EUJEESIYO 1:23 - Wanaadi A'deddu

²³ Ñanno quedeiyentecoomo Quidiito ejööje naato; tönwanno naato Quidiito weichö ’je, ñäädä tameedä yeichö wa’cä naadö.

EUJEESIYO 1:23 ပူးပေါင်းရင်းမြစ်များ

JUAN 1:16

Mädä aashichaato töwääde’camjönö chäwwä naadö töwö cuntui cöwwäiñe. Ääde’wä aashichaato tunu’e weneene cöwwäiñe, aashichaato tuntu’jödö de’wä mmaja.

DOMAANO 13:5

Yääje yeijäcä acu’shänä woije eijai maato, wätä’maminchajoonä nontädö jäcäinchädä mma’da, aashicha ätö’tajäätödööcomo yeichö wetä mmädääne.

1 CODINTIYO 12:6

Aneejejaiñene’jödöödä mmaja tödööemö tödöötojo; yaawääne’, ñäädä dea Wanaadi cöwwäiñe tödööjoneije na.

1 CODINTIYO 15:28

Tameedä töwwä e’jodheincha’jäcä, töwö Quidiito daja, Wanaadi nnedö, nä’tua’de Tumö wwä, ñäädä tameedä to’nä tödöönei’jödö. Wanaadiiñe tameedä o’jodhaatoje na’de yaawä, tameedä yeichö wa’cä.

EUJEESIYO 2:16

Cuduusa jäcä töwäämadö que töwö Quidiito cönaacoichajoi yää äätu’dedööje yei’jocoomo ñanno judhío, judhíojöncomo mmaja; töwö Wanaadi jadä ääweichacoonoje cönnöicho, tooni iju’jä mma cönnöicho.

EUJEESIYO 3:10

Wanaadi mädä cönnöi quedeiyentecoomo jäcäiñe aneejejaiñene’jödöödoto tösejjedö ecaademeecödö wetä tameedä caju ñancomo cajiichaanacoomo wwä, jäduuja’como wwä mmaja.

EUJEESIYO 3:19

Yääje yeijäcä odhoowanääcäiñe yei’she wa Quidiito cujummatäiñe yeichö, tameedä jeene cowaanäcäiñe tödööjai’cha cöweichaameiñe. Mädääje na; tameedä Wanaadi weichö ’je awei’sheiñe wa.

EUJEESIYO 4:10

Ñäädä cönä’täichö dea cawä cönäncui chea tameedä caju ejoodhe, tameedä yeichö wa’cä töweichö wetä.

EUJEESIYO 4:12

Mädääje töwö Quidiito tösootoi wetaadawa’cajooto’como cuntui, chäänönge yeichöcoomo wetä tötaadawaajuichomo tödöödö jäcä, aashicha quedeiyentecoomo i’wa’tädööcomo wetä mmaja chäwwäiñe, ñanno Quidiito ejööje naatoodö.

EUJEESIYO 4:13

Mädääje tameedä cönwanno äänönge ä’döjai caato cöneecamjödööcomo jäcä, Wanaadi nnedö cowaanäcäiñe cöweichöcoomo jäcä mmaja. Yaawä chäänönge yä’döaajä töweiye naichöje eijai caato, chäänönge Quidiito weichö nönge mmaja aatö’näjai caato dea.

EUJEESIYO 4:4

Tooni chääjö na, tooni mmaja Epíiditu Santo, tooni mmaja onwomoocödööcomo, yää äwwoncomooje yeichö wetä Wanaadi adha’dejjatäänedö.

CODOOSENSE 1:24

Mädä äjääcäinchädäiñe wäntunamjödö cone’da yöödö’da na. Eduuwa öwö daja woneeja dea Quidiito wäntunamjö’jödö, chääjö jäcäinchädä, ñanno quedeiyentecoomo.

CODOOSENSE 2:19

Ñäädä yääjato Quidiito jadä’da na, ñäädä iju’jäje naadö. Töwö Quidiito chääjö ju’jäje töweijäcä tameedä chääjö natö’nä’ja ewanshinchädö que; töwö dea chääjö nejoodöja chu’nädööcomo ai, Wanaadi nijummadö woije.

CODOOSENSE 3:11

Yääje weiñä töweiye nai quidiiyeecoje’da, judhíoje’da mmaja, siicunsidaadojaatoje’da mmaja, yääjemjönööje’da mmaja, ema’jödööje’da mmaja, shidiishanaaje’da mmaja, dhanoonöje’da mmaja, töwö dajaatoje’da mmaja. Quidiitoone na; töwö na tameedä cötaacaiñe.

CODOOSENSE 3:15

Wanaadi nutuudu täncanoode’da weiñä ätö’tajäätödööcomo e’se’täneije nei’ñojo. Mädääje töweiyaamoje Wanaadi adha’dejjatääne, tooni chääjöje mma aweichöcoomo wetä. Yeichöje Wanaadi wwä aashicha adha’deutäcä.