EUJEESIYO 1:3 - Wanaadi A'deddu

³ Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi Quidiito jadä cöweichomjäcä tameedä aashichaato caju ñano cöwwäiñe cuntui.

EUJEESIYO 1:3 ပူးပေါင်းရင်းမြစ်များ

DUUCA 2:28

Yaawä ñäädä Simeón shiichu’cä cönannäjöi tänaawä. Aashicha cönä’deuwacä Wanaadi jäcä; cönä’döaacä:

JUAN 14:20

Yää anooto awä änwanno odhoowanääcäiñe na’de Jaaja aca weichö, öwö taaca aweichöcoomo mmaja, ataacaiñe weichö mmaja.

JUAN 17:21

Äwwä we’ca’a äänönge chö’tajäätödööcomo weichojo, cöwö caadöje mmaja. Amäädä taaca maadö naane’, öwö mmaja ataaca; mädääje mmaja cöjaadä yeicho’como we’ca’a äwwä. Mädääje yeiya’comjäcä edä nono de’woncomo ecaanö’jai ñaato yaawä yaanontänei’jödööje aweichö.

JUAN 20:17

Jesuuquidiito cönä’döaacä chäwwä: —Canaajäi; äncu’da dea wa Jaaja döiña. Äjääne jimmä döiñaiñe; chäwwäiñe ecammacä’de Jaaja döiña wäncudu, ñäädä Oomotoncomo mmaja, öwö Waanadiiyö, änwanno Awaanadiiyöcoomo mmaja; quee cönä’döaacä chäwwä.

DOMAANO 12:5

Mädääje mmaja cönwanno quedeiyentecoomo; wanna cöweichaameiñe tooni chääjö caato, Quidiito jadä cöweichomjäcä. Tojoodöjoojä’e caato yää dea ejööje cöweichöcoomo wetä.

DOMAANO 15:6

Yaawä tameedä änwanno tujuumä aashicha a’deujai maato Cädhaajotoncomo Jesuuquidiito Wanaadiyö jäcä, ñäädä Yuumö.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

1 CODINTIYO 12:12

Cäjööcomo naadö naane’, tooni chääjö yeichaame jooje chääjocoono ejoodöjaajä. Mädääje mmaja Quidiito.

2 CODINTIYO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö na wentumje äneetä weiñä edhaajäje, wejäädu’tänä edhaajäje mmaja.

2 CODINTIYO 11:31

Cädhaajotoncomo Jesuuquidiito Wanaadiyö, ñäädä Yuumö, dhowaanäcä na wäätäncu’tädööje’da yeichö mädääje wä’dödö; ñäädä Wanaadi ña yeichöödäje aashicha wa’deutojooje.

2 CODINTIYO 5:17

Ñäädä Quidiito jadoono eduuwaato amoodetaanö ñäädä. Yää jenaado’jä töwaatame yaawä; tameedä eduuwaatoje na yaawä.

2 CODINTIYO 5:21

Quidiito conemjönö ännö’da cöneiyacä; yääje yeichaame cöjääcäinchädäiñe Wanaadi Jesuuquidiito cönnöi conemjönö nönge, töwö Quidiito jadä cöwä’dödööcomo que Wanaadi weichö aashichaato cöwwäiñe töweiye yeichö wetä yaawä.

CAADATA 3:9

Yääje yeijäcä tameedä ecaanö’nnamo wwä töweiye na aashichaato, Wanaadi aashichaato cuntuichöje mmaja Aawadán wwä, ñäädä ecamjödööcato.

EUJEESIYO 1:10

Edääje na yää inchö’tammecöödö: Chu’nä’taajä aca yä’döa’jäcä töwö Wanaadi tameedä nejoodöjaato’de, caju ña naatoodö, nono de’wä naatoodö mmaja, Quidiito iju’jocoomoje.

EUJEESIYO 1:17

Wanaadi nödöödö jäcä asejjetaato’como töne’ca’e wäänene Cädhaajotoncomo Jesuuquidiito wwä. Tameedä Wanaadi nödöödö tö’tamme’tojo töne’ca’e wäänene dea; yaawä aashicha’cä jeene Wanaadi odhoowanääcäiñe eijai ña.

EUJEESIYO 1:20

töwäämaajo jonno Quidiito adoncadö que, töjääcä ämu’demjönö dö’se caju ña ajiimajoodö que mmaja.

EUJEESIYO 2:6

Töwö Wanaadi cadoncatääne dea Jesuuquidiito jadä; chääjadä cajiimajootäne dea caju ña.

EUJEESIYO 3:10

Wanaadi mädä cönnöi quedeiyentecoomo jäcäiñe aneejejaiñene’jödöödoto tösejjedö ecaademeecödö wetä tameedä caju ñancomo cajiichaanacoomo wwä, jäduuja’como wwä mmaja.

EUJEESIYO 6:12

Cönwanno quewäänä’taato soto jadäiñe’da, äänejöncomo jadäiñeene, ñanno caju ñancomo odo’shancomo, ñanno jäduuja’como, edä nono tööjato edhaamo.

JIDIIPENSE 2:11

tameedä Jesuuquidiito Cajiichaanaje e’täiyetoode. Mädääje Cumöötoncomo Wanaadi aashicha wa’deutojooje eijai ña.

EEWEDEO 8:5

Canno edä nono de’woncomo Wanaadi wwä töwa’deuwaamo caju ñano cu’tädööje mma naato. Edääje Wanaadi cönä’döaacä Moisé wwä, chäwwä töweichojo amoojooje: “Tameedä tödööcä’de jöö de’wä aweichö äwwä weneejoneedö nönge;” quee cönä’döaacä Wanaadi.

EEWEDEO 9:23

Mädääje na; jenaadä yää saaquidiijiisiyo tödööjätöödö tujunne cönä’jaacä yää caju ñano cu’taajä amoichatoojoje. Caju ñano neene mmaane saaquidiijiisiyo aashichaato que jeene tödööemje na.

1 PEEDHODO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi wentumje äneetä töweichö woije eduuwaatoje cännuichatääne töwäämaajo jonno Jesuuquidiito waadoncadö que. Yääje yeijäcä cöwo’womoocödööcomo töwaatamemjönö cöwwäiñe töweiye na.