EEWEDEO 2:14 - Wanaadi A'deddu

¹⁴ Ñanno “önnacoomo” quee naadö, soto ecammancädäiñe yääje nä’döa. Yääje yeijäcä Jesuuquidiito sotooje cönä’döi, töwäämadö que wäämanä edhaajä e’jodheinchadö wetä yaawä, ñäädä odo’shaje naanei.

EEWEDEO 2:14 ပူးပေါင်းရင်းမြစ်များ

MATEO 16:17

Jesuuquidiito cönä’döaacä chäwwä: —Ta’cwaiñe eijai ma amäädä Simón, Joná nnedö. Sotoojönööne mädääje odhoowanoomane, Jaaja caju ñanoone.

MATEO 25:41

“Yaawä töwö Cajiichaana nä’döa’de ämu’dato dö’sencomo wwä: “Ojoncomo jonno änwanno töwännanö’aamö; wa’to töwaatamemjönö aca ojoncomo, yää odo’shancomo weicho’comooje choonecaajä naadö.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 12:24

Chäänönge yääje wä’döa äwwäiñe, äiña adöödö ñaatö’taajä e’mo’da yeiya’jäcä a’tajai’cha na yaawä. Dha’da ye’moa’jäcä yaawääne a’tajai ña; jooje chääjedöödö töweiye na yaawä.

DOMAANO 14:9

Quidiito cönäämai, cönaadoncai chea yää ’jeje, tameedä Cädhaajotoncomooje töweichö wetä, nudo’como Edhaajotoncomooje, yä’ja’a’como Edhaajotoncomooje mmaja.

DOMAANO 8:3

Yääje cödööjaiñe’da cönä’jaacä waanontänä, yää Moisé nimennä’jödö, cujuunucoomo nijummadö tämu’däneije yeijäcä. Wanaadi mmaane yääje cödöötäne Tönnedö anontädö que. Töwö Tönnedö cönaanontäi sadä. Ñäädä Iiñedö cönä’jaacä sotooje, cönwanno cönöngeiñe, conemjönö tödööjaicho mmaja. Töwö saaquidiijiisiyooje cönäämai yaawä, conemjönö coccatoojoje. Mädääje Wanaadi conemjönö cöne’jodheinchai Jesuuquidiito ai, ñäädä sotooje cönä’ja’dö ai.

1 CODINTIYO 1:28

Töwö Wanaadi cönei chea edä nono de’wono täneejuquemjönö, chiiñeme’cajä mmaja, wacööjönö mmaja, ijoqque’da tödöödö wetä yaawä ñäädä edä nono de’wono täneejucaato.

1 CODINTIYO 15:50

Edääje wä’döa äwwäiñe jimma: Mädä cäjööcomo naadö caju ña täjai’cha na, yää töwaatameemö tönnödööje tödööjai’cha yeijäcä yeichöödoto.

CAADATA 4:4

Yaawä chu’nädö aca yä’döa’jäcä Wanaadi Tönnedö cönaanontäi; wodi ai cönennui. Töwö cönä’jaacä judhíoje, jenaado’ja waanontänä woije.

CODOOSENSE 2:15

Cuduusa jäcä töwäämadö que Quidiito cömjäduucaicho tameedä jäduuja’como, cajiichaanacoomo mmaja, ñanno odo’shancomo. Tameedä täneemöje töwö cöne’jodheinchaicho.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

2 TIIMOTEO 1:10

Eduuwaane töwö cujummatäiñe töweichö cöneenejoi Cäwaanacaaneichomo Jesuuquidiito wäänejoodö que. Töwö Jesuuquidiito wäämanä cömjäduucai; aashichaato wätunnä ecammajäätödö que töwö cöncatu’nacaajoi töwä’camjönö weiñä, yää yeichöödoto.

EEWEDEO 10:10

Töwö Jesuuquidiito Wanaadi woije saaquidiijiisiyooje cönä’tui, tooniye mma yeichöödäje töweiyemööje. Yää saaquidiijiisiyo tödöödö jäcäinchädä Wanaadi cösoomatääne.

