EUJEESIYO 1:4 - Wanaadi A'deddu

⁴ Quidiito jäcäinchädä mmaja Wanaadi cä’tätääne edä nono wamoodetaadö owaajodä, tösooma chämjataawä cöweichöcoomo wetä, conemjönö ’je’da cöweichöcoomo wetä mmaja.

EUJEESIYO 1:4 ပူးပေါင်းရင်းမြစ်များ

MATEO 24:22

Yää wäntunaanö’nä Wanaadi aneedennanö’jo’da yeiya’jäcä tameedä soto nataameaato’de yaawä. Töwö Wanaadi nedennanö’ja’de tösootoi jäcäinchächädäiñe, ñanno tönei’jödö jäcäinchädäiñe.

MATEO 24:24

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno jooje ene’ju’tojo nödööaato’de, jooje täneemö mmaja, Wanaadi sotoi jadä’jödöödä encu’täto’comoojatö’jödö.

MATEO 24:31

Töwö tamoodedö nanontaato’de yaawä janau’cwa etöödö que tönei’jödö i’jummaiñe, tameedä yeichö wa’cä edä nono de’wä, caju o’wadö jona tödööene.

MATEO 25:34

Yaawä Cajiichaana nä’döa’de ämu’demjönö dö’sencomo wwä: “Ä’täcä änwanno, Jaaja nijummadö, ijaatawä meichäiye, yää edä nono wamoodeta’jödö jonnoto’jödöödä äwwoncomooje choonecaajä naadö.

JUAN 10:16

Anejja oweeja töweiye mmaja naato dea öwwä, edä cudaada acancomoojönö; tönwanno mmaja täne’emje naato dea. Tönwanno netaato’de ya’deddu; tooni mma na’de cudaada, tooni mmaja oweeja edai’chäneichomo.

JUAN 15:16

Änwanno yei’cha meiya’quene; öwööne maneichäne. Öwö mane’tätääne aweejössataadöcoomo wetä, yeichöje adheejedöödöcoomo yeichö wetä. Tameedä öwö yeetö joi Jaaja wwä ane’catäädöcoomo, töwö nu’a’de.

JUAN 17:24

“Jaaja, canno öwwä mu’netoodö öwö weichojo dö’tä mmaja yei’sheiñe waato, o’jodhe weichö eneiyeto yaawä, yää äwwä jummadö weijäcä öwwä mu’nedö edä nono tödöödö owaajodä.

DOSECHO 13:48

Yää eta’jäcä ñanno judhíojöncomo ta’cwaiñe cönä’ja’to yaawä; aashicha cöna’deuwa’to Cajiichaana a’deddu jäcä. Tameedä ñanno töwääwanaacaamoje cönä’ja’todö cöneecamjöicho.

DOSECHO 15:18

que nä’döa Cajiichaana, ñäädä jenaadä mädä cöneecadeeme’joichö; quee cömmennoicho Wanaadi wa’deuwödö ecammannamo.

DOSECHO 18:10

Öwö ajaadä wa; anejja conemjönö tödööjai’cha na äjääcä. Jooje edä jataawä naato sootoi; quee cönä’döaacä Cajiichaana Jesuuquidiito Paudo wwä.

DOMAANO 8:33

¿Änääcö Wanaadi nei’jödö jäcäiñe cone’da a’deujai ñai? Wanaadi chea töjaadonooje cönnöicho,

1 CODINTIYO 1:8

Töwö Wanaadi adheedai’chaato’de yaatameedö jonaane, ejääduqueejö’da aweichöcoomo wetä, anejja wwä äämentojo’da aweichöcoomo wetä yaawä Cädhaajotoncomo Jesuuquidiito we’a’jäcä.

CAADATA 5:13

Jimmä, Wanaadi adha’dejjatääne jedeeso nönge’da aweichöcoomo wetä. Yääje yeichaame mädääje aweichöcoomo ajuunucoomo nijummadö woije tödöötojooje tödööjai’cha maato. Ootowoije mmaane eichäcä, äwä’jummancädäiñe.

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

CAADATA 5:6

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; ecamjödö mmaane täje na, yää wä’jummanä que towäänejo weneenedö.

EUJEESIYO 2:10

Cönwanno caato Wanaadi nödöödöje; Jesuuquidiito jadä cöwä’dödööcomo que töwö cödöötäne aashichaato tödönnamooje, jenaadä töwö cöntö’tammecöichöje dea.

EUJEESIYO 3:17

Yaawä ecamjödö jäcäinchädä Quidiito ätö’tajäätödööcomo aca eijai ña, jäduuje aweichöcoomo wetä yaawä wä’jummanä jäcä, dee tömiichato töweiye naichöje.

EUJEESIYO 4:2

O’jodhe chö’tajäätö’da eichäcä, soto jäcäiñe jäduuje’da mmaja; aashicha ä’shinchätääcä; ta’cwaiñe eichäcä ääjäcä, äwä’jummancädäiñe.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

EUJEESIYO 5:27

Yaawä töwö Quidiito towaadäädä quedeiyentecoomo nödööaato’de aashicha yeichöcoomo ’je, conemjönö ’je’da mmaja, chäänöngemjönö ’je’da mmaja, tameedä yää nöngato ’je’da mmaja, tösoomaiñeene, chäänöngeiñe mmaja.

JIDIIPENSE 2:15

Mädääje täcammajä’aamoje’da eijai maato, tämentaamoje’da mmaja. Mädääje Wanaadi nnacoomo chäänönga’comooje eijai maato soto conemjöncomo antawaiñe, ñanno chäänöngemjöncomo. Änwanno adhaawa nönge dhantawäiñe miyeijaato edä nono tööjato de’wä,

CODOOSENSE 1:22

Quidiito wäämadö que, yaawä sotooje cönä’ja’dawä cönäämaichö. Töwö Wanaadi mädääje ayöödötääne töwwonooje aweichöcoomo wetä, tösoomaiñe, conemjönö ’je’da mmaja, täcammajä’aamoje’da mmaja.

