EEWEDEO 2:4 - Wanaadi A'deddu

⁴ Wanaadi mmaja chäänönge yää wätunnä weichö cöneenejoi ene’ju’tojo tödööjodö que, täneemö tödööjodö que mmaja, jooje aashichaato tödööjodö que mmaja, aneejejaiñene’jödöödä Epíiditu Santo utuudu que mmaja, tumjummadö woije.

EEWEDEO 2:4 ပူးပေါင်းရင်းမြစ်များ

MAADOCO 16:20

Ñanno ñoowanoomadö cöntonto yaawä, tameedä yeichö wa’cä aashichaato wätunnä cöneecammajäätöicho. Cädhaajotoncomo Jesuuquidiito dea töni’wa’täiñe cönä’jaacä. Ta’deddu töneene’ju’jo töweiye cönä’jaacä täneemö aashichaato que. Amén.

MAADOCO 6:14

Yääje mma yaawä cajiichaana Edoodhe cöneetaacä Jesuuquidiito ecaadö, tameedä yeichö wa’cä tacaade yä’dö’jödö weijäcä. Töwö Edoodhe cönä’döaacä: —Juan Wautiita ñäädä, töwäämaajo jonno yaadoncaajä. Yääje yeijäcä jooje täneemö tönnöe weneene; quee cönä’döaacä.

JUAN 15:26

“Ä’wa’täneichomo we’a’jäcä, ñäädä äwwadäädäiñe wanonta’dedö, töwö aashicha necammajä’a’de öwö jääcä. Jaaja nanontädö ñäädä Epíiditu Santo, chäänöngato a’deu edhaajä.

JUAN 4:48

Jesuuquidiito cönä’döaacä chäwwä: —Ene’ju’tojo mmaja, aashichaato mmaja, aneene’da aweiya’comjäcä ecaanö’jai’cha maato; quee.

DOSECHO 14:3

Yääje yeijäcä yäätä Paudo cönä’ja’to numa. Cajiichaana ecaanö’ancädä jäduuje töneecammajä’e cönä’ja’to aashicha Wanaadi weichö jäcä. Cajiichaana chäänönge ñeecammajäätödö weichö töneenejo cönä’jaacä ene’ju’tojo tödööjodö que chäwwäiñe, aashichaato tödööjodö que mmaja.

DOSECHO 4:10

Yääje yeijäcä aneetadööcomooje ñaa necammajä’a, tameedä iisadaaediitacoomo dhowaanäcäiñe yeichö wetä Jesuuquidiito Naasade ñano eetö joi määdhä mene’maatoodö waadonca’jödö yeichö. Ñäädä dea Jesuuquidiito änwanno majoijotääne cuduusa jäcä. Wanaadi cönaadoncai yaawä yäämaajo jonno.

DOSECHO 5:32

Mädä jäcä ecammajä’neije ñaa na, Epíiditu Santo mmaja. Wanaadi Epíiditu Santo tunu’e weneene tameedä töwoije tödöönei wwä; quee Peedhodo cönä’döa’to äcamma’jonnamo wwä.

EUJEESIYO 1:5

Cujummatäiñe töweijäcä jenaadä töwö Wanaadi Jesuuquidiito jäcäinchädä tönnacoomoje töweiyaamoje cä’tätääne; yääje cödööto’como töwö cöntö’tammecöi tumjummadö woije.

EUJEESIYO 1:9

Töwö cöwwäiñe cöneenejoi chea töwwä töntö’tammecö’jödö tödöötojo, yää owaanojöönö’jödö, tumjummadö woije cöntö’tammecöichö.

EUJEESIYO 4:7

Cöwaadäiñe cönä’tui cöweicho’como, Quidiito nutuudu woije.

EEWEDEO 6:4

Chaanongato que soto wä’weijäja’jäcä, Wanaadi nutuudu oneeja’jäcä mmaja chäwwä, Epíiditu Santo ’je yä’döa’jäcä mmaja,