Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




EEWEDEO 4:14 - Wanaadi A'deddu

14 Ñäädä Jesuuquidiito, Wanaadi nnedö o’jodhaato, Tumö wwä cöjääcäinchädäiñe töwa’deuwemööje na. Töwö Wanaadi döiña cöntäma. Yääje yeijäcä chäänöngeedä queichäiye cöneecamjödööcomo jäcä.

အခန်းကိုကြည့်ပါ။ ကော်ပီ




EEWEDEO 4:14
31 ပူးပေါင်းရင်းမြစ်များ  

Quidiito cönoomomöi Wanaadi weichojo neene taca, yää soto namäädöjöönö. Yää soto namä’jödö cönä’jaacä Wanaadi weichojo neene cu’taajäje mma. Caju ñaane Jesuuquidiito cöntämä. Töwö na eduuwa Wanaadi döiña, cöjääcäinchädäiñe töwa’deuwemööje.


Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.


Yäätäädä cötö’tajäätödööcomo cöödöto’ñojo cöwo’womoocödööcomo jäcä, cöweejäduuqueancädäiñe’da, cowaanäcäiñe yeijäcä chäänönge Wanaadi wwä tödöötojo yää cöwwäiñe töneecamma’jödö.


Chiiwo aquiiyö dha’me’daane yää taca Jesuuquidiito cönoomomöi, jaaca nnedö’cä aquiiyö dha’me’da mmaja, töwö taquiiyö dha’meene. Töwö Jesuuquidiito cönoomomöi yää Aashichaato Jaiñoone taca tooniye mma, yeichöödäje yeichö wetä. Mädääje töwö cöneejodöi cöwääwanaacato’como yeichöödoto.


Iiña Jesuuquidiito womongajä na, cäämadööcomo a’ducaaneije. Mädääje soto jäcäinchädäiñe Wanaadi wwä töwa’deuwemööje töwö cönä’döi, yeichöödäje töweiyemööje, Mequiisedeeque cönä’ja’döje mmaja.


Ñäädä cönä’täichö dea cawä cönäncui chea tameedä caju ejoodhe, tameedä yeichö wa’cä töweichö wetä.


¿änääcö mmaja töwännanö’aamoje ane’tädööto deeade’ ? ¿Quidiito ’ja? Ng’jn, Quidiito dea dajaane cöjääcäinchädäiñe cönäämai, töwäämaajo jonno cönaadoncai chea. Töwö na eduuwa Wanaadi nnäcä, ämu’demjönö dö’se, chäwwä cöjääcäiñe wa’deunäje.


Cönwanno Quidiito jadoncomooje caato, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, yää yaajäntä’jödö jonnoto’jödöödä queecanö’täneedö.


Yääje yeijäcä Jesuuquidiito tameedä töweichö jäcä töjimmä nöngeiñe mmaja töwä’döeemöje cönä’jaacä, wentumje äneetä töweichö wetä yaawä soto jäcäinchädäiñe Wanaadi wwono wa’deuwödööje töwääwaaca’jäcä, chäänönge Wanaadi owaadäädä töweichö wetä mmaja, sotoocomo cone’nadiyöcoomo choccadö wetä yaawä saaquidiijiisiyooje töwä’tudu que.


Jesuuquidiito mmaane tooniye mma saaquidiijiisiyooje cönä’tui yeichöödäje töweiyemööje. Yää ’jeje Wanaadi nnäcä cönaatajiimai, ämu’demjönö dö’se.


Edääje wä’dö’se weichö mädä: Cöwwäiñe töweiye na wecammaadöjaato cöjääcäinchädäiñe Wanaadi wwä töwa’deuwemö. Töwö caju ña na Wanaadi mudei yö’tä yaatajiimaajä, ämu’demjönö dö’se.


Ñanno dhanwaacomo cönä’döa’to anonta’como wwäiñe: —Änwanno Caadideea ñancomo, ¿ane’que’nei caju ña mene’maato? Ñäädä dea Jesuuquidiito, ojonnoiñe caju ña nötännö, ne’a’dede caju ña aneenedööcomooje nötännöje mmaja; quee cönä’döa’to.


