EUJEESIYO 2:4 - Wanaadi A'deddu

⁴ Yääje yeichaame töwö Wanaadi wentumje äneetä töweijäcä, jooje cujummatäiñe töweijäcä mmaja,

EUJEESIYO 2:4 ပူးပေါင်းရင်းမြစ်များ

DUUCA 1:78

Ñäädä Cöwaanadiiyöcoomo cujummatäiñe yeijäcä, wentumje cäneetäiñe yeijäcä mmaja, caju ñano weiyu que cöweijaato.

DOMAANO 10:12

Äänöngeiñe naato judhío jadäiñe judhíojöncomo; ñäädä dea Cajiichaana Chäädhajootoncomooje na. Ewontancädä’da töwö nu’a tameedä töwwono wa’deuwödö wwä.

DOMAANO 2:4

¿Aashicha Wanaadi weichö ca michiiñeme’canä’, ocoone’nadiiyö tönshinchä yeichö mmaja? ¿Mädä tönshinchä yeichö ätö’tajäätödö sha’duminchatoojoje yeichö äntö’tammecö’da ca manä?

DOMAANO 5:8

Quidiito mmaane cöjääcäinchädäiñe cönäämai conemjönö dönnamooje cöwei’jocoomo weichaame. Mädääje Wanaadi cöneenejoi töwwä tujunne cöweichöcoomo.

DOMAANO 9:23

Töwö ñanno conemjöncomo tönshinchäiñe cönä’jaacä aashicha töweichö eneejodö wetä cöwwäiñe. Ñanno cönwanno wentumje ñeenedö. Töwö jenaadä cödöötäne aashicha töweichö enennamooje.

EUJEESIYO 1:7

Aashicha Wanaadi weichö woije Iiñedö cäwaanacaatäne töwäämadö que, cöcoone’nadiiyöcoomo encwanno’jodö’jo.

EUJEESIYO 2:7

Yää cöjääcäiñe töwö cönnöi yeichöödäje eneejodö wetä cujummatäiñe töweichö, Jesuuquidiito jäcäinchädä cöjääcäiñe ta’cwaiñe töweichö mmaja.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

2 TEESADOONISENSE 2:13

Änwanno jimmä, Cajiichaana nijummadö, yeichöje Wanaadi wwä aashicha a’deujai ñaa na äjääcäinchädäiñe, jenaadä Wanaadi wwä töwääwanaacaamoje adhe’to’jocoomo weijäcä. Töwö Wanaadi osoomatääne Epíiditu Santo que, äwwäiñe chäänöngato ecamjödö que mmaja.

1 TIIMOTEO 1:14

Mädääje Cädhaajotoncomo joojato aashichaato cönnöi jääcä; ecamjödö mmaja öwwä cuntui chea, wä’jummanä mmaja, yää Jesuuquidiito jadä cöweichomjäcä cöwwäiñe yä’tuaajä naadö.

2 TIIMOTEO 1:9

Töwö Wanaadi cäwaanacaatäne; ca’dejjatääne dea töwwonooje cöweichöcoomo wetä. Töwö cäwaanacaatäne aashichaato cönnödööcomo jäcäinchädä’da, tumjummadö woijeene, Jesuuquidiito jäcäinchädä cujummatäiñe töweijäcä mmaja. Töwö Wanaadi cujummatääne edä nono tödöödö owaajodääde.

1 PEEDHODO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi wentumje äneetä töweichö woije eduuwaatoje cännuichatääne töwäämaajo jonno Jesuuquidiito waadoncadö que. Yääje yeijäcä cöwo’womoocödööcomo töwaatamemjönö cöwwäiñe töweiye na.