EEWEDEO 7:10 - Wanaadi A'deddu

¹⁰ Aawadán nwaju’jaca dea yei’jocoomo weijäcä yaawä, Mequiisedeeque acä cönäänea’todaawä.

EEWEDEO 7:10 ပူးပေါင်းရင်းမြစ်များ

EEWEDEO 5:6

Edääje mmaja Wanaadi cönä’döa’dea chäwwä, dha’deddu imennaajä jäcä naadö: Amäädä Wanaadi wwono wa’deuwödööje ma, yeichöödäje töweiyemööje, Mequiisedeeque cönä’ja’döje mmaja; quee Wanaadi cönä’döaacä Jesuuquidiito wwä.

EEWEDEO 7:11

Waanontänä imennaajä cönä’tui iisadaaediita wwäiñe ñanno dewiitacoomo Wanaadi wwä töwa’deuwaamoje yeichawäiñe, ñanno Aadón atöödö. Yääje yeichaame ñanno dewiitacoomo chäänönge tödööjaiñe’da cönä’ja’to ñanno soto, yää waanontänä tödönnamo. Yääje yeijäcä anejjejaato Wanaadi wwono wa’deuwödö tujunne cönä’jaacä, Aadón cönä’ja’döje’daane, Mequiisedeeque cönä’ja’döjeene.

EEWEDEO 7:5

Ñanno Dewí atöödö, Wanaadi wwono wa’deuwödööje weneenetoodö, waanontänä Moisé nimennä’jödö woije jödaata que töwääjemaajo weneeneto soto wwäiñe, töjimmotoncomo wwäiñe, Aawadán atöödöje yeichaameiñe mmaja ñanno ijimmotoncomo.

EEWEDEO 7:9

Ñäädä Dewí, tameedä dhatöödö mmaja, ñanno eduuwa jödaata que töwääjemaajo weneenetoodö, u’nnamooje daja cönä’ja’to yaawä, Mequiisedeeque wwä Aawadán cuntuichawä,