EUJEESIYO 2:19 - Wanaadi A'deddu

¹⁹ Yääje yeijäcä anejjacoomoje’da maato eduuwa, töjaataquemjöncomooje’da mmaja. Yää jataawoncomooje dea maato, tameedä Wanaadi sotoi naatoodöje mmaja; Wanaadi sotoi jimmäje maato eduuwa.

EUJEESIYO 2:19 ပူးပေါင်းရင်းမြစ်များ

MATEO 10:25

Ñäädä towaanomaamö towaanomaanei weichö nönge töwä’dödö mma ijummajai ñai, cho’jodheene’daane. Chäänönge mmaja dhanoonö, tädhaajä weichö jäcä daja. Ñanno soto Caajuushawaaje chäädhajootoncomo cöne’toicho; töwaacö’je mma shootoi cone’da e’täjai ñaato.

CAADATA 6:10

Yääje yeijäcä, tödööjai caatoodawäädä, aashichaato cöödötäiye tameedä soto jäcäiñe; quedeiyentecoomo jäcä jooje’cä jeene aashichaato tödööjai caato.

EUJEESIYO 2:12

Yaawä Quidiito jadä’da mä’ja’quene. Töudäje mä’ja’quene, Iisadaaediita jadäiñe’da. Odhoowanääcäiñe’da cönä’ja’dea weichojo, yää Wanaadi necamma’jödö. Edä nono de’wä mä’ja’quene onwomoocödööcomo ’je’da, Wanaadi jadä’da mmaja.

EUJEESIYO 3:15

Töwö choojoi tä’tä naato tameedä edä nono de’wono wä’jimmä’tädö, caju ñancomo wä’jimmä’tädö mmaja.

EUJEESIYO 3:6

Edä yää owaanojöönö’jödö: Aashichaato wätunnä ecammajäätödö que ñanno judhíojöncomo naato eduuwa Wanaadi nutuudu eiñamooje, judhío naatoodöje mmaja. Tönwanno judhíojöncomo naato dea yää dea ejööje mmaja, Wanaadi necamma’jödö enennamooje töweiyaamoje mmaja, yää Jesuuquidiito jäcäinchädä cöneecammaichö.

JIDIIPENSE 3:20

Cönwanno cöjaatadööcomo mmaane na caju ña. Iiñanno Äwaanacaanei weejödö quiiyomo’cato, ñäädä Cajiichaana Jesuuquidiito.

EEWEDEO 11:13

Tameedä ñanno we’toichodö cönä’jajoicho ecamjödööje dea, Wanaadi necamma’jödö aneene’da töwei’jocoomo weichaame. Ecamjödö ’je töweichomjäcä amoinchenno mma yää Wanaadi necamma’jödö cöneene’ma’to, aashicha cöneeta’to dea. Ta’cwaiñe mmaja cönä’ja’to dea yää jäcäinchädä. Töjaataquemjöncomooje töwääcamma cönä’ja’to, a’dhe edä nono de’wä töweiyaamoje mma.

EEWEDEO 13:14

Eetä cöjaatadööcomo yeichöödäje töweiyemö ’je’da na; ne’a’dedööne cöjaatadööcomooje quiiyomo’caato.

1 PEEDHODO 2:11

Jimmä umjummadö, edä nono de’woncomoojönö änwanno; ajaatawäiñe’da maato. Yääje yeijäcä edääje mänwätuujaato: Ajuunucoomo nijummadö männötäi, yää odo’tadööcomo jadä töwä’tu’de’tä weneenedö.

1 JUAN 3:1

Chö’tamme’täcä’ma Cumöötoncomo Wanaadi wwä tujunne cöweichöcoomo, tönnacoomoje cä’taatoodö naane’. Iiñacoomoje dämma caato. Iiñacoomoje cöweichöcoomo aneene’jutu’da weneeneto edä nono de’woncomo, Wanaadi dhowaanäcäiñe’da yeichomjäcä.