EUJEESIYO 2:3 - Wanaadi A'deddu

³ Tameedä ñaa mmaja mädääje töweiye ñaa cönä’ja’dea. Cumjummadööcomo woije töweiye cä’ja’quene; cujuunucoomo nijummadö woije mma tönnöe cä’ja’quene, cötö’tajäätödööcomo woije mmaja. Yääje yeijäcä Wanaadi wwä töwäätä’maminchajaamoje cä’ja’quene, anejjacoomo soto naatoodöje mmaja.

EUJEESIYO 2:3 ပူးပေါင်းရင်းမြစ်များ

MAADOCO 4:19

ñanno edä nono de’wono ijummannamo, mösooma ijummadö ca’como wätäncu’tädö. Anejjeja’como jadä’jödöödä tumjumma yaawä tönwanno. Tameedä yää Wanaadi a’deddu na’dua, aashicha aneejannä’ca’da yeichö wetä.

JUAN 1:13

Ñanno ñanno wodi ai’cha yennua’como, tujuunu woije’da yennua’como mmaja, soto woije’da yennua’como mmaja, Wanaadi woije yennua’comoone.

JUAN 8:44

Odo’shaane oomotoncomooje na; änwanno tödö’se määnetääne oomotoncomo odo’sha woije. Töwö cönä’jaacä ämaatä awa’deene yaajäntä’jödö jonnoto’jödöödä. Töwä’dune töwö jooje; chäänöngato ’je’da na chäwwä. Juutuje töwa’deuwe weneene, juutuje töweijäcä, juutuje weiñä edhaajäje töweijäcä mmaja.

DOSECHO 14:16

Jenaadä töwö Wanaadi tameedä soto imjummadööcomo woije tönnöeiñe cönä’ja’to.

DOMAANO 1:24

Yääje yeijäcä Wanaadi cöneetömaicho yaawä tujuunucoomo nijummadö woije conemjönö tödöödö wetä töwwäiñe, tönwannoje dea täjööcomo choone’madö wetä yaawä.

DOMAANO 11:30

Änwanno judhíojöncomo, jenaadä Wanaadi woije ei’cha mä’ja’quene; eduuwa judhíocoomo daja Wanaadi woije ei’cha naato. Wanaadi wentumje adheeneaato eduuwa.

DOMAANO 13:14

Cajiichaana Jesuuquidiito owoowontoto’comooje tödöötäcä. Ajuunucoomo nijummadö mma männötäi’che.

DOMAANO 2:14

Ñanno judhíojöncomo, waanontänä ’jemjöncomo, aneedawä tönnöe weneeneto yää waanontänä imennaajä aca naadö. Tönwanno towoinchadäiñe töweichaameiñe waanontänä necammadö woije nödööaato, yää a’que yeichaame chäwwäiñe.

DOMAANO 5:10

Wanaadi tu’dedööje cöweichöcoomo töwö töjaadä ääweichacoonoje cödöötäne Tönnedö wääma’jödö jäcäinchädä. Töwaacö’je mma eduuwa; chääjadä ääweichacoonoje cöweichomjäcä töwö cäwaanacaato nudä Quidiito weichö que dajaane.

DOMAANO 5:9

Eduuwa Quidiito wääma’jödö jäcäinchädä Wanaadi jadoonoje caato. Töwaacö’je mma eduuwa Wanaadi aashichaato tödööjai ña cöjääcäiñe; töwö cäwaanacaato’de yää wätä’maminchajootojo anootoi’chädö jonno.

DOMAANO 6:12

Yääje yeijäcä conemjönö tödöödö anoonöje’daane eichäcä, ajuunucoomo nijummadö mma männöto’no yaawä.

DOMAANO 7:18

Yoowanääcä na aashichaato ’je’da weichö; aashichaato tödö’se’jödö mma wäänene, yaawääne’ tödööjai’chaane.

DOMAANO 9:22

Töwö Wanaadi ñanno tömaaminchaamoja’como tönshinchä cönä’jaacä, ñanno töwännanö’aamo, chääjäcäiñe cone’da töweichö eneejo’se töweichaame, töjäädudu eneejo’se töweichaame mmaja.

1 CODINTIYO 4:7

¿Änääcö anejja e’jodhe ayöödöaanä? ¿Ane’cäämö äwwä nai Wanaadi nutuudujöönö? ¿Ane’que’nei Wanaadi nutuuduje yeichaame o’jodhe ätö’tajä’anä owoije aneejodöödö yeichawooto wa’cä?

