EEWEDEO 2:9 - Wanaadi A'deddu

⁹ Jesuuquidiito o’jodhe yeichö mmaane queeneaato, ñäädä a’dhe amoode o’näiñe cönä’ja’nei. Töwö Jesuuquidiito cönäämai tameedä cöjääcäinchädäiñe, aashicha Wanaadi weichö woije. Eduuwa töwö na o’jodhaatoje, aashicha wa’deutojooje mmaja, töwäntunamjö’jödö weijäcä töwäämadaawä.

EEWEDEO 2:9 ပူးပေါင်းရင်းမြစ်များ

MATEO 16:28

Chäänönge yääje wä’döa äwwäiñe, dhantai eetä maatoodö äwäämadööcomo owaajo meneeato’de Soto nnedö cajiichaanaje yäänejoodö; quee cönä’döaacä Jesuuquidiito.

MATEO 6:28

“ ¿Ane’cotoojo owoomöcoomo ejoodödö tönencano’tä määnetääne? Chääjödö woi awoono naadö naane’; töwö töwa’ta, etaadawa’cajo’da töweichaame, wadeecu ane’joi’cha töweichaame mmaja.

MAADOCO 9:1

Edääje mmaja Jesuuquidiito cönä’döa’dea chäwwäiñe: —Chäänönge yääje wä’döa äwwäiñe, dhantai eetä maatoodö äwäämadööcomo owaajo meneeato’de töjäädudu que Wanaadi cajiichaanaje yäänejoodö; quee cönä’döaacä Jesuuquidiito.

DUUCA 9:27

Chäänönge yääje wä’döa äwwäiñe, dhantai eetä maatoodö äwäämadööcomo owaajo meneeato’de Wanaadi Cajiichaanaje yäänejoodö; quee cönä’döaacä Jesuuquidiito.

JUAN 1:29

Yää jenamma naadöje Juan cöneeneaacä Jesuuquidiito töwwadäädä yeejödö. Töwö Juan cönä’döaacä yaawä: —Eneetäcä, määdhä ñäädä Oweeja nnedö’cä nöngato, Wanaadi nanontädö, tameedä soto cone’nadiiyöcoomo coccanei.

JUAN 10:17

“Jaaja jummatä weneene weichö tunu’e weijäcä, nudä weichö wetä mmaja yaawä yää ’jeje.

JUAN 12:32

Öwö edä nono jonno waatannä’ja’jäcä tameedä soto wene’aato’de öwwadäädä; quee cönä’döaacä Jesuuquidiito.

JUAN 3:16

“Wanaadi tameedä soto cumjumma’to jooje, chääjäcäinchädäiñe Tönnedö yäätonno ’jemjönö tu’ene’jödöödä. Iiñedö ecaanö’nei ännamjö’da na’de, yeichö töwaatamemjönö töweiye na.

JUAN 8:51

Chäänönge yääje wä’döa äwwäiñe, ñäädä ya’deddu woije tödöönei ääma’da na’de; quee cönä’döaacä Jesuuquidiito.

JUAN 8:52

Yaawä ñanno judhíocoomo cönä’döa’to chäwwä: —Eduuwa ñaa owaanäcä na odo’sha ’je aweichö. Aawadán töwääma na, tameedä Wanaadi wa’deuwödö ecammannamo’jödö mmaja; yääje yeichaame yääje mä’döaanä: “Ya’deddu woije tödöönei ääma’da na’de;” quee.

DOSECHO 2:33

Töwö Jesuuquidiito caju ña cönaatannä’joi yaawä; Wanaadi nnäcä na eduuwa, ämu’demjönö dö’se. Yuumö cuntui chäwwä Epíiditu Santo, ñäädä töneecamma’jödö dea. Tameedä mädä mene’maatoodö, metaatoodö mmaja, Jesuuquidiito nutuudu woije na.

DOSECHO 3:13

Wanaadiiñe mädä nödöi, ñäädä cadai’choncomo Aawadán Wanaadiyö, Isaaca Wanaadiyö dea, Jacoowo Wanaadiyö dea. Töwö Wanaadi aashicha Tönnedö weichö neneejoi äwwäiñe, ñäädä Jesuuquidiito, mu’täneedö. Yaawä u’ca’se Pidaato weichaame änwanno u’cajo’se’da mä’ja’quene.

DOMAANO 5:18

Mädääje na; Adhán cone’nadiiyö woijatooje tameedä soto töwännanö’aamoje cönä’döicho. Jesuuquidiito nödöödö aashichaato jäcäinchädä daja ’quene tameedä soto Wanaadi jadoonoje ä’döjai ñaato eduuwa.

DOMAANO 5:8

Quidiito mmaane cöjääcäinchädäiñe cönäämai conemjönö dönnamooje cöwei’jocoomo weichaame. Mädääje Wanaadi cöneenejoi töwwä tujunne cöweichöcoomo.

DOMAANO 8:3

Yääje cödööjaiñe’da cönä’jaacä waanontänä, yää Moisé nimennä’jödö, cujuunucoomo nijummadö tämu’däneije yeijäcä. Wanaadi mmaane yääje cödöötäne Tönnedö anontädö que. Töwö Tönnedö cönaanontäi sadä. Ñäädä Iiñedö cönä’jaacä sotooje, cönwanno cönöngeiñe, conemjönö tödööjaicho mmaja. Töwö saaquidiijiisiyooje cönäämai yaawä, conemjönö coccatoojoje. Mädääje Wanaadi conemjönö cöne’jodheinchai Jesuuquidiito ai, ñäädä sotooje cönä’ja’dö ai.

