EUJEESIYO 1:14 - Wanaadi A'deddu

¹⁴ Ñäädä Epíiditu Santo na cöwwäiñe utuudu töweiyemö waajäntädööje; yää cöwwäiñe nä’tua’de tameedä tösootoi ewaanacaadöcoomo jäcä Wanaadi wä’ca’jäcä. Yääje yeijäcä mädä jäcäinchädä aashicha Wanaadi weichö ya’deme’jai caato.

EUJEESIYO 1:14 ပူးပေါင်းရင်းမြစ်များ

DUUCA 21:28

Mädoocomo weja’dätäädö waajänta’jäcä, adha’cwainchatääcä’de. Yaawä caju ñadäädä ene’matääcä’de, äwääwanaacato’como cu’nädö amoinche’da yeijäcä; quee cönä’döaacä Jesuuquidiito.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

DOSECHO 20:32

“Eduuwa jimmä, Wanaadi wwä maneedai’chajaato. Töwö dha’deddu aashichaato adheedai’chaato’de, äjäädu’taato’dede. Töwö dha’deddu tödöödö que änwanno ejoodöjai maato ñanno shooma’como jadäiñe aweicho’como.

DOMAANO 8:23

Amoode’naajä mmajöönö mädääje na, cönwanno mmajaane, Epíiditu Santo ’je cöweichaameiñe. Epíiditu Santo ñäädä cöwwäiñe töweiyemö utuudu waajäntädö. Cönwanno mmaja quentungato dea; cöwwäädäiñe Wanaadi nnacoomoje cöwä’dödööcomo quiiyomo’cato, yää cäjööcomo wecoonecaatojo.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

2 CODINTIYO 1:22

Töwö Wanaadi cömaadaca’ñätääne; cöwwäiñe cuntui Epíiditu Santo, yää cöwwäiñe töweiyemö utuudu waajäntädööje.

2 CODINTIYO 5:5

Wanaadi chea yääje töweiyaamoje cödöötäne. Töwö cöwwäiñe cuntui Epíiditu Santo, tameedä cöwwäiñe töweiyemö utuudu waajäntädööje.

CAADATA 4:6

Yääje yeijäcä tönnacoomoje aweijäcäiñe Wanaadi cönaanontäi Epíiditu Santo odo’tacaiñe, ñäädä Iiñedö nutuudu. Yääje yeijäcä Epíiditu Santo woije Jaajaje Wanaadi que’taato.

EUJEESIYO 1:11

Quidiito jadä cöweichomjäcä jenaadä töwö Wanaadi cä’tätääne yää cöwwäiñe tuntudu eiñamooje. Tameedä mädä na Wanaadi nijummadö woije; töwö tameedä tönnöe weneene töntö’tammecöödö woije.

EUJEESIYO 1:12

Töwö mädääje cödöötäne aashicha töweichö jäcä töwa’deuwaamoje cöweichöcoomo wetä. Awa’deene ñaa dea Quidiito ñaa cöneecamjöi.

EUJEESIYO 4:30

Wentumje mma Epíiditu Santo männöjootäi, ñäädä Wanaadi jonnoto we’ajä. Ñäädä Epíiditu Santo que mä’madaaca’ñojootäne Wanaadi sotoije aweichöcoomo adheene’ju’to’comooje, äwääwanaacadööcomo chäänönge yä’dödö wa’cä.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.