2 CODINTIYO 7:1

Mädääje na jimmä umjummadö; mädääje cöwwäiñe Wanaadi necamma’jödö na. Yääje yeijäcä quiichoccatäiye cöcoone’maneichomoojato, yää cäjööcomo choone’majaicho, cötö’tajäätödööcomo choone’majaicho mmaja. Wanaadi ñontancädä chäänönge jeene cä’tutäiye chäwwä.

CAADATA 3:22

Wanaadi a’deddu imennaajä necamma tameedä soto jedeeso nönge yeichöcoomo töcoone’nadiiyöcoomo awä. Yääje yeijäcä Jesuuquidiito ecamjödö queene Wanaadi necamma’jödö aashichaato nä’tua ecaanö’nnamo wwäiñe.

EUJEESIYO 2:2

tönnöe mä’ja’quennö. Yaawä edä nono de’wono woije tönnöe mä’ja’quene; odo’sha edhaajotoncomo woije töweiye mä’ja’quene, ñäädä jejeichä äiño wäämannäjöödö, Wanaadi woijemjöncomo ijäädu’täneichomo.

EUJEESIYO 4:22

Jenaadä awei’jocoomo e’nomjatääcä, yää tujuunu nijummadö tödöödö. Yää jenaado’jä weiñä töweecone’ma na; töwäätäncu’tojo na dea conemjönö tumjummadö que.

CODOOSENSE 1:21

Jenaadä Wanaadi jadä’da mä’ja’quene; conemjönö tönnöe aweichomjäcä Wanaadi tuntu’de’tä töweiye mä’ja’quene ätö’tajäätödööcomo ai. Yääje yeichaame eduuwa töwö Wanaadi töjaadä ääweichacoonoje ayöödötääne

1 TEESADOONISENSE 4:13

Änwanno jimmä, odhoowanääcäiñe yei’she ñaa na ñanno yä’ja’a’como jäcä, wentumje aweichöcoomo queiñe, quedeiyentejöncomo weneenetoodöje; tönwanno naato a’que inwomoocödööcomo.

1 TEESADOONISENSE 5:6

Yääje yeijäcä öncö’daane queicho’ñojo, anejjacoomo naatoodöje’daane. Töwäädai’chääne cäädai’chäto’ñojo; cowaadäädäiñe mmaja queicho’ñojoode.

1 TIIMOTEO 6:9

Ñanno tönsomaaque töwei’sha’como mmaane nä’yunaacajaato, nataajäijaato dea chäänöngemjönö ijummadö que; yää chäänöngemjönö woije wecoone’manä aca nätäämajaato yaawä. Yääje weiñä soto töncone’ma töweiye nai, tönennanö’ca mmaja.

TIITO 3:3

Cönwanno mmaja cujeeje cä’ja’quennea jenaadä, Wanaadi woije’da mmaja. Töwännanö’e cä’ja’quene, tameedä conemjönö tödö’se cöweichöcoomo aca töwaatashiichuudä cä’ja’quennea. Conemjönö aca töweiye cä’ja’quene, tö’neiñe mmaja. Anejjacoomo wwä töwä’quimmajo cä’ja’quene, cönwanno mmaja anejjacoomo tönquiiñeme’que cä’ja’quennea.

1 PEEDHODO 1:14

Mude’cä’cä tumö woijato töweiye naichöje eichäcä. Conemjönö ämjummadööcomo woije mma meichäi, jenaadä Wanaadi odhoowanääcäine’da yeichö töweiye mä’ja’quennöje’daane.

2 PEEDHODO 2:14

Conemjönö jäcä chö’tajäätö’da töweiyancädäiñe wodi wwadäädä eneejai’cha naato; conemjönö tödöödö que chaaquejö’da mmaja weneeneto dea. Tönwanno tönencu’täiñe jäduujemjöncomo. Töwäämu’ca naato conemjönö ijummadööje. Tönwanno töwännanö’e naato.

2 PEEDHODO 2:18

Iiña mmädä töwa’deuwe weneeneto, yääjönö wa’cä. Conemjönö que, tujuunu nijummadö que mmaja, tönencu’täiñe weneeneto ñanno chäänöngemjöncomo jonnoto yäänejeea’como.

1 JUAN 2:16

Tameedä edä nono de’wono Cumöötoncomo dö’sennotoojönö, edä nono de’wono mma, yää cujuunucoomo nijummadö, cänuuducoomo nene’madö ijummadö mmaja, o’jodhe töwei’she weiñä mmaja.

1 JUAN 2:8

Yääje yeichaame eduuwaato waanontänä wa’cä na dea, tööjano’taca weiñä wataamenääje yeijäcä, weiyu neene jaiñoone wawaananääje yeijäcä mmaja. Jesuuquidiito yää waanontänä wä’dödö woije töweiye weneene; änwanno mmaja yää tönnöe määnetääne dea.