EEWEDEO 7:11 - Wanaadi A'deddu

¹¹ Waanontänä imennaajä cönä’tui iisadaaediita wwäiñe ñanno dewiitacoomo Wanaadi wwä töwa’deuwaamoje yeichawäiñe, ñanno Aadón atöödö. Yääje yeichaame ñanno dewiitacoomo chäänönge tödööjaiñe’da cönä’ja’to ñanno soto, yää waanontänä tödönnamo. Yääje yeijäcä anejjejaato Wanaadi wwono wa’deuwödö tujunne cönä’jaacä, Aadón cönä’ja’döje’daane, Mequiisedeeque cönä’ja’döjeene.

EEWEDEO 7:11 ပူးပေါင်းရင်းမြစ်များ

CAADATA 2:21

Aashicha Wanaadi weichö töwäädämmatooje tödö’se’da wa. Jenaado’jä waanontänä tödöödö que wääwanaacanä yeiya’jäcä töwäädämma Quidiito wääma’jödö eichö.

CAADATA 4:3

Mädääje mmaja cä’ja’quene cönwanno; chäänönge cä’dötä’dadä töwaatashiichuudä töweiye cä’ja’quene edä nono de’wono äänejöönö jäduudu que.

CAADATA 4:9

Eduuwa mmaane Wanaadi odhoowanääcäiñe na, Wanaadi owaanäcä mmaja änwanno maato dea. Yääje yeichaame, ¿ane’que’nei yää weicho’jönö weiñä aca awennaca’seiñe maato dea, tödööto’jönö weiñä aca mmaja, yoije tödöödö que awaatashiichuudädööcomo wetä mmaja?

EEWEDEO 5:10

Wanaadi chea Jesuuquidiito cöne’täi töwwono wa’deuwödööje, Mequiisedeeque cönä’ja’döje mmaja.

EEWEDEO 5:6

Edääje mmaja Wanaadi cönä’döa’dea chäwwä, dha’deddu imennaajä jäcä naadö: Amäädä Wanaadi wwono wa’deuwödööje ma, yeichöödäje töweiyemööje, Mequiisedeeque cönä’ja’döje mmaja; quee Wanaadi cönä’döaacä Jesuuquidiito wwä.

EEWEDEO 6:20

Iiña Jesuuquidiito womongajä na, cäämadööcomo a’ducaaneije. Mädääje soto jäcäinchädäiñe Wanaadi wwä töwa’deuwemööje töwö cönä’döi, yeichöödäje töweiyemööje, Mequiisedeeque cönä’ja’döje mmaja.

EEWEDEO 7:10

Aawadán nwaju’jaca dea yei’jocoomo weijäcä yaawä, Mequiisedeeque acä cönäänea’todaawä.

EEWEDEO 7:12

Yaawä ñäädä Wanaadi wwono wa’deuwödö wenwacaama’jäcä waanontäna mmaja cönenwacaamai chea.

EEWEDEO 7:13

Ñäädä Jesuuquidiito, chääjäcä imennaajä na’deuwaadö, anejja atöödöje cönä’jaacä, töwö dhadaichö atöödö Wanaadi wwono wa’deuwödööje ei’cha cönä’ja’to.

EEWEDEO 7:15

Wanaadi wwono wa’deuwödööje weiñä töwenwacaama yeichö cowaanäcäiñe na eduuwa anejja Wanaadi wwono wa’deuwödö töweiye yeijäcä eduuwa, Mequiisedeeque cönä’ja’döjaato mmaja.

EEWEDEO 7:21

Ñanno Wanaadi wwono wa’deuwödööje cönä’ja’todö mmaane Wanaadi wääcammadö que’da töwääwaaca cönä’ja’to. Jesuuquidiito mmaane Wanaadi wääcammadö que cönääwaacai. Edääje Wanaadi a’deddu imennaajä nä’döa mädä jäcä: Cajiichaana cönääcammai; yäätonno tötö’tajäätödö aninwacaama’da na’de: “Amäädä Wanaadi wwono wa’deuwödööje ma, yeichöödäje töweiyemööje, Mequiisedeeque cönä’ja’döje mmaja;” quee Cajiichaana wä’dödö na; quee imennaajä nä’döa.

EEWEDEO 8:7

Yää jenaado’jä weiñä ecammaajä chäänönge ei’jo mmaane tujunne’da eichö cöneiyacä anejja.

EEWEDEO 9:6

Yääje choonecaajä döiña weiñäje ñanno Wanaadi wwä töwa’deuwaamo töwoomonge weneeneto Wanaadi weichojo awa’deeto aco’jo’jödö taca, tötaadawaajuichomo tödööe.