DOMAANO 8:32

Wanaadi cöwwäiñe Tönnedö jadä’jödöödä aneewontä’da cöneiyacä; tu’eene cuntui cöjääcäinchädäiñe töwäämaamöje. ¿Aaquene mmaja tameedä anejja cöwwäiñe äntu’da eijai ñai Tönnedöödä cuntuiñe’ ?

2 CODINTIYO 5:15

Quidiito cönäämai tameedä soto jäcäinchädäiñe ñanno nudä naatoodö töwwoncomooje mma’da nudä yeichöcoomo wetä yaawä, ñäädä töjääcäinchädäiñe cönäämaichö wwonoojeene, töjääcäinchädäiñe cönaadoncaichö mmaja.

2 CODINTIYO 5:21

Quidiito conemjönö ännö’da cöneiyacä; yääje yeichaame cöjääcäinchädäiñe Wanaadi Jesuuquidiito cönnöi conemjönö nönge, töwö Quidiito jadä cöwä’dödööcomo que Wanaadi weichö aashichaato cöwwäiñe töweiye yeichö wetä yaawä.

CAADATA 4:4

Yaawä chu’nädö aca yä’döa’jäcä Wanaadi Tönnedö cönaanontäi; wodi ai cönennui. Töwö cönä’jaacä judhíoje, jenaado’ja waanontänä woije.

1 TIIMOTEO 2:6

Töwö Jesuuquidiito cönä’tui töwäämadö wetä, tameedä soto wääwanaacato’como ejeemadö wetä. Yää cönäätäcammai ecammatoojo cu’nädö awä.

EEWEDEO 1:9

Chäänönge weiñä awaacö’je na; chäänönge’da weiñä mmaane awaacö’je’da. Yääje yeijäcä Wanaadi, ñäädä Awaanadiiyöje naadö, ajimmä e’jodhe’cä adha’cwaniiyö cuntui; quee Wanaadi nä’döa Tönnedö jäcä.

EEWEDEO 10:5

Yääje yeijäcä edä nonoodö de’cäi töweejödaawä edääje Jesuuquidiito cönä’döaacä Wanaadi wwä: Amäädä saaquidiijiisiyo ämjumma’da ma, odoocojaato amiiñä’caajä utuudu ämjumma’da mmaja. Yääje yeijäcä yeejö mamoode’näne.

EEWEDEO 11:5

Ecamjödö que mmaja ääma’da Enooco cönaatadoojoi anejja töweichojo ña; a’que soto cunuujicho yaawä Wanaadi wwä adä’jödö weijäcä. Wanaadi a’deddu imennaajä chääcadö necamma töwaatadoojodö jonaane Wanaadi a’cwaima’jödö chäwwä.

EEWEDEO 12:2

Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.

EEWEDEO 2:7

A’dhe mma soto mödööne amoode o’näiñe. Aashicha wa’deutojooje mödööne; o’jodhe yeichojo mu’ne dea. Amäädä mödööne tameedä anaamode’nädö edhaajäje.

EEWEDEO 7:25

Yääje yeijäcä töwö yeichöödäje ewaanacaajai ñaato ñanno töjoinchomo Wanaadi wwadäädoncomo wötäädö, yeichöödäje nudä töweijäcä; chääjäcäinchädäiñe töwö töwa’deuwe weneene Wanaadi wwä.

EEWEDEO 8:3

Ñäädä Wanaadi wwono wa’deuwödö ewaacadö nai Wanaadi wwä u’ajä ecammaneije, saaquidiijiisiyo tödööneije mmaja. Yääje yeijäcä Jesuuquidiito wwä töweiye mmaja eijai ña dea tu’emö.

1 PEEDHODO 1:21

Jesuuquidiito ni’wa’tädö que Wanaadi mecaanö’ato, ñäädä yäämaajo jonno Jesuuquidiito adoncanei’jödö, chäwwä aashichaato u’nei’jödö mmaja. Yääje yeijäcä Wanaadi mecaanö’ato, miyoomo’cato dea.

1 JUAN 2:2

Töwö Jesuuquidiito na saaquidiijiisiyooje, cöcoone’nadiiyöcoomo choccatoojoje; cönwanno cöcoone’nadiiyöcoomo choccatoojo mmajöönö, tameedä edä nono de’woncomo cone’nadiiyöcoomo mmajaane.

APOOCADIISI 19:12

Chäänudu cönä’jaacä wa’to nönge. Iju’jä de’wä cönä’jaacä jooje canaanadi. Chäätö imennaajä cönä’jaacä anejja dhowaanojöönö; töwö mmaane dhowaanäcä na.

APOOCADIISI 5:9

Edääje cöneecanta’ña’to; eduuwaato wecanta’ñotoojo jäcä: Ñäädä mma amäädä aashichaato, jajeeda eijaicho, ajoijo’jödö ajämjacaajaicho mmaja. Mädä tödööjai ma äwääma’jödö weijäcä, adhaaquiyö que Wanaadi sotoije ñaa ejeema’jödö weijäcä mmaja, tameedä soto weichöcoomo wa’cä, tameedä aata’deucwemjöncomo’jödö, tameedä jata weichö waadoinchomo’jödö, tameedä nono weichö de’woncomo’jödö.