EUJEESIYO 2:14 - Wanaadi A'deddu

¹⁴ Töwö Quidiito ääweichacoonoje cödööneichomo’jödööje na. Aacä iju’jä cöweichöcoomo jonno töwö cojoodöjootäne, judhío, judhíojöncomo mmaja, tooni iju’jä mma cöweichöcoomo wetä. Töwö cöneemai cöneejontäneichomo’jödö, yää äätu’dedööje cöwei’jocoomo.

EUJEESIYO 2:14 ပူးပေါင်းရင်းမြစ်များ

DUUCA 1:79

Yää na’de ñanno tööjano’taca naatoodö weiyuuducoomoje, ñanno töwä’ja’aamo; täncanoode’da weiñä ai cä’se’täneichomooje mmaja yää na’dede; quee cönä’döaacä Saacadía.

DUUCA 2:14

Aashichaato ñäädä Wanaadi, caju ñano. Nono de’woncomo täncanoode’da weichojo neneeaato’de, ñanno chääjäcäiñe Wanaadi ta’cwaiñe naadö; quee cönä’döa’to.

JUAN 10:16

Anejja oweeja töweiye mmaja naato dea öwwä, edä cudaada acancomoojönö; tönwanno mmaja täne’emje naato dea. Tönwanno netaato’de ya’deddu; tooni mma na’de cudaada, tooni mmaja oweeja edai’chäneichomo.

JUAN 11:52

Judhío jäcäinchädäiñe mma’da Jesuuquidiito wäämadö; tameedä soto jäcäinchädäiñeene, tameedä Wanaadi nnacoomo wäämecanta’como i’jummadööcomo wetä.

JUAN 16:33

Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

DOSECHO 10:28

Töwö cönä’döaacä chäwwäiñe: —Änwanno odhoowanääcäiñe na judhío töwäätunnäi woije anejja jadä oojodö’da yeichö, chä’saca omoomö’da yeichö mmaja. Yääje yeichaame Wanaadi yoowanoomane anejja soto nossaje e’täjai’cha weichö.

DOSECHO 10:36

Töwö Wanaadi Isadaaeeda atöödö wwäiñe cöneecammai yää Jesuuquidiito ecamjödö que täncanoode’da weichojo, ñäädä tameedä Ädhaajäje naadö.

DOMAANO 5:1

Yääje yeijäcä, ecamjödö jäcäinchädä Wanaadi jadoonoje cöweichomjäcä, äätu’dedööje’da caato eduuwa Wanaadi jadä, Cädhaajotoncomo Jesuuquidiito woije.

CAADATA 3:28

Quidiito jadä weiñä töweiye nai judhíoje’da, quidiiyeecoje’da mmaja, tädhaajäque weiñä ’je’da mmaja, töwö daja weiñä ’je’da mmaja; wodiije weiñä a’que mmaja, dhanwaaje weiñä a’que mmaja. Jesuuquidiito jadä äwä’dödööcomo que tameedä änwanno äänöngeiñe maato.

EUJEESIYO 2:15

Töwäämadö que Quidiito cönaacoichajoi waanontänä imennaajä, yää töwaanontäämöje cönä’ja’dö. Töwö töjaadonooje cönnöicho ñanno aacä iju’jä cönä’ja’todö, judhío, judhíojöncomo mmaja; tooni iju’jä mma cönnöicho. Mädääje töwö ääweichacoonoje cönnöicho.

EUJEESIYO 2:17

Töwö Quidiito cöneejä aashichaato wätunnä ecammajä’neije, yää äätu’dedööje’da weiñä jäcä ecammajäätödö. Töwö yää cöneecammajäätöi äwwäiñe, änwanno amoincha’como’jödö; judhío wwäiñe mmaja cöneecammajäätöi chea, ñanno amoinchemjöncomo.

EUJEESIYO 3:15

Töwö choojoi tä’tä naato tameedä edä nono de’wono wä’jimmä’tädö, caju ñancomo wä’jimmä’tädö mmaja.

EUJEESIYO 4:16

Töwö yoije chääjö tojoodöjo na; tameedä chääjö jäcoono tojoodöjoojä’e na chu’nädö que. Tameedä chääjö jäcoono chäänönge yeetadaawa’caja’jäcä aashicha chääjö naatö’nä’a yaawä; wä’jummanääje adai’jä nä’döa.

CODOOSENSE 1:20

Quidiito ai mmaja töwö Wanaadi töjaadä ääweichacoonoje cönnöicho tameedä yeichö wa’cä, tameedä nono de’wä naatoodö, caju ña naatoodö mmaja. Töwö Wanaadi Jesuuquidiito aquiiyö choonecaato’me cönnöi, yää cuduusa jäcä Jesuuquidiito cömjajoichö.

CODOOSENSE 2:20

Quidiito wäämadö jadä äwääma’jocoomo weijäcä tösancwa maato edä nono de’wono tö’tajä’nä jonno. Yääje yeichaame ¿ane’que’nei edä nono de’woncomo nönge dea maato? ¿Ane’que’nei edä nono de’wono wätunnä waanontädö woije dea määnetääne,

CODOOSENSE 3:11

Yääje weiñä töweiye nai quidiiyeecoje’da, judhíoje’da mmaja, siicunsidaadojaatoje’da mmaja, yääjemjönööje’da mmaja, ema’jödööje’da mmaja, shidiishanaaje’da mmaja, dhanoonöje’da mmaja, töwö dajaatoje’da mmaja. Quidiitoone na; töwö na tameedä cötaacaiñe.

CODOOSENSE 3:15

Wanaadi nutuudu täncanoode’da weiñä ätö’tajäätödööcomo e’se’täneije nei’ñojo. Mädääje töweiyaamoje Wanaadi adha’dejjatääne, tooni chääjöje mma aweichöcoomo wetä. Yeichöje Wanaadi wwä aashicha adha’deutäcä.

EEWEDEO 13:20

Wanaadi ñäädä täncanoode’da weiñä edhaajä, yäämaajo jonno Cädhaajotoncomo Jesuuquidiito adoncanei’jödö mmaja. Jesuuquidiito ñäädä Cädai’chäneichomo jäduujato, oweeja edai’chäneichomo töweiye naichöjaato. Töwö Jesuuquidiito taquiiyö que chäänönge cönnöi eduuwaato weiñä ecammaajä, yää yeichöödotooje naadö.

EEWEDEO 7:2

Ñäädä wwä Aawadán cuntui dhantai töweewänä’tädaawä töncana’ca’jödö. Edääje töwä’dö’se yeichö mädä Mequiisedeeque eetö: “Chäänönge weiñä edhaajä;” quee. Saden ñano cajiichaanai’chädööje töwö cönä’jaacä. “Täncanoode’da weiñä;” quee töwä’dö’se yeichö mädä “Saden” quee naadö. Yääje yeijäcä “Täncanoode’da weiñä edhaajä;” quee töwä’dö’se yeichö mmaja mädä Mequiisedeeque eetö.