EEWEDEO 6:2 - Wanaadi A'deddu

² wautisaaje wä’döjoonä jäcä mmaja, quedeiyente de’wä tamäädö tödöödö jäcä mmaja, yä’ja’a’como waadoncato’como jäcä mmaja, yeichöödoto wätä’maminchajootojo jäcä ecammajäätödö mmaja.

EEWEDEO 6:2 ပူးပေါင်းရင်းမြစ်များ

MATEO 28:19

Yääje yeijäcä ojoncomo. Soto owaanomaatantäcä tameedä jata weichö wa’cä. Wautisaaje tödöötäcä’de Jaaja eetö joi, Iiñedö eetö joi mmaja, Epíiditu Santo eetö joi mmaja.

MATEO 3:14

Awa’deene Juan wautisaaje tödö’se’da cönä’jaacä; Jesuuquidiito wwä cönä’döaacä: —Öwööne wautisaaje ä’döjoojai wa äwwä. ¿Aaquene öwwadäädä me’annea? quee cönä’döaacä Juan Jesuuquidiito wwä.

MAADOCO 16:16

Ñäädä ecaanö’nei, wautisaaje yä’dödö, nääwanaaca’de. Aneecanö’jönö mmaane nännanö’a’de.

MAADOCO 7:4

Töwäätätöijato’como ñano’jödö töwennaca’comjäcä ääwashinchä’da mmaja weneeneto dea tuna que tamäädöcoomo amoichadö wa’cä. Yää ’jeje anejja mmaja tönnöe weneeneto dea, yää sunuuji aquiiyanoocadö, jadancaana mmaja, ädiiñä mmaja, ä’wätä aquiiyanoocadö mmaja, jenaado’jocoomo wätunnäichomo nönge dea.

MAADOCO 7:8

Änwanno Wanaadi waanontädö tömja’do’jo määnetääne, soto wätunnäichomo mma tödöödö wetä, yää jadancaana aquiiyanoocadö, sunuuji mmaja, anejjacoomo mädä nöngato mmaja; quee cönä’döaacä Jesuuquidiito jaadiseeo wwäiñe.

DUUCA 11:38

Ñäädä jaadiseeo cone’da cönä’döjoi yaawä, töwääwashinchääje tamäädö anaamoicha’da Jesuuquidiito eneea’jäcä.

DUUCA 12:50

Töweiye na wautisaaje wä’döjootojo, yää wäntunaanö’tojo tödheetuncaamö. Jooje cone’da wäänene yeeja’do’tojo cu’nädö aca yä’dödö wa’cä.

DUUCA 14:14

Yaawä ta’cwaiñe eijai ma, ñanno adheejemaajai’cha yeichomjäcä. Yaawä jeene määjemaaja’de, chäänönga’como waadoncato’como awä jeene; quee cönä’döaacä Jesuuquidiito.

DUUCA 3:16

Juan cönä’döaacä tameedä chäwwäiñe: —Öwö wautisaaje männöaato tuna que. Ñäädä öncäcä ne’a’nei mmaane Epíiditu Santo que wautisaaje ayöödöaato’de, wa’to que mmaja. Töwö jäduuje jeene na. Shaajatui shaacaneije jadä’jödöödä eijai’cha wa, ye’jodhe töwö yeijäcä.

JUAN 1:33

Yoowanääcä’da cönä’jaacä töwö, töwäädä ñäädä tuna que wautisaaje tödöödö jäcä yaanontänei’jödö yääje cönä’döa’ne’: “Ñäädä Epíiditu Santo ye’wä nä’ta’dedö, ye’wäädä na’dedö, ñäädä ñäädä Epíiditu Santo que wautisaaje tödöönei;” quee yaanontänei’jödö cönä’döaacä öwwä.

JUAN 5:29

Tönwanno naanöngaato’de yaawä täwaadöcoomo acanno. Ñanno aashichaato tödönnamo’jödö naanöngaato’de yeichöödäje töweicho’comooje; conemjönö tödönnamo’jödö mmaane naanöngaato’de töwännanö’to’comooje daja.

DOSECHO 10:47

Yääwä Peedhodo cönä’döaacä: —Wautisaaje ännöjo’da eijai’cha caato canno, tönwanno mmaja Epíiditu Santo ’je yä’döeetöcoomo’da, cönwanno caatoodöje mmaja; quee cönä’döaacä Peedhodo ñanno Conneediyo jäcäiñe.

DOSECHO 13:3

Yää ’jeje Wanaadi wwä töwa’deuwö’jejeiñe, töwäänema’jejeiñe mmaja, tamäädöcoomo cönnöicho ñanno Waanawé, Saudo de’cäcäiñe; cönenno’jaicho yaawä.

DOSECHO 16:15

Yää ’jeje töwö wautisaaje cönä’döjoi, yä’jimmä’tädö mmaja. Yaawä töwö cönä’döaacä ñaa wwä: —Cajiichaana ecaanö’nei chäänöngatooje äwwäiñe tö’ta’jäcä, ömmai chaca odhoomontäcä, iiña määwa’tätäiye; quee cönä’döaacä. Töwö ñaa amonno’jone yaawä tä’saca.

DOSECHO 16:33

Yaawä dea mma, yää coijaichawä dea mma, ñäädä jedeeso edai’chäneichomo cöncoccai Paudo aiju’jätö’jocoomo. Yää ’jeje wautisaaje cönä’döjoi yaawä tameedä töwä’jimmä’tädö jadäiñe.

DOSECHO 17:18

Yäätä cönä’ja’to anejjacoomo eepicuudeo wätunnäichomo jäconcomo woowanoomadö, etoico wätunnäichomo jäconcomo woowanoomadö mmaja. Ñanno cöna’deuwa’to Paudo jadä. Dhantai cönä’döa’to: —¿Aaquene nä’döaanä määdhä töwentaame’cato? quee. Anejjacoomo ’quene cönä’döa’to: —Töwö necammajä’a anejjeja’como wanaadi jäcä; quee cönä’döa’to. Tönwanno yääje cönä’döa’to Jesuuquidiito jäcä Paudo wwä ecammajäätödö e’nei, töwäämaajo jonno waadoncanä jäcä ecammajäätödö e’nei mmaja.

DOSECHO 2:38

Yaawä Peedhodo cönä’döaacä chäwwäiñe: —Ätö’tajäätödööcomo sha’duminchatääcä; wautisaaje ä’döjootäcä Jesuuquidiito eetö joi, ocoone’nadiiyöcoomo ätäncwanno’joiye. Yaawä Wanaadi nu’a’de Epíiditu Santo äwwäiñe.

DOSECHO 2:41

Yaawä ñanno dha’deddu ecaanö’nnamo wautisaaje cönä’döjoicho. Yää anooto awä aaduwaawä miide quedeiyenteje cönä’döicho.

DOSECHO 23:6

Töwö Paudo dhowaanäcä cönä’jaacä dhantai ñanno äcämma’jonnamo saadhuseeoje yeichöcoomo, dhantai jaadiseeoje yeichöcoomo mmaja. Yääje yeijäcä töwö cönä’döaacä chäwwäiñe: —Änwanno jimmä, jaadiseeo öwö, jaadiseeo nnedö mmaja. Eduuwa maamincha’se maato yäämaajo jonno waadoncanä töneecanö’e weijäcä; quee cönä’döaacä.

DOSECHO 24:15

Öwö Wanaadi wecaanö’a canno necaanö’aatoodöje mmaja; yä’ja’a’como töwaadonca yeichöcoomo wecaanö’a dea, ñanno aashicha’como, conemjöncomo mmaja.

DOSECHO 24:21

Edääje mma wä’döaaquene chäwwäiñe: “Änwanno maamincha’se maato töwäämaajo jonno waadoncanä töneecanö’e weijäcä;” que mma wä’döaaquene; quee cönä’döaacä Paudo acu’shänä Jeedi wwä.

DOSECHO 24:25

Yaawä Paudo cöneecammajäätöi chäwwäiñe chäänönge weiñä jäcä, towaadäädä weiñä jäcä mmaja, wätämmencajootojo anootoi’chädö jäcä mmaja. Yaawä Jeedi cönääcatoncai; cönä’döaacä Paudo wwä: —Chääwa’cä na; äjääne eduuwa. Aneedawä anooto awääde mana’dejja’de, täde weichö woije; quee cönä’döaacä.