Tönnedö jäcä mmaane edääje Wanaadi nä’döa: Yeichöje cajiichaanaje ma’de, amäädä Wanaadi. Chäänönge aweichö que cajiichaanaje ma.


Töwö Jesuuquidiito caju ña yeichojo na tameedä Wanaadi wwä choonecaadö wa’cä. Mädääje dea Wanaadi töneecammajo cönä’jaacä töwa’deuwödö ecammannamo aashicha’como wwäiñe, ñanno jenaadä cönä’ja’todö.


Chääjäcäiñe töwa’deuwö’jeje töwö cönsancwaicho; caju ña cönaatadoojoi yaawä.


Chäwwäiñe yääje töwa’deuwödö’jo Cädhaajotoncomo Jesuuquidiito cönaatadoojoi yaawä caju ña. Wanaadi nnäcä cönaatajiimai yaawä, ämu’demjönö dö’se.


Yääje yeijäcä aashichaane ijaanataajai caato yää wätunnä queetatäänedö jäcä, choojonno mma cösaadijanto’no.


Edä yää Jesuuquidiito wätunnäi aashichaato waajäntädö, ñäädä Wanaadi nnedö.


Yaawä chäwwadäädä cöneejä odo’sha, yuunaca; cönä’döaacä chäwwä: —Wanaadi nnedö neeneje aweiya’jäcä, uuje amoode’näcä edä täju; que cönä’döaacä odo’sha.


Tönwanno aashicha Wanaadi jäcä na’deuwaato’de chäänönge Quidiito a’deddu tönnöe aweichöcoomo äwäänejo’jocoomo weijäcä. Wanaadi jäcä aashicha na’deuwaato’dede töwwäiñe äntuduucomo jäcäinchädä, anejjacoomo wwä äntuduucomo jäcäinchädä mmaja.


Amoojadooto de’wä aacäichea wedu na eduuwa dhanwa ene’jödö öwwä, quedeiyente töwö. Ñäädä cönaatadoojoi aaduwaawoto caju de’cäi tödööene. ¿Aaquene ca cöntännö jääcä, yä’jödöödä jeiñe mma’da ca’dö jääcä, yäänetöödö ai jeiñe mma? Wanaadi mma dhowaanäcä na yääje yeichö.


Yääje yeijäcä jimmä shooma’como, änwanno Wanaadi sotoije a’dejja’como, Jesuuquidiito jäcä ätö’tajä’täcä, ñäädä Anontaajä, cöjääcäinchädäiñe Wanaadi wwä töwa’deuwemö, ñäädä queecanö’atoodö.


yäätonno shaadijanga’jäcä, chö’tajäätödö sha’duminchajoojai’cha caato yaawä chäwwä, awa’deene cönsa’duminchaichöje mmaja, dhai mmaja Wanaadi nnedö cuduusa jäcä ajoijaajä töwwä, töquimmajä’e mma Jesuuquidiito wääma’jödö chimmajä’ajä mmaja.


Owaanäcä’da na ñäädä Mequiisedeeque umö, yeenö mmaja; yä’jimmä’tädö owaanäcä’da mmaja. Yennu’jödö owaanäcä’da mmaja na dea, yääma’jödö mmaja. Yääje yeijäcä Wanaadi nnedö cu’tädööje täcammajä’emööje na, yeichöödäjaato Wanaadi wwono wa’deuwödööje yeichö.


Töwaacö’je tömaaminchaamöje na ñäädä Wanaadi nnedö chiiñeme’nei, dhaquiiyö chimmanei mmaja, Epíiditu Santo jäcä conemjönö wa’deuwödö mmaja, ñäädä tujummanei, Wanaadi dö’sennoto we’ajä. Yää Jesuuquidiito aquiiyö cösoomaneichomooje na, chäänönge Wanaadi necamma’jödö weichö cu’tädööje mmaja.


Töwö Jesuuquidiito caju ña cöntämä; yäätä na eduuwa Wanaadi jäcä ämu’demjönö dö’se. Töwö na tameedä Wanaadi amoodedö e’jodheiñe, cajiichaanacoomo e’jodheiñe mmaja, jäduuja’como e’jodheiñe mmaja.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