito jäcäinchädä Wanaadi ñaa anontäne aashicha töweichö woije. Töwö ñaa anontäne Jesuuquidiito joi, tameedä soto wwäiñe ta’deddu ecammajä’e, ecamjödö wetä yaawä chäwwäiñe, Wanaadi woije yeichöcoomo wetä mmaja.

DOMAANO 11:13

Edääje wä’dö’se wa äwwäiñe, änwanno judhíojöncomo. Judhíojöncomo wwadäädäiñe anontaajäje weijäcä aashicha mädä taadawaajui tödö’se wäänene.

DOMAANO 12:3

Aashichaato Wanaadi nutuudu öwwä naadö woije edääje wä’döa äwwäiñe: Anejja mma to’jodheene chö’tajäätöi’che. Acu’shämjeene ätö’tajä’täcä, ecamjödö Wanaadi nutuudu äwwäiñe naadö ’cäwa’cä mma.

1 CODINTIYO 4:1

Yääje yeijäcä Quidiito anoonöje mma ñaa weichö chö’tamme’jai maato, Wanaadi nödöödö owaanojöönö’jödö jäcä ecammajä’nnamooje anonta’comooje mmaja.

CAADATA 1:13

Änwanno metaatäne jenaadä wei’jödö, judhío wätunnäichomo tönnöe weichö. Odhoowanääcäiñe quedeiyentecoomo jooje tömmaminchaiñe töweiye wei’jödö, quedeiyenteje weiñä acoicha’se’jödö.

EUJEESIYO 1:10

Edääje na yää inchö’tammecöödö: Chu’nä’taajä aca yä’döa’jäcä töwö Wanaadi tameedä nejoodöjaato’de, caju ña naatoodö, nono de’wä naatoodö mmaja, Quidiito iju’jocoomoje.

EUJEESIYO 3:7

Yääje eijaichojöönö wa’cä weichaame töwö Wanaadi yöödöne aashichaato wätunnä ecammajä’neije, töwö töjäädudu woije.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

EUJEESIYO 3:9

Wanaadi yaanontäne tameedä soto wwäiñe ecaademeecödö wetä töwwä tödöötojo yää owaanojöönö’jödö. Yää owaanojöönö’jödö numa tacaade’da cönä’jaacä, Wanaadi woije dea, ñäädä tameedä tödöönei’jödö.

EUJEESIYO 4:21

¿Chäänönge jönca chääcadö metaatäne? ¿Chäwwä jönca moowanoomajootäne chäänöngato jäcä, yää Jesuuquidiito jadä weiñä jäcä?

EUJEESIYO 4:7

Cöwaadäiñe cönä’tui cöweicho’como, Quidiito nutuudu woije.

CODOOSENSE 1:4

ñaa wwä eta’jödö weijäcä Jesuuquidiito töneecanö’e aweichöcoomo, tameedä Wanaadi sotoi tumjumma aweichöcoomo mmaja.

CODOOSENSE 1:6

Yää aashichaato wätunnä, äwwäiñe cönäätäcammaichö, tameedä yeichö wa’cä wäämecantänääje na eduuwa, wäädhe’manääje mmaja, äjääcäiñe weneenedööje dea. Mädääje äjääcäiñe aashichaato wätunnä cönaatö’näjöi awa’deene aashicha Wanaadi weichö jäcä metaatäneedö jonnoto’jödöödä, chäänönge yeichö metaatäneedö jonnoto’jödöödä mmaja.

1 TIIMOTEO 1:11

Yää chäänöngato woowanoomanä na Wanaadi aashichaato wätunnäi woije, yää täcammajä’emööje öwwä tu’e naadö.

1 TIIMOTEO 1:4

wätunnä wwadäädä ijaanata’da yeichöcoomo wetä mmaja, soto adai’choncomo’jödö ime’cu’tädö mmaja, yää yä’cadö ’jemjönö. Mädä ecammajäätödö que wätäccujä’nä mma noojodööa, Wanaadi tadaawaajui ecamjödööcato tödöödö jäcä mmaane wa’tätä’da na, yää cöwwäiñe töwö cuntuichö.

1 TIIMOTEO 2:7

Yää ecammajä’neije tödööajääje wa öwö, anontaajäje mmaja, judhíojöncomo owaanomaadöcoomo wetä chäänöngato ecamjödö jäcä. Chäänöngato mädä Quidiito owaadäädä wecammaadö, weeshi’jodööjönö.

2 TIIMOTEO 1:11

Wanaadi yeewaacane anontaajäje, aashichaato wätunnä ecammajä’neije mmaja, judhíojöncomo owaanomaaneichomooje mmaja.