EUJEESIYO 1:11 - Wanaadi A'deddu

¹¹ Quidiito jadä cöweichomjäcä jenaadä töwö Wanaadi cä’tätääne yää cöwwäiñe tuntudu eiñamooje. Tameedä mädä na Wanaadi nijummadö woije; töwö tameedä tönnöe weneene töntö’tammecöödö woije.

EUJEESIYO 1:11 ပူးပေါင်းရင်းမြစ်များ

DOSECHO 13:48

Yää eta’jäcä ñanno judhíojöncomo ta’cwaiñe cönä’ja’to yaawä; aashicha cöna’deuwa’to Cajiichaana a’deddu jäcä. Tameedä ñanno töwääwanaacaamoje cönä’ja’todö cöneecamjöicho.

DOSECHO 2:23

Yääje yeichaame äwwäiñe yä’tua’jäcä änwanno majäichäne; cuduusa jäcä ajoijodö que memaajotääne yaawä conemjöncomo wwä. Tameedä yää cönä’jaacä jenaadä Wanaadi nichö’tammecö’jödö woije, imjummadö woije mmaja.

DOSECHO 20:27

Öwö yä’jödöödä äwwäiñe wecammajä’ne Wanaadi a’deddu, dhantai etoone’tancädä’da.

DOSECHO 20:32

“Eduuwa jimmä, Wanaadi wwä maneedai’chajaato. Töwö dha’deddu aashichaato adheedai’chaato’de, äjäädu’taato’dede. Töwö dha’deddu tödöödö que änwanno ejoodöjai maato ñanno shooma’como jadäiñe aweicho’como.

DOSECHO 26:18

Chäwwadäädäiñe manaanonta menu’täiyeto yaawä, tööjano’tacanno eejöiyeto tawaanato aca, odo’sha woije töweichöcoomo jonno Wanaadi woije eiyeto. Yaawä chäwwäiñe ecaanö’a’jäcä choone’nadiiyöcoomo necocca’de; öwö wu’a’de chäwwäiñe tameedä önconeecadö wwäiñe töwä’tue weneene dea; quee cönä’döaacä Jesuuquidiito öwwä.

DOSECHO 4:28

Mädääje tönwanno cönnöicho tameedä jenaadä äntö’tammecöödö woije töweeja’dä’emööje cönä’ja’dö.

DOMAANO 11:34

¿Änääcö dhowaanäcä nai Cajiichaana tö’tajäätödö? ¿Änääcö Cajiichaana onoowanoomadö’de?

DOMAANO 8:17

Wanaadi nnacoomoje cöweijäcäiñe cöwwäiñe töweiyemööje na yää Wanaadi necamma’jödö tu’emö. Yää cöwwäiñe nä’tua’de Quidiito wwä utuudu jadä. Eduuwa Quidiito jäcäinchädä cöwäntunaanö’a’comjäcä, chääjadä mmaja aashicha caato’de

DOMAANO 8:28

Cönwanno cowaanäcäiñe na tameedä tujummannamo jäcäiñe töweeja’dä’e weneenedö aashichaatoje Wanaadi tönnöe yeichö, ñanno tumjummadö woije töna’dejja’jödö jäcäiñe.

DOMAANO 8:29

Ñanno jenaadä töne’tä’jödö töwö Wanaadi cönnöicho Tönnedö nönge töwä’döaamoje, ñäädä Iiñedö tameedä yuichoncomooje yeichö wetä.

DOMAANO 8:30

Ñanno töne’tä’jödö Wanaadi cöna’dejjaicho dea; töna’dejja’jödö töjaadonooje cönnöicho; töjaadonooje tönnö’jödö aashicha töweiyaamoje mmaja cönnöicho dea.

DOMAANO 9:11

Ñanno Deweeca nnacoomo ennu’dadooto Wanaadi yeicho’como cöneecammai, iiñödööcomo ’je’da dea yeichaame, aashichaato, conemjönö jeiñe mma. Edääje Wanaadi cönä’döaacä Deweeca wwä: “Yui ña’de tacoono anoonöje;” quee. Edääje mmaja aneetaja Wanaadi a’deddu imennaajä na’döa dea: “Jacoowo wijummane, Esaú mmaane wichiiñeme’ne;” quee. Mädääje na; mädääje tumjummadö woije mma Wanaadi tösootoije töweiyemö töna’dejja weneene, iiñödö jäcäinchädä’da.

CAADATA 3:18

Jenaado’jä waanontänä tödöödö jäcäinchädä cöwwäiñe Wanaadi nutuudu ei’jo, Wanaadi nutuuduje ätä’tä’da eichö. Yääje’daane na; Wanaadi yää cöneecammai Aawadán wwä täjeemajoomöje’daane, töneecamma’jödö nönge dea.

EUJEESIYO 1:14

Ñäädä Epíiditu Santo na cöwwäiñe utuudu töweiyemö waajäntädööje; yää cöwwäiñe nä’tua’de tameedä tösootoi ewaanacaadöcoomo jäcä Wanaadi wä’ca’jäcä. Yääje yeijäcä mädä jäcäinchädä aashicha Wanaadi weichö ya’deme’jai caato.

EUJEESIYO 1:18

Wanaadi wwä ätö’tajäätödööcomo weijotoojo töne’ca’e wäänene dea, odhoowanääcäiñe yeichö wetä yaawä onwomoocödööcomo, yää äwwäiñe yeichö wetä adha’dejjatäänedö. Töne’ca’e wäänene dea odhoowanääcäiñe yeichojo joojato aashichaato Wanaadi nutuudu tösootoi wwäiñe.

EUJEESIYO 1:5

Cujummatäiñe töweijäcä jenaadä töwö Wanaadi Jesuuquidiito jäcäinchädä tönnacoomoje töweiyaamoje cä’tätääne; yääje cödööto’como töwö cöntö’tammecöi tumjummadö woije.

EUJEESIYO 1:8

Töwö Wanaadi cöwwäiñe cöneenejoi aashicha töweichö; ewontancädä’da cösejjedööcomo cuntui, towaanojo’ne cöweicho’como mmaja.

EUJEESIYO 1:9

Töwö cöwwäiñe cöneenejoi chea töwwä töntö’tammecö’jödö tödöötojo, yää owaanojöönö’jödö, tumjummadö woije cöntö’tammecöichö.

EUJEESIYO 3:11

Wanaadi yääje cönnöi jenaadä töntö’tammecö’jödö woije, yää Cädhaajotoncomo Jesuuquidiito ai cönnöichö.

CODOOSENSE 1:12

Mädääje eijai maato aashicha awa’deuwancädäiñe Cumöötoncomo wwä, ñäädä tösootoi wwä tu’emö eiñamooje cödööneichomo’jödö, tawaanato aca cödööneichomo’jödö mmaja.

CODOOSENSE 3:24

odhoowanääcäiñe yeijäcä Cajiichaana wwono adheeje’jocoomo eichojo, yää tameedä äwwäiñe tu’emööje naadö. Quidiito sotoijeene maato; töwö Adheedhajootoncomo neeneje na.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

TIITO 3:7

Aashicha töweichö woije Wanaadi töjaadonooje cödöötäne, töwaatamemjönö cöweicho’como cöwwäiñe yeichö wetä, yää quiiyomo’catoodö.

EEWEDEO 6:17

Yääje yeijäcä Wanaadi chäänönge cönääcammai yaawä, töneecamma’jödö enennamo wwäiñe eneejodö wetä tötö’tajäätödö yäätonno eseecajai’cha töweichö.

SANTIYAACO 2:5

Etaatäcä, jimmä umjummadö. Ñanno edä nono de’wono que tönsomaaquemjöncomo Wanaadi cöneicho jooje ecamjödö chäwwäiñe töweiyaamoje. Ñanno Wanaadi sotoije naato’de, tujummannamo weicho’como ñeecamma’jödö nönge dea.

1 PEEDHODO 1:4

Eduuwaatoje töwennue cöweijäcäiñe cöwwäiñe töweiyemööje na Wanaadi nutuudu töwaatamemjönö, töweecone’mamjönö mmaja, jemi yu’tacoi töweiye naichö nönge’da. Yää cöwwoncomooje tösooma na caju ña.

1 PEEDHODO 3:9

Conemjönö que mmaja conemjönö maneemetaacamaatäi’che. Ätuushimaajätöödawäiñe wä’tushiimanä que mmaja moojo’tätäi’che. Aashichaato que mmaane emeetacaamatääcä’de. Yääje töweiyaamoje ta’dejja maato, Wanaadi nutuudu aashichaato äwwäiñe yeichö wetä.