DOSECHO 26:8

¿Aaquene aneecamjö’da maato dea Wanaadi yä’ja’a’como adoncajai yeichö?

DOSECHO 4:2

Tönwanno töwäätöma cönä’ja’to soto owaanomaadöcoomo weijäcä Peedhodo, Juan wwäiñe, töwäämaajo jonno Jesuuquidiito waadonca’jödö jäcä ecammajäätödö weijäcä mmaja chäwwäiñe.

DOSECHO 6:6

Yaawä anonta’como döiñaiñe cönaadoicho. Ñanno anonta’como tamäädöcoomo cönnöicho ye’cäcäiñe; Wanaadi wwä cöna’deuwöicho chääjäcäiñe.

DOMAANO 2:16

Yää anooto awä töwö Wanaadi Jesuuquidiito wwä nemmencaja’de tameedä tacaademjönö soto nödöödöcoomo. Mädääje na; mädääje dea aashichaato wätunnä töneecammajä’e wäänene.

1 CODINTIYO 10:2

Cönwanno wautisaaje töwä’döe caatoodöje mmaja tönwanno Moisé sotoije cönääwaacaicho yää ca’dutu o’nä töwäämannäjöödöcoomo que, dama ’cwai töwe’dätäädöcoomo que mmaja.

1 CODINTIYO 12:13

Tameedä cönwanno ñäädä tooniyaano Epíiditu Santo woije wautisaaje cöwä’dö’jocoomo que tooni chääjöje cä’dötääne, judhío, quidiiyeeco mmaja, tädhaajäcaato, töwö dajaato mmaja; tameedä cöwwäiñe cönä’tui ñäädä dea Epíiditu Santo.

2 CODINTIYO 5:10

Tameedä cä’mencajaato’de Quidiito wwä; yaawä cöwaadäiñe cäje’jocoomo queiyato’de chäwwä, edä nono de’wä cönnö’jocoomo jäcäinchädä, aashichaato jeiñe mma, conemjönö jeiñe mma.

JIDIIPENSE 3:21

Töwö ninwacaama’de cäjööcomo conemjönö töwö täjö aashichaato nönge. Yää nödööa’de töjäädudu que, yää tameedä to’nä tönnöe weneenedö que dea.

CODOOSENSE 2:12

Änwanno wautisaaje wä’dönä que Quidiito jadä määwaacajootäne; chääjadä mmaja maadoncatääne dea, Wanaadi jäduudu töneecanö’e aweichomjäcä, ñäädä töwäämaajo jonno Quidiito adoncanei’jödö.

2 TIIMOTEO 2:18

Tönwanno tösaadijange naato chäänöngato jonno; töwäämaajo jonno waadoncanä töweeja’dä’e yeiyaatäi necaanö’aato. Mädääje töwa’deuwödööcomo que anejjacoomo necamjödö nichoone’maato.

EEWEDEO 11:35

Ecamjödö que anejjacoomo wodiiñamo töwä’jimmä’tädö wä’ja’a’como’jödö Wanaadi wwä cönaadoncajoicho. Anejjacoomo jenaado’jocoomo cönä’jajoicho töwäätä’maminchajoodöcoomo awä; töwäätu’cajo’seiñe’da töweiye cönä’ja’to, aashichaato jaiñoone töweicho’como aca töwaadoncadööcomo wetä yaawä.

EEWEDEO 9:10

Yääje weiñä töweiye na äwanshi choonecaadö jäcä mma, wocö choonecaadö jäcä mmaja, wataamoichanä jäcä mmaja. Tameedä yää na ye’wono que mma tödööemö. Yää tödööemje cönä’jaacä Wanaadi wwä inwacaamatoojo cu’nädö aca tödööene mma.

2 PEEDHODO 3:7

Wanaadi a’deddu woije mmaja edä caju eduuwa naadö tödhau’cwaamöje tösooma na, edä nono mmaja. Yaawä nä’dhau’cwaja’de, wätä’maminchajootojo anootoi’chädö awä, Wanaadi woijemjöncomo nä’ja’aato’dedö awä.