EUJEESIYO 1:8 - Wanaadi A'deddu

⁸ Töwö Wanaadi cöwwäiñe cöneenejoi aashicha töweichö; ewontancädä’da cösejjedööcomo cuntui, towaanojo’ne cöweicho’como mmaja.

EUJEESIYO 1:8 ပူးပေါင်းရင်းမြစ်များ

MATEO 11:19

Yää ’jeje Soto nnedö cöneejä, öwö waadö. Öwö mmaane soto jadäiñe töwääwashinchä wääene, woocödö tönenque mmaja. Ämiijatooje daja ye’tätä määnetääne, töwä’dau’cwatooje mmaja. “Conemjöncomo wacöötö mä’dä, acu’shänä jödaatai i’jummannamo wacöötö mmaja;” quee töwä’döe määnetääne jääcä. Yääje yeichaame wätunnä ecaanö’nnamo chäänönge yeiya’comjäcä owaanäcä yaawä yää wätunnä chäänönge yeichö; quee cönä’döaacö Jesuuquidiito.

DOMAANO 11:33

Mädä wa’cä sö’je Wanaadi a’deddu nai, shejjedö mmaja, towaanojo’ne yeichö mmaja. Mädä wa’cä chö’tajäätödö nai, owaanäcä’da; iiñödö mmaja chö’tamme’que’jönö.

DOMAANO 5:15

Wanaadi nutuudu aashichaato na Adhán cönnöichö nönge’da. Ñäädä Adhán cone’nadiiyö cönoowonö’jacai jooja’como soto wä’ja’to’comooje, tooni mma töwö yei’jödö weichaame. Jesuuquidiito nödö’jödö mmaane Wanaadi cönnöi jooja’como soto aashicha yeicho’comooje daja, tooni töwö Jesuuquidiito weichaame mmaja. Yää wääwanaacatoojo Wanaadi cuntui cöwwäiñe ejeemajancädä’da.

1 CODINTIYO 2:7

Ñaa töneecammajä’e weneene Wanaadi sejjedö owaanojöönööne, yää owaanäcä’da jenaadä cönä’ja’dö, edä nono tödöödö owaajodä cöwääwanaacato’comooje Wanaadi cöneejodöichö.

EUJEESIYO 1:11

Quidiito jadä cöweichomjäcä jenaadä töwö Wanaadi cä’tätääne yää cöwwäiñe tuntudu eiñamooje. Tameedä mädä na Wanaadi nijummadö woije; töwö tameedä tönnöe weneene töntö’tammecöödö woije.

EUJEESIYO 1:7

Aashicha Wanaadi weichö woije Iiñedö cäwaanacaatäne töwäämadö que, cöcoone’nadiiyöcoomo encwanno’jodö’jo.

EUJEESIYO 1:9

Töwö cöwwäiñe cöneenejoi chea töwwä töntö’tammecö’jödö tödöötojo, yää owaanojöönö’jödö, tumjummadö woije cöntö’tammecöichö.

EUJEESIYO 3:10

Wanaadi mädä cönnöi quedeiyentecoomo jäcäiñe aneejejaiñene’jödöödoto tösejjedö ecaademeecödö wetä tameedä caju ñancomo cajiichaanacoomo wwä, jäduuja’como wwä mmaja.

CODOOSENSE 2:3

Quidiito ñäädä tameedä sejje edhaajä, towaanojo’ne weiñä edhaajä mmaja.

JUUDHA 1:25

Ñäädä mma ñäädä Wanaadi, töseedujä’nato, Cäwaanacaaneichomo. Töwö Wanaadi Cädhaajotoncomo Jesuuquidiito ai aashicha wa’deutojooje na, o’jodhaatoje tä’täämöje mmaja; töwö cajiichaanaje mmaja na dea. Jenaado’jä ’jödöödä eduuwa naadö jona tödööene mädääje na, yeichöödäje yääje töweiyemööje dea. Amén.

APOOCADIISI 5:12

Töcä’de cöna’deuwa’to; edääje cönä’döa’to: Ñäädä mma mä’dä Aashichaato, Oweeja nnedö’cä, ñäädä cönäämajoichö. Töwö ñäädä jäduujatooje tä’täämö, tönsomaacatooje tä’täämö mmaja, töseedujä’natooje täcammaamö mmaja. Ñäädä mma töwö tameedä tödööjaicho. Töwö na aashicha tödööto’me, o’jodhaatoje tä’täämöje mmaja, aashicha wa’deutojooje mmaja; quee cönä’döa’to.