EEWEDEO 10:5

Yääje yeijäcä edä nonoodö de’cäi töweejödaawä edääje Jesuuquidiito cönä’döaacä Wanaadi wwä: Amäädä saaquidiijiisiyo ämjumma’da ma, odoocojaato amiiñä’caajä utuudu ämjumma’da mmaja. Yääje yeijäcä yeejö mamoode’näne.

EEWEDEO 2:17

Yääje yeijäcä Jesuuquidiito tameedä töweichö jäcä töjimmä nöngeiñe mmaja töwä’döeemöje cönä’jaacä, wentumje äneetä töweichö wetä yaawä soto jäcäinchädäiñe Wanaadi wwono wa’deuwödööje töwääwaaca’jäcä, chäänönge Wanaadi owaadäädä töweichö wetä mmaja, sotoocomo cone’nadiyöcoomo choccadö wetä yaawä saaquidiijiisiyooje töwä’tudu que.

EEWEDEO 2:18

Töwö töwäntunamjö’jödö weijäcä, töwä’yunaacajo’jödö weijäcä mmaja, i’wa’täjai ñaato eduuwa ñanno töwä’yunaacaja’como.

EEWEDEO 4:15

Ñäädä Jesuuquidiito, Tumö wwä cöjääcäinchädäiñe töwa’deuwemööje naadö, wentumje cäneetäiñe’da’da weneene jäduuje’da cöweichawäiñe, töwö töwä’yunaacajo’jödö weijäcä mmaja tameedä conemjönö jäcä, cönwanno cäänetäänedööje mmaja; yaawääne’, conemjönö ännö’daane’ töwö cöneiyacä.

EEWEDEO 9:15

Yääje yeijäcä töwö Jesuuquidiito na eduuwaato weiñä ecammaajä tödööneije. Quidiito wääma’jödö weijäcä töweiye na eduuwa conemjönö choccatoojo, yää awa’deeto’jä weiñä cönä’ja’dawä soto cönnöichodö choccatoojoje. Yääje yeijäcä ñanno Wanaadi na’dejjadö wwäiñe ä’tujai ña yää töwaatamemjönö tu’emö, chäwwäiñe Wanaadi cöneecammaichö dea.

1 PEEDHODO 1:20

Edä nono tödöödö owaajodä mädääje töweiyemööje Quidiito cönäätä’täjoichö’je; yaawääne’ eduuwa jeene cönäänejoi, anooto ataamejai yä’döa’jäcä jeene, änwanno äjääcäinchädäiñe.

APOOCADIISI 1:18

Öwö ñäädä nudooto; wääma’jödö weichaame nudä wa eduuwa yeichöödäje. Wäämanä edhaajä öwö dea, yä’ja’a’como weicho’como edhaajä mmaja.

APOOCADIISI 12:9

Caju ñanno cönootonno’jajoi yaawä caimaana, ñäädä äcääyu, jenaadä cönä’ja’dö, odo’sha täätö, Caajuushawa täätö mmaja, nono de’woncomo encu’täneichomo. Töwö nono de’cäi cönootonno’jajoi tamoodedö jadäiñe.

APOOCADIISI 2:10

Määcatoncai äwäntunaanö’tojo jäcä. Dhantai odo’sha adheewaacajaato’de jedeeso ewöötö taca, odhoonejaadöcoomo wetä; amoojadä anooto yeetunu meneea’de. Chäänönge eichä’de äwäämadö jonaane; yaawä äwwä wu’a’de weichojo canaanadi.

APOOCADIISI 20:2

Ñäädä amoode caimaana cönaajäi, ñäädä äcääyu, jenaadä cönä’ja’dö, odö’sha täätö, Caajuushawa täätö mmaja. Cöni’wadö’täi yaawä 1,000 weduuto ’cäwa’cä.