CODOOSENSE 2:2

Tötö’tajäätödööcomo jäcä yä’jädu’tä’seiñe wa, äänönge töwä’jummancädäiñe. Chäwwäiñe yeejamö’se wa ecamjödö chäänöngato, yää towaanojo’ne weiñawä töweiye naichö. Quidiito dhowaanäcäiñe yei’she wa dea, ñäädä Wanaadi woije jenaadä owaanäcä’da cönä’ja’dö.

CODOOSENSE 3:12

Wanaadi nijummadö änwanno, töwö ñei’jödö mmaja, töwwonooje aweichöcoomo wetä. Yääje yeijäcä aashicha weiñä äwwäiñe tödööjai maato, yää wentumje äneetä weiñä, soto jäcäiñe ta’cwaiñe weiñä mmaja, o’jodhe chö’tajäätö’da weiñä mmaja, soto jäcäiñe jäduuje’da weiñä mmaja, aashicha shinchädö mmaja.

1 TEESADOONISENSE 3:12

Ñäädä Cädhaajotoncomo adhaatö’nä’jaato, äwä’jummato’como mmaja nu’a dea, tameedä soto ijummato’como mmaja, ñaa ajummaatoodöje dea.

1 TEESADOONISENSE 4:7

Wanaadi ca’dejjatääne aashicha tödönnamooje, conemjönö tödönnamooje’daane.

2 TIIMOTEO 1:9

Töwö Wanaadi cäwaanacaatäne; ca’dejjatääne dea töwwonooje cöweichöcoomo wetä. Töwö cäwaanacaatäne aashichaato cönnödööcomo jäcäinchädä’da, tumjummadö woijeene, Jesuuquidiito jäcäinchädä cujummatäiñe töweijäcä mmaja. Töwö Wanaadi cujummatääne edä nono tödöödö owaajodääde.

2 TIIMOTEO 2:10

Yääje yeijäcä tameedä tönshinchä wäänene ñanno Wanaadi neichö jäcäinchädäiñe, tönwanno mmaja yeichöödoto wääwanaacatoojo ejoodöiyetoode, yää aashichaato, Jesuuquidiito jadä weiñä naadö.

2 TIIMOTEO 2:19

Yääje yeichaame Wanaadi a’deddu yäätäädä na, yo’wadö töweiye naichöje. Edääje na chääjäcä imennaajä: “Cajiichaana dhowaanäcä na töwwoncomo;” quee. Edääje mmaja imennaajä nä’döa dea: “Ñäädä Quidiito sotoije yäätä’taajä nä’sancwa’ñojo conemjönö jonno;” quee.

SANTIYAACO 2:5

Etaatäcä, jimmä umjummadö. Ñanno edä nono de’wono que tönsomaaquemjöncomo Wanaadi cöneicho jooje ecamjödö chäwwäiñe töweiyaamoje. Ñanno Wanaadi sotoije naato’de, tujummannamo weicho’como ñeecamma’jödö nönge dea.

1 PEEDHODO 1:2

Jenaadä töntö’tammecöödö woije Cumöötoncomo Wanaadi tösootoije adhe’tätääne. Epíiditu Santo ocoonecaatäne Wanaadi woije aweichöcoomo wetä, Jesuuquidiito aquiiyö que töcocca aweichöcoomo wetä mmaja. Aashichaato, täncanoode’da aweicho’como mmaja, äwwäiñe yeejamö’se wa.

1 PEEDHODO 1:20

Edä nono tödöödö owaajodä mädääje töweiyemööje Quidiito cönäätä’täjoichö’je; yaawääne’ eduuwa jeene cönäänejoi, anooto ataamejai yä’döa’jäcä jeene, änwanno äjääcäinchädäiñe.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.

2 PEEDHODO 3:14

Yääje yeijäcä jimmä umjummadö, yää tönwomo’que aweichomjäcä, täncanoode’da owoojodööjoto’como encano’tätääcä, conemjönö ’je’da mmaja, töjöiye’da mmaja.

1 JUAN 4:16

Cönwanno cowaanäcäiñe cönä’döi, queecanö’täne dea cujummadööcomo Wanaadi wwä. Wanaadi ñäädä wä’jummanä edhaajä. Ñäädä wä’jummanä ’jano Wanaadi jadoono ñäädä, Wanaadi chaaca na dea töwö.

APOOCADIISI 13:8

Tameedä nono de’woncomo ñäädä odoocojaato cönwa’deme’ca’to, tameedä ñanno edä nono tödö’jödö jonnoto’jödöödä weichojo jajeedai’chädö jäcä chäätöcoomo ’je’da naadö. Yää weichojo jajeedai’chädö edhaajäje na ñäädä Oweeja nnedö’cä, cönäätämaajoichö.

APOOCADIISI 17:8

Ñäädä odoocojaato meneeannö jenaadä cönä’jaacä; eduuwa mmaane ei’cha na. Töwö neja’ca’de ya’tadö inwadö ’jemjönö acanno, töwännanö’emööje mma. Ñäädä eneedö’jo nono de’woncomo nääcatoncaato’de, ñanno weichojo jajeedai’chädö jäcä chäätö ’jemjöncomo edä nono tödö’jödö jonnoto’jödöödä. Ñäädä odoocojaato jenaadä töwei’jödö weichaame eduuwa ei’cha na; yaawääne, äcuude töweiyemööje dea na.