EUJEESIYO 1:10 - Wanaadi A'deddu

¹⁰ Edääje na yää inchö’tammecöödö: Chu’nä’taajä aca yä’döa’jäcä töwö Wanaadi tameedä nejoodöjaato’de, caju ña naatoodö, nono de’wä naatoodö mmaja, Quidiito iju’jocoomoje.

EUJEESIYO 1:10 ပူးပေါင်းရင်းမြစ်များ

MATEO 25:32

Yaawä tameedäädä soto ne’jummaato’de; töwö Cajiichaana nimencaato’de yaawä, oweeja edai’chännamo oweeja tömmencaiñe töweiye naichöje, chiiwo jadäiñe yeichöcoomo jonno.

MAADOCO 1:15

Töwö töwä’döe cönä’jaacä: —Chu’nädö aca nä’döi eduuwa. Amoinche’da nä’döi eduuwa Wanaadi acaajichaanaichomooje yä’dötoojo. Ätö’tajäätödööcomo sha’duminchatääcä; ecaanö’täcä aashichaato wätunnä; quee töwä’döe cönä’jaacä.

1 CODINTIYO 10:11

Tameedä yää cadai’choncomo wei’jocoomo na cöwä’wätuujato’comooje. Yää tömennä na cöwä’sejje’toto’comooje, cönwanno anooto wataamedö enennamo.

1 CODINTIYO 11:3

Odhoowanääcäiñe yei’she wa Quidiito dhanwa ju’jäje yeichö; dhanwa ’quene wodi ju’jäje; Wanaadi ’chene Quidiito ju’jäje.

CAADATA 4:4

Yaawä chu’nädö aca yä’döa’jäcä Wanaadi Tönnedö cönaanontäi; wodi ai cönennui. Töwö cönä’jaacä judhíoje, jenaado’ja waanontänä woije.

EUJEESIYO 1:22

Töwö Wanaadi Quidiito cönnöi chea tameedä Cajiichaanaje, tameedä quedeiyentecoomo ju’jäje mmaja.

EUJEESIYO 2:15

Töwäämadö que Quidiito cönaacoichajoi waanontänä imennaajä, yää töwaanontäämöje cönä’ja’dö. Töwö töjaadonooje cönnöicho ñanno aacä iju’jä cönä’ja’todö, judhío, judhíojöncomo mmaja; tooni iju’jä mma cönnöicho. Mädääje töwö ääweichacoonoje cönnöicho.

EUJEESIYO 3:15

Töwö choojoi tä’tä naato tameedä edä nono de’wono wä’jimmä’tädö, caju ñancomo wä’jimmä’tädö mmaja.

EUJEESIYO 3:2

Änwanno odhoowanääcäiñe nichö’ta Wanaadi wwä yaanontä’jödö äjääcäinchädäiñe aashichaato wätunnä ecammajä’neije; töwö yääje yöödöne aashicha töweichö woije.

CODOOSENSE 1:16

Jesuuquidiito ai Wanaadi cönnöi tameedä tödööajä naadö, caju ña naadö mmaja, nono de’wä naadö mmaja, äänejöönö, täneeto mmaja. Jesuuquidiito ai mmaja Wanaadi cönnöi chea acu’shänääcomo, o’jodha’como mmaja, jäduuja’como mmaja, cajiichaanacoomo mmaja, nanno amoode. Töwö iiñödö mädä tameedä, töwö chäwwono mmaja.

CODOOSENSE 1:20

Quidiito ai mmaja töwö Wanaadi töjaadä ääweichacoonoje cönnöicho tameedä yeichö wa’cä, tameedä nono de’wä naatoodö, caju ña naatoodö mmaja. Töwö Wanaadi Jesuuquidiito aquiiyö choonecaato’me cönnöi, yää cuduusa jäcä Jesuuquidiito cömjajoichö.

CODOOSENSE 3:11

Yääje weiñä töweiye nai quidiiyeecoje’da, judhíoje’da mmaja, siicunsidaadojaatoje’da mmaja, yääjemjönööje’da mmaja, ema’jödööje’da mmaja, shidiishanaaje’da mmaja, dhanoonöje’da mmaja, töwö dajaatoje’da mmaja. Quidiitoone na; töwö na tameedä cötaacaiñe.

EEWEDEO 1:2

Eduuwa, anooto ataamejai yä’döa’jäcä, töwö cöna’deuwöi Tönnedö ai chaja. Tönnedö ai Wanaadi cönnöi tameedä yeichö wa’cä; chäwwä cöneecammai chea tameedä iiñödööje yeichojo.

EEWEDEO 11:40

Aashichaato jaiñoone Wanaadi nichö’tammecöödö cönä’jaacä, cönwanno cöjääcäinchädäiñe. Yääje yeijäcä tönwanno cowaajodäiñe chäänöngato jaiñoone ejoodöjai’cha cönä’ja’to.

EEWEDEO 9:10

Yääje weiñä töweiye na äwanshi choonecaadö jäcä mma, wocö choonecaadö jäcä mmaja, wataamoichanä jäcä mmaja. Tameedä yää na ye’wono que mma tödööemö. Yää tödööemje cönä’jaacä Wanaadi wwä inwacaamatoojo cu’nädö aca tödööene mma.

1 PEEDHODO 1:20

Edä nono tödöödö owaajodä mädääje töweiyemööje Quidiito cönäätä’täjoichö’je; yaawääne’ eduuwa jeene cönäänejoi, anooto ataamejai yä’döa’jäcä jeene, änwanno äjääcäinchädäiñe.

APOOCADIISI 5:9

Edääje cöneecanta’ña’to; eduuwaato wecanta’ñotoojo jäcä: Ñäädä mma amäädä aashichaato, jajeeda eijaicho, ajoijo’jödö ajämjacaajaicho mmaja. Mädä tödööjai ma äwääma’jödö weijäcä, adhaaquiyö que Wanaadi sotoije ñaa ejeema’jödö weijäcä mmaja, tameedä soto weichöcoomo wa’cä, tameedä aata’deucwemjöncomo’jödö, tameedä jata weichö waadoinchomo’jödö, tameedä nono weichö de’woncomo’jödö.