EUJEESIYO 1:13 - Wanaadi A'deddu

¹³ Yaawä äcuude änwanno mmaja chäänöngato wätunnä metaatäne dea, yää aashichaato wätunnä eduuwa äwääwanaacato’comooje naadö. Yää etaadö’jo Quidiito mecaanö’täne, chääjadoonoje mä’dötääne dea. Yaawä Wanaadi sotoije aweichöcoomo adheene’ju’to’comooje Epíiditu Santo que mä’madaaca’ñojootäne, ñäädä Wanaadi necamma’jödö.

EUJEESIYO 1:13 ပူးပေါင်းရင်းမြစ်များ

DUUCA 11:13

Änwanno cone’da aweichaameiñe odhoowanääcäiñe aashichaato utuudu ännacontoncomo wwä. Töwaacö’je Oomontoncomo caju ñano Epíiditu Santo u’jai ña töwwä e’ca’nei wwä; quee cönä’döaacä Jesuuquidiito.

DUUCA 24:49

Äwwadäädäiñe öwö wanonta’de Jaaja necamma’jödö. Eetäädä, Jeduusadén ñaadä eichäcä’de, caju ñanno äjääduduucomo wä’dödö jonaane; quee cönä’döaacä Jesuuquidiito tönoowanoomadö wwäiñe.

JUAN 1:17

Moisé ai Wanaadi cuntui cöwwäiñe jenaado’jä waanontänä; Jesuuquidiito ai mmaane aashichaato cönä’tui cöwwäiñe, chäänöngato a’deu mmaja.

JUAN 14:26

Öwö ne’catäädö woije Jaaja nanonta’de Ä’wa’täneichomo, ñäädä Epíiditu Santo. Ñäädä Epíiditu Santo odhoowanoomaato’de tameedäädä; ätö’tamme’jaato’de tameedä neecammajäätö’jödö.

JUAN 15:26

“Ä’wa’täneichomo we’a’jäcä, ñäädä äwwadäädäiñe wanonta’dedö, töwö aashicha necammajä’a’de öwö jääcä. Jaaja nanontädö ñäädä Epíiditu Santo, chäänöngato a’deu edhaajä.

JUAN 3:33

Ñeecammajäätödö ecaanö’nei mmaane nene’ju’ja Wanaadi chäänöngatooje yeichö.

JUAN 6:27

Äwanshi töwaatameemö cana’cadööje mma adheetadaawa’cajootäi’che; äwanshi töwaatamemjönö cana’cadööjeene adheetadaawa’cajootäcä, yää yeichöödäje aweicho’comooje. Yääjato äwanshi tunu’e öwö, Soto nnedö; ñäädä Jaaja Wanaadi cuntui öwwä yääje tödöötojo; quee cönä’döaacä Jesuuquidiito.

DOSECHO 1:4

Chääjadäiñe töweichö dea Jesuuquidiito cönä’döaacä ñanno anonta’como wwäiñe: —Mötäätäi’che Jeduusadén ñanno. Yäätä yoomo’täcä’de äwwäiñe Jaaja necamma’jödö, yää äwwäiñe töneecammajä’e wä’jaaquennö.

DOSECHO 13:26

“Änwanno jimmä, Aawadán weichö nnacoomo, änwanno mmaja Wanaadi ñontännamo, edääje wä’dö’se wa äwwäiñe: Äwwoncomo mädä wääwanaacatoojo jäcä ecammajäätödö naadö.

DOSECHO 2:33

Töwö Jesuuquidiito caju ña cönaatannä’joi yaawä; Wanaadi nnäcä na eduuwa, ämu’demjönö dö’se. Yuumö cuntui chäwwä Epíiditu Santo, ñäädä töneecamma’jödö dea. Tameedä mädä mene’maatoodö, metaatoodö mmaja, Jesuuquidiito nutuudu woije na.

DOMAANO 1:16

Aashichaato wätunnä jöichajo’da na yää Wanaadi töjääduduuje tönnöe yeijäcä tameedä ecaanö’nnamo ewaanacaato’comooje, judhío ewaanacaato’comooje awa’de, judhíojöncomo ewaanacaato’comooje mmaja.

DOMAANO 4:11

Yää ’jejeene siicunsidaadoje wä’dönä cönäätäcammai chäwwä. Yää siicunsidaadoje wä’dönä cönä’jaacä ecamjödö que Wanaadi jadoonoje töweichö yääne’ju’jotoojoje mma. Yääje yeijäcä tameedä quedeiyentecoomo siicunsidaadojemjöncomo adaichöje mmaja Aawadán na dea, ñanno töneecamjödööcomo que Wanaadi jadoonoje yä’döja’como naatoodö.

DOMAANO 6:17

Jenaadä conemjönö anoonöje mä’ja’quene; eduuwa mmaane tödö’se aweichöcoomo que owoowanooma’jocoomo woije maato, yää chääque towaanoma maatoodö. Yääje yeijäcä aashicha Wanaadi tä’tämje na.

2 CODINTIYO 1:22

Töwö Wanaadi cömaadaca’ñätääne; cöwwäiñe cuntui Epíiditu Santo, yää cöwwäiñe töweiyemö utuudu waajäntädööje.

2 CODINTIYO 6:7

Weishi’jonä que’da töwa’deuwe ñaa weichö que Wanaadi anoonöje töweichö töwäänejo ñaa weneene, Wanaadi jäduudu ’je töweichö que mmaja. Chäänönge weiñä töwaichadööje tönnöe ñaa weneene, töwääwontotoojoje mmaja.

CAADATA 3:14

Yää cönä’jaacä yää aashichaato Aawadán wwä Wanaadi necamma’jödö wä’tudu wetä judhíojöncomo wwä, Jesuuquidiito ai. Tameedä cöwwäiñe ecamjödö jäcäinchädä Epíiditu Santo nä’tua, ñäädä Wanaadi necamma’jödö.

EUJEESIYO 4:21

¿Chäänönge jönca chääcadö metaatäne? ¿Chäwwä jönca moowanoomajootäne chäänöngato jäcä, yää Jesuuquidiito jadä weiñä jäcä?

EUJEESIYO 4:30

Wentumje mma Epíiditu Santo männöjootäi, ñäädä Wanaadi jonnoto we’ajä. Ñäädä Epíiditu Santo que mä’madaaca’ñojootäne Wanaadi sotoije aweichöcoomo adheene’ju’to’comooje, äwääwanaacadööcomo chäänönge yä’dödö wa’cä.

1 TEESADOONISENSE 2:13

Ñaa wwä Wanaadi a’deddu ecammajäätödö eta’jäcä äwwäiñe soto wätunnäije ane’tä’da mä’ja’quene; Wanaadi a’deddujeene me’tätääne. Chäänönge me’tätääne, Wanaadi a’dedduune yeiyajä. Yää, Wanaadi a’deddu, aashicha ayöödöaato, änwanno ecaanö’nnamo. Yääje yeijäcä yeichöje aashicha töwa’deuwe ñaa weneene Wanaadi wwä.

2 TIIMOTEO 2:15

Chäänöngato wetaadawa’cajoodöje aweichö Wanaadi wwä äwäänejootojo encano’täcä, töjöiye’da meiye dhowaadäädä, sa’donna ecammajä’ancädä a’deu chäänöngato.

2 TIIMOTEO 2:19

Yääje yeichaame Wanaadi a’deddu yäätäädä na, yo’wadö töweiye naichöje. Edääje na chääjäcä imennaajä: “Cajiichaana dhowaanäcä na töwwoncomo;” quee. Edääje mmaja imennaajä nä’döa dea: “Ñäädä Quidiito sotoije yäätä’taajä nä’sancwa’ñojo conemjönö jonno;” quee.

2 TIIMOTEO 3:15

Mude’cä’cäje aweichö jonnoto’jödöödä Wanaadi a’deddu odhoowanääcä na. Yää Wanaadi a’deddu asejje’täjai ña, adhe’se’täjai ña dea äwääwanaacatoojo wwadäädä, Jesuuquidiito ecamjödö jadä tödööa’jäcä.

TIITO 2:11

Töwö Wanaadi cöjääcäiñe aashicha töweichö cöneenejoi tameedä soto wääwanaacato’como tödöödö que töwwä.

EEWEDEO 2:3

Töwaacö’je cönwanno eduuwa. ¿Aaquene cöwäätä’maminchajoodöcoomo caneemaichatäädöde’ mädä wa’coto wääwanaacatoojo chiiñeme’ca’jäcä cöwwäiñe? Cajiichaana Jesuuquidiito yää wätunnä cöneecammajäätöi awa’deene. Yää ’jeje ñanno Cajiichaana necammajäätödö etannamo’jödö chäänönge cöneecammajäätöicho dea cöwwäiñe.

SANTIYAACO 1:18

Töwö tötö’tajäätödö woije cöweichöcoomo cuntui, chäänöngato wätunnä ecammajäätödö etaadö que cöwwäiñe, tönnacoomoje cöweichöcoomo wetä, awa’deenato chääjedöödö acä’ajä töweiye naichöje.

SANTIYAACO 1:21

Yääje yeijäcä e’nomjatääcä tameedä chäänöngemjönö, yää conemjönö äjääcäiñe töweejange weneenedö. O’jodhe ätö’tajä’ancädäiñe’da Wanaadi a’deddu woije eichäcä, yää ñaatö’tädö nönge ätö’tajäätödööcomo aca cönä’natö’täichö. Yää Wanaadi a’deddu jäduuje na adheewanaacadööcomo jäcä.

1 PEEDHODO 2:10

Jenaadä Wanaadi sotoije’da mä’ja’quene; eduuwa mmaane shootoije maato. Jenaadä anejja wentumje adheenetäiñe’da cönä’jaacä; eduuwa mmaane Wanaadi wentumje adheeneaato.

APOOCADIISI 7:2

Yaawä weneeaquennea anejja amoode daja; cönäänu’cacä shii weja’catoojo dö’senno. Töwö tömaadaca’ñä cönä’jaacä Wanaadi nudooto nimaadaca’ñädö que. Ñäädä amoode töcä’de cöna’deuwacä ñanno aacäicheea’como amoode wwäiñe, chäwwäiñe u’ajä cönä’ja’dö nono cone’matoojo, dama cone’matoojo mmaja. Edääje ñäädä amoode cönä’döaacä ñanno wwäiñe: