EEWEDEO 13:7 - Wanaadi A'deddu

⁷ Adhe’se’tännamo’jödö ijummatääcä, ñanno äwwäiñe Wanaadi a’deddu cöneecammajäätöichodö. Iiñö’jocoomo jäcä ätö’tatääcä; ñeecamjödööcomo nönge mmaja ecaanö’täcä änwanno.

EEWEDEO 13:7 ပူးပေါင်းရင်းမြစ်များ

MATEO 24:45

“ ¿Änääcö adhantawäiñe töseedujä’ne nai, tädhaajä anoonöje chäänönge töweiyemö, chu’nädö awä tädhaajä sotoi ewanshinchäneichomooje töweichö wetä?

DUUCA 12:42

Töwö Cädhaajotoncomo cönä’döaacä yaawä: —¿Änääcö adhantawäiñe töseedujä’ne nai, tädhaajä anoonöje chäänönge töweiyemö, chu’nädö awä tädhaajä sotoi ewanshinchäneichomooje töweichö wetä?

DUUCA 5:1

Jeneesade cu’jäi jawä Jesuuquidiito weichö, jooje soto cönä’döicho yöiña, Wanaadi a’deddu eta’se töweijäcäiñe. Tönwanno Jesuuquidiito cönanwacö’ja’to, yeichojo ’je’da tödööene.

DUUCA 8:11

“Edääje töwä’dö’se yeichö mädä yö’seeno. Dhadöödö yää Wanaadi a’deddu.

DOSECHO 13:46

Yaawä Paudo, Waanawé mmaja, tösaade’da cöna’deuwöicho; cönä’döa’to: —Wanaadi a’deddu täcammajä’emje cönä’jaacä äwwäiñe awa’de, änwanno judhíocoomo, töwäädä eta’se’da maatoone’; ämjumma’da maato töwaatamemjönö aweicho’como. Yääje yeijäcä judhíojöncomo wwä ñaa necammajä’ta eduuwa.

DOSECHO 14:23

Tönwanno ansiyaano cöneewaacaicho quedeiyente jataadöcoomo waadäi. Yaawä Wanaadi wwä töwa’deuwö’jejeiñe, töwäänema’jejeiñe mmaja, Cajiichaana Jesuuquidiito wwä cöneedai’chäja’to, ñäädä ñeecamjödööcomo.

DOSECHO 4:31

Yää ’jeje töwa’deuwödööcomo jäcä töwä’ca’comjäcä conäätu’mei yaawä ye’jumma’como dö’tä. Tameedä tönwanno Epíiditu Santo jäduudu ’je cönä’döicho; tösaade’da Wanaadi a’deddu cöneecammajä’a’to.

DOMAANO 10:17

Mädääje na; ecamjödö töweiye nai ecammajäätödö etaadö que; yää tätaajä’emö yää Quidiito wätunnäi.

1 CODINTIYO 10:13

Yää wä’yunaacanä ojoonaiñe töwe’e weneenedö tameedä soto noneejaatöcoomo dea yää. Chäänöngato ñäädä Wanaadi, töwö ayuunacaajotäiñe’da na adhe’jodheena’como que. Äwä’yunaacajoodöcoomo waadäi töwö Wanaadi nu’a äwwäiñe e’jodheinchatoojo, yää shinchädö wetä äwwäiñe.

1 CODINTIYO 11:1

Yääje yeijäcä öwö nönge mmaja eichäcä, Jesuuquidiito nönge wääneneedöje mmaja.

1 CODINTIYO 4:16

Yääje yeijäcä edääje mänwätuujaato: Öwö nönge mmaja eichäcä.

JIDIIPENSE 3:17

Jimmä, öwö nönge mmaja eichäcä. Ñannoone ene’matääcä, adhantawäiñe ñaa töweiye cönä’ja’dö nönga’como deaane.

1 TEESADOONISENSE 1:6

Änwanno mä’dötääne ñaa cu’jä’nenaamoje, Cädhaajotoncomo Jesuuquidiito cu’jä’nenaamoje mmaja. Änwanno adha’cwaniiyöcoomo Epíiditu Santo nutuudu que aashicha metaatäne Wanaadi a’deddu, ijo’tädööje jooje äwäntunaanö’taameiñe.

1 TEESADOONISENSE 2:13

Ñaa wwä Wanaadi a’deddu ecammajäätödö eta’jäcä äwwäiñe soto wätunnäije ane’tä’da mä’ja’quene; Wanaadi a’deddujeene me’tätääne. Chäänönge me’tätääne, Wanaadi a’dedduune yeiyajä. Yää, Wanaadi a’deddu, aashicha ayöödöaato, änwanno ecaanö’nnamo. Yääje yeijäcä yeichöje aashicha töwa’deuwe ñaa weneene Wanaadi wwä.

2 TEESADOONISENSE 3:7

Änwanno odhoowanääcäiñe na äwwäiñe tödööemö, ñaa nönge mmaja aweichöcoomo wetä. Ajaadäiñe töweichö etaadawa’cajo’da’da ñaa töweiye cönä’jaacä,

2 TEESADOONISENSE 3:9

Sa’donna äwwäiñe aateme’jai ñaa wei’jödö weichaame, ñaa dea töweetadaawa’cajo ñaa cönä’jaacä, ñaa eneedö’jo ñaa nönge mmaja aweichöcoomo wetä.

1 TIIMOTEO 3:5

Töjaadoncomo anontädö dhowaanäcä’da yeiya’jäcä, ¿aaquene mmaja Wanaadi sotoi aneedai’chädööto deeade’?

EEWEDEO 13:17

Adhe’se’tännamo waanontädööcomo tödöötäcä; yoijeiñe eichäcä, aweichöcoomo edai’chännamooje yeichomjäcä. Äcuude tönwanno Wanaadi wwä nätääcamma’jajaato’de adheedai’cho’jocoomo jäcä. Aashicha eichäcä, ta’cwaiñe tötaadawaajuichomo tödöiyeto, taquiiñuque’daane. Äwwäiñe aquiñu’taja’jäcä aashicha aweicho’como ’je’da eijai ña.

EEWEDEO 13:24

Ya’deujödö ecammatääcä tameedä adhe’se’tännamo wwäiñe, tameedä anejjacoomo quedeiyente wwäiñe mmaja. Itaadiya ñancomo ta’deujocoomo nadääjaato äwwadäädäiñe.

EEWEDEO 6:12

Töquiiñe aweichonse’da ñaa na. Ñanno wei’yejeiñeene aweichonse ñaa na, ecamjödö que mmaja, aaquiñu’tä’da töweichöcoomo que mmaja Wanaadi necamma’jödö ejoodönnamo wei’yejeiñeene.

1 PEEDHODO 4:11

Ñäädä ecammajä’nei, Wanaadi a’deddu ecammajäätödö töweiye naichöje necammajäätö’ñojo. Ñäädä anejja wwä tödööjä’nei, töjäädudu Wanaadi nutuudu que nödö’ñojo. Mädääje tameedä ännödööcomo que aashicha Wanaadi weichö tacaade eijai ña, Jesuuquidiito joi. Ñäädä Jesuuquidiito yeichöje aashicha wa’deutojooje na, tameedä cajiichaanaje mmaja. Amén.

APOOCADIISI 1:9

Öwö Juan, ajimmotoncomo dea, Jesuuquidiito jäcäinchädä yeetunu eneenei mmaja, Wanaadi sotoi mmaja, äshinchädööcomo nönge aashