EUJEESIYO 3:19 - Wanaadi A'deddu

¹⁹ Yääje yeijäcä odhoowanääcäiñe yei’she wa Quidiito cujummatäiñe yeichö, tameedä jeene cowaanäcäiñe tödööjai’cha cöweichaameiñe. Mädääje na; tameedä Wanaadi weichö ’je awei’sheiñe wa.

EUJEESIYO 3:19 ပူးပေါင်းရင်းမြစ်များ

MATEO 5:6

“Ta’cwaiñe eijai ñaato ñanno chäänönge töwei’sha’como, töwoocödö enö’se weiñä naichöje, ämiije weiñä naichöje mmaja; chäänönge yeicho’como chäwwäiñe nä’tua’de.

JUAN 1:16

Mädä aashichaato töwääde’camjönö chäwwä naadö töwö cuntui cöwwäiñe. Ääde’wä aashichaato tunu’e weneene cöwwäiñe, aashichaato tuntu’jödö de’wä mmaja.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

DOMAANO 8:35

Yääje yeiya’jäcä ¿ane’cäämö cösancwajoojai ñai Quidiito jonno, cujummatäiñe’da yeichö wetä yaawä? ¿Wäntunaanö’nä ’ja, cone’da weiñä ’ja, wätä’maminchajoonä ’ja, ämi dhetuncadö ’ja, töwonque’da weiñä ’ja, tönoiñato ’ja, wäämanä ’ja? Ng’jn, tameedä mädoocomo cösancwajoojaiñe’da na Quidiito jonno, cujummatäiñe’da yeichö wetä.

DOMAANO 8:39

cawoono mmaja, co’dhejeiñano mmaja, tameedä Wanaadi namoode’nädö mmaja cösancwajoojaiñe’da na dea Wanaadi jonno. Tameedä yää jona’da yeichöje Wanaadi nijummadööje caato’de. Cujummatäiñe töweichö töwö Wanaadi cöneenejoi Cädhaajotoncomo Jesuuquidiito ai.

2 CODINTIYO 5:14

Quidiito wwä ñaa jummadö yeijäcä anejjeja eijai’cha ñaa na. Ñaa owaanäcä na tooniyaano dhanwa wääma’jödö tameedä soto jäcäinchädo’comooje; yääje yeijäcä tameedä naato yä’ja’a’como nönge.

CAADATA 2:20

Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.

EUJEESIYO 1:23

Ñanno quedeiyentecoomo Quidiito ejööje naato; tönwanno naato Quidiito weichö ’je, ñäädä tameedä yeichö wa’cä naadö.

EUJEESIYO 3:18

Yaawä änwanno tameedä quedeiyente jädäiñe odhoowanääcäiñe eijai ña täjuujiñe yeichö Quidiito cujummatäiñe yeichö, nuwe yeichö mmaja, sö’je yeichö mmaja, cawä yeichö mmaja.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

EUJEESIYO 5:25

Ñäädä tö’dhato töjiiñamo ijummajai ña, Quidiito quedeiyentecoomo cumjummaichodööje mmaja, chääjäcäinchädäiñe töwä’tudu jonaane.

JIDIIPENSE 1:7

Chäänönge mädääje äjääcäiñe tötö’tajä’e wäänene, öwwä tujunne aweijäcäiñe. Jedeesoje weichö jeiñe mma, aashichaato wätunnä chu’de’tännamo ye’wononcadööje weichö jeiñe mma, ecammajäätödööje weichö jeiñe mma, tameedä änwanno jaadä tönooneja mmaja Wanaadi nutuudu aashichaato.

JIDIIPENSE 4:7

Yaawä Wanaadi nu’a’de äwwäiñe täncanoode’da aweicho’como, yää soto owaanojöönö. Yää täncanoode’da aweicho’como adheewanööcomo nedai’cha’de, ätö’tajäätödööcomo mmaja, Jesuuquidiito woije.

CODOOSENSE 1:10

Cajiichaana sotoi weichö nönge aweicho’como mmaja töne’ca’e ñaa weneene dea, imjummadö äwwäiñe tödöötojo mmaja, aashichaato ännödööcomo wejantojo mmaja, jooje’cä jeene Wanaadi odhoowanääcäiñe yä’dötoojo mmaja.

1 PEEDHODO 1:8

Ñäädä Jesuuquidiito mijummaato eneedö’jo’da; eduuwa aneene’da aweichaameiñe mmaja mecaanö’ato, ta’cwaiñe aweiyancädäiñe, yää ecammadö e’jodhaato a’cwani aashichaato que.

2 PEEDHODO 3:18

Töwaatö’nä’eene aatö’nä’täcä Cädhaajotoncomo Jesuuquidiito nutuudu aashichaato que, ñäädä Cäwaanacaaneichomo, töwö odhoowanääcäiñe tödöödö que mmaja. Aashicha wa’deutojooje töwö na, eduuwa yeichö jonno yeichöödäje. Amén.