EUJEESIYO 2:10 - Wanaadi A'deddu

¹⁰ Cönwanno caato Wanaadi nödöödöje; Jesuuquidiito jadä cöwä’dödööcomo que töwö cödöötäne aashichaato tödönnamooje, jenaadä töwö cöntö’tammecöichöje dea.

EUJEESIYO 2:10 ပူးပေါင်းရင်းမြစ်များ

MATEO 5:16

Mädääje mmaja soto yeijojai maato änwanno, aashichaato tödöödö äwwäiñe eneiyeto, aashicha a’deuwöiyeto yaawä Oomotoncomo caju ñano jäcä.

JUAN 3:21

Chäänönge tödöönei mmaane töwe’e tawaanato wwadäädä, Wanaadi woije iiñödö weichö tacaade yä’dödö wetä; quee cönä’döaacä Jesuuquidiito Niicodheemo wwä.

DOSECHO 9:31

Yaawä tameedä Quidiito sotoi täncanoode’da cönä’ja’to; jäduujeiñe cönä’ja’to dea, ñanno Judheea ñancomo, Caadideea ñancomo mmaja, Samaadiya ñancomo mmaja. Tönwanno tönoiñe Cajiichaana Jesuuquidiito töneene cönä’ja’to. Epíiditu Santo ni’wa’tädö que jooje cöneejanga’to.

DOSECHO 9:36

Yaawä Joope ña cönä’jaacä wodi. Quedeiyenteje töwö cönä’jaacä, Tawiitaje chäätö; Doodacaaje mmaja chäätö cönä’ja’dea, quidiiyeeco a’deucwe. Ñäädä Doodaca jooje aashichaato tönnöe cönä’jaacä; weiñäje wentumja’como töni’wa’täiñe töwö cönä’jaacä.

DOMAANO 8:1

Yääje yeijäcä ännanö’jai’cha naato eduuwa ñanno Jesuuquidiito jadoncomo, ñanno tujuunucoomo nijummadö woijemjöncomo, Epíiditu Santo woija’como.

DOMAANO 8:29

Ñanno jenaadä töne’tä’jödö töwö Wanaadi cönnöicho Tönnedö nönge töwä’döaamoje, ñäädä Iiñedö tameedä yuichoncomooje yeichö wetä.

1 CODINTIYO 3:9

Ääjimmäje ñaa na Wanaadi tadaawaajui tödöödö jäcä; änwanno ’quene chaadawaajui’jödööje maato, soto naudädö töweiye naichöje. Wanaadi äjääcäiñe netaadawa’caja, maa amäänei tönaamä töweiye naichöje.

2 CODINTIYO 5:17

Ñäädä Quidiito jadoono eduuwaato amoodetaanö ñäädä. Yää jenaado’jä töwaatame yaawä; tameedä eduuwaatoje na yaawä.

2 CODINTIYO 5:5

Wanaadi chea yääje töweiyaamoje cödöötäne. Töwö cöwwäiñe cuntui Epíiditu Santo, tameedä cöwwäiñe töweiyemö utuudu waajäntädööje.

2 CODINTIYO 9:8

Wanaadi tameedä aashichaato u’jai ña äwwäiñe, ewontancädä’da; yaawä chääwa’cä äwwäiñe na’de äwwäiñe tujunnato; chääwa’cä mmaja na’dede aashichaato tödööemööje.

CAADATA 6:15

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; eduuwaatoje cöweichöcoomo tödööajä mmaane täje na.

EUJEESIYO 1:1

Öwö Paudo, Wanaadi woije Jesuuquidiito nanontädö, äwwadäädäiñe wimenna, änwanno Wanaadi sotoi Eujeeso ñancomo, Jesuuquidiito ecaanö’nnamo.

EUJEESIYO 1:4

Quidiito jäcäinchädä mmaja Wanaadi cä’tätääne edä nono wamoodetaadö owaajodä, tösooma chämjataawä cöweichöcoomo wetä, conemjönö ’je’da cöweichöcoomo wetä mmaja.

EUJEESIYO 2:13

Eduuwa mmaane Quidiito jadä äwä’dödööcomo que änwanno amoincha’como’jödö amoinche’da maato, Quidiito wääma’jödö jäcäinchädä.

EUJEESIYO 2:15

Töwäämadö que Quidiito cönaacoichajoi waanontänä imennaajä, yää töwaanontäämöje cönä’ja’dö. Töwö töjaadonooje cönnöicho ñanno aacä iju’jä cönä’ja’todö, judhío, judhíojöncomo mmaja; tooni iju’jä mma cönnöicho. Mädääje töwö ääweichacoonoje cönnöicho.

EUJEESIYO 2:2

tönnöe mä’ja’quennö. Yaawä edä nono de’wono woije tönnöe mä’ja’quene; odo’sha edhaajotoncomo woije töweiye mä’ja’quene, ñäädä jejeichä äiño wäämannäjöödö, Wanaadi woijemjöncomo ijäädu’täneichomo.

EUJEESIYO 2:6

Töwö Wanaadi cadoncatääne dea Jesuuquidiito jadä; chääjadä cajiimajootäne dea caju ña.

EUJEESIYO 4:1

Yääje yeijäcä edääje mänwätuujaato, öwö Cajiichaana jo’tädööje jedeesojaato: Chäänönge eichäcä, Wanaadi na’dejjadö weichö nöngeene, ña’dejjadööne aweiya’como.

EUJEESIYO 4:24

Eduuwaato weiñä äwwäiñe tödööjai maato, yää Wanaadi nijummadö woije tödööajä naadö. Yääje weiñä nääneja chäänöngato tödöödö que, aashichaato tödöödö que mmaja.

JIDIIPENSE 1:6

Yoowanääcä na ñäädä äjääcäiñe aashichaato tödöödö cönaajäntäichö chäänönge tödöödöje dea yeichö, Jesuuquidiito weejödö wa’cä.

JIDIIPENSE 2:13

Wanaadi chea äwwäiñe nu’a aashichaato tödö’se aweicho’como. Töwö dea ä’wa’taato aashichaato tödöötojo jäcä, tumjummadö chäänöngato woije.

CODOOSENSE 1:10

Cajiichaana sotoi weichö nönge aweicho’como mmaja töne’ca’e ñaa weneene dea, imjummadö äwwäiñe tödöötojo mmaja, aashichaato ännödööcomo wejantojo mmaja, jooje’cä jeene Wanaadi odhoowanääcäiñe yä’dötoojo mmaja.

CODOOSENSE 3:10

Yää me’nomjatääne eduuwaato weiñä äwwäiñe tödöödö wetä. Yää eduuwaato weiñä, äwwäiñe naadö, wecoonecaanäje weneene, ñäädä Wanaadi tamoode’nänei’jödö nönge töwä’dödö wa’cä, ñäädä towaanäcä yä’dödö jonaane mmaja.

1 TIIMOTEO 2:10

Aashichaato tödöödö queene ennataamajai ñaato, Wanaadi wwä yä’tua’como töweiye naichodööjeene.

1 TIIMOTEO 5:10

Tacaade eijai ña aashichaato iiñö’jödö, mude’cä’cä iiñejenca’jödö jeiñe mma, aashicha soto tödöiñano womoomödö tödö’jödö jeiñe mma, quedeiyentecoomo i’wa’tä’jödö jeiñe mma, wentumja’como i’wa’tä’jödö jeiñe mma, anejja aashichaato tödö’jödö jeiñe mma.

1 TIIMOTEO 5:25

Mädääje mmaja aashichaato tödöödö weneene dea, tacaade mmaja; yää tacaademjönö mmaane tacaade’daadä eijai’cha na.

1 TIIMOTEO 6:18

Ñanno tönsomaaca’como yäätuujacooto, aashichaato tödöiyeto; aashichaato tödöödö queene ninshomaata’ña’to. Tamääne’da nei’ña’tode, u’coijeene.

2 TIIMOTEO 2:21

Mädääje mmaja quedeiyente; aashichaato tödööneije töwei’she töweiya’jäcä, chäänönge Cajiichaana anoonöje töwei’she töweiya’jäcä mmaja, töwö ecoccajai ña tameedä conemjönö jonno. Yaawä töweesomaajä’e na’de aashichaato tödööneije.

2 TIIMOTEO 3:17

ñäädä Wanaadi anoonö chäänönge yeichö wetä, töweesomaajä’e yeichö wetä mmaja tameedä aashichaato dödö jäcä.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

TIITO 2:7

Amäädä mmaja aashicha eichä’de, aweichö eneiyeto, anönge mmaja yeichöcoomo wetä yaawä. Acu’shämje owaanomaacoto, wätäncu’tänä que’da,

TIITO 3:1

Quedeiyente chö’tamme’jocooto acu’shäna woije yeichöcoomo wetä, cajiichaanacoomo woijeiñe mmaja, ñaanontädööcomo woije yeichöcoomo wetä, tameedä aashichaato tödööemö tödö’se yeichöcoomo wetä mmaja.

TIITO 3:14

Quedeiyentecoomo näämu’ca’ña’to aashichaato tödöödö jäcä, a’ca’como i’wa’tädööcomo jäcä mmaja, tödööneije’da mma ei’ñoto.

TIITO 3:8

Chäänöngato mädä; yääje yeijäcä jäduuje töneecammajä’e awei’she wa mädä jäcä, ñanno Wanaadi ecaanö’nnamo aashichaato tödönnamooje yeichöcoomo wetä. Yääje weiñä aashicha na, tujunne mmaja, tameedä soto wwäiñe.

EEWEDEO 10:24

Cöwe’wa’tädööcomo quencano’tätäiye, cöwwäädäiñe cöwä’jummajoodöcoomo mmaja, cöwwäädäiñe aashichaato tödööjodö mmaja.

EEWEDEO 13:21

Töwö Wanaadi chäänönge ayöödöaato, aashicha ayöödöaato dea tameedä aweichöcoomo jäcä, tumjummadö woije tödönnamooje aweichöcoomo wetä yaawä. Töwö Wanaadi Jesuuquidiito ni’wa’tädö que cödööato tumjummadö woije. Ñäädä Jesuuquidiito aashicha wa’deuto’me na yeichöödäje. Amén.

1 PEEDHODO 2:12

Aashicha eichäcä Wanaadi dhowaanojöncomo jadäiñe. Eduuwa conemjöncomooje adhe’tätaameiñe, yaawä aashichaato ännödööcomo eneedö’jo Wanaadi jäcä aashicha na’deuwaato’de, chäwwä töwäätäcamma’jojoodawäiñe.

1 JUAN 1:7

Dha’da ’quene tawaanato ai cöwäämannä’a’comjäcä, töwö Wanaadi tawaanato aca naadöje mmaja, ääjimmäje caato yaawä, Iiñedö Jesuuquidiito aquiiyö nichocca yaawä tameedä cöcoone’nadiiyöcoomo.

1 JUAN 2:6

Ñäädä Wanaadi jadoonojaato wätä’tädö Jesuuquidiito wei’jödö nönge mmaja eijai ña dea.