EUJEESIYO 2:18 - Wanaadi A'deddu

¹⁸ Tameedä cönwanno, judhío, judhíojöncomo mmaja, Quidiito jäcäinchädä täjai caato Cumöötoncomo wwadäädä, ñäädä dea Epíiditu Santo ni’wa’tädö que.

EUJEESIYO 2:18 ပူးပေါင်းရင်းမြစ်များ

MATEO 28:19

Yääje yeijäcä ojoncomo. Soto owaanomaatantäcä tameedä jata weichö wa’cä. Wautisaaje tödöötäcä’de Jaaja eetö joi, Iiñedö eetö joi mmaja, Epíiditu Santo eetö joi mmaja.

JUAN 10:7

Edääje mmaja Jesuuquidiito cönä’döa’dea chäwwäiñe: —Chäänönge yääje wä’döa äwwäiñe, öwö ñäädä mönaatata, oweeja womonto’como.

JUAN 10:9

Mönaatata öwö; ñäädä öwö yaiño womoomödö nääwanaaca’de. Töwö cudaada aca nomonga, töweeja’ca mmaja, täwanshiñö töneedantä yaawä.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

DOMAANO 5:2

Quidiito woije Wanaadi jadoonoje cä’dötääne ecamjödö que; yääje yeijäcä Wanaadi nutuudu aashichaato cöwwäiñe na. Yää Wanaadi nutuudu aashichaato cöwwäiñe yeijäcä ejääduqueejö’da caato; ta’cwäiñe mmaja caato dea cowaanäcäiñe yeijäcä aashicha Wanaadi weichö cöwwoncomooje yeichojo.

DOMAANO 8:15

Ñäädä Epíiditu Santo, äwwäiñe cönä’tuichö, conemjönö anoonöje ayöödöneichomoojönö, tösaade aweichöcoomo wetä; Wanaadi nnedööje cödööneichomoone töwö. Ñäädä Epíiditu Santo woije Jaajaje Wanaadi que’taato.

1 CODINTIYO 12:13

Tameedä cönwanno ñäädä tooniyaano Epíiditu Santo woije wautisaaje cöwä’dö’jocoomo que tooni chääjöje cä’dötääne, judhío, quidiiyeeco mmaja, tädhaajäcaato, töwö dajaato mmaja; tameedä cöwwäiñe cönä’tui ñäädä dea Epíiditu Santo.

1 CODINTIYO 8:6

Cönwanno cöwwäiñe mmaane tooni Wanaadi ña, ñäädä Cumöötoncomo, tameedä tödööajä naadö tödöönei’jödö. Töwö chäwwonooje caato cönwanno. Tooni mma mmaja Ädhaajä na dea, ñäädä Jesuuquidiito. Töwö yoije tameedä tödööajä weneene, cönwanno jadä’jödöödä.

CAADATA 4:6

Yääje yeijäcä tönnacoomoje aweijäcäiñe Wanaadi cönaanontäi Epíiditu Santo odo’tacaiñe, ñäädä Iiñedö nutuudu. Yääje yeijäcä Epíiditu Santo woije Jaajaje Wanaadi que’taato.

EUJEESIYO 3:12

Quidiito jadä cöweichomjäcä, töneecanö’e cöweichomjäcä mmaja, tösaade’da Wanaadi wwadäädä täjai caato.

EUJEESIYO 3:14

Yääje yeijäcä Cädhaajotoncomo Jesuuquidiito umö wwadäädä tä’mudhe wä’döa, ya’demeecödööje.

EUJEESIYO 4:4

Tooni chääjö na, tooni mmaja Epíiditu Santo, tooni mmaja onwomoocödööcomo, yää äwwoncomooje yeichö wetä Wanaadi adha’dejjatäänedö.

EUJEESIYO 6:18

Tameedä mädä tödöötäcä yeichöje Wanaadi wwä awa’deuwancädäiñe Epíiditu Santo ni’wa’tädö que; chäwwä adha’deutäcä ämjummadööcomo e’ca’ancädä. Odhoowadäädäiñe eichäcä mädä jäcä, aweejäduuque’ancädäiñe’da, tameedä Wanaadi sotoi jäcäiñe Wanaadi wwä awa’deuwancädäiñe.

CODOOSENSE 1:12

Mädääje eijai maato aashicha awa’deuwancädäiñe Cumöötoncomo wwä, ñäädä tösootoi wwä tu’emö eiñamooje cödööneichomo’jödö, tawaanato aca cödööneichomo’jödö mmaja.

EEWEDEO 7:19

Yää waanontänä, Moisé nimennä’jödö, chäänönge ännö’da cöneiyacä. Yää nwacaanoje na eduuwa aashichaato jaiñoone; yää jäcäinchädä Wanaadi wwadäädä cöötaato.

SANTIYAACO 3:9

Cunuuducoomo que Cumöötoncomo Wanaadi jäcä aashicha ca’deuwato; yää que dea soto töneuwe cäänetääne, ñanno Wanaadi weichö nönge amoode’na’como.

1 PEEDHODO 1:17

Ñäädä Wanaadi äänöngeiñe soto tönemmenca weneene, iiñö’jocoomo woije mma. Yääje yeijäcä ñäädä Wanaadi oomotoncomooje e’ta’jäcä äwwäiñe, töwö ñontätääcä edä nono de’wä aweichöcoomo wadaadäädä.

1 PEEDHODO 1:21

Jesuuquidiito ni’wa’tädö que Wanaadi mecaanö’ato, ñäädä yäämaajo jonno Jesuuquidiito adoncanei’jödö, chäwwä aashichaato u’nei’jödö mmaja. Yääje yeijäcä Wanaadi mecaanö’ato, miyoomo’cato dea.

1 PEEDHODO 3:18

Quidiito mmaja cönäntunamjöi chea; cöcoone’nadiiyöcoomo jo’tädööje töwö cönäämai, tooniye mma, yeichöje töweiyemööje. Töwö chäänönge töweichaame chäänöngemjöncomo jäcäinchädä cönäämai, Wanaadi wwadäädä cäneejödööcomo wetä. Töwö chääjö wääma’jödö weichaame, Epíiditu Santo woije cönaadoncai.

JUUDHA 1:20

Änwanno mmaane jimmä umjummadö, jooje’cä aatö’nä’täcä aneecamjödööcomo aashichaato que. Epíiditu Santo jäduudu que adha’deutäcä Wanaadi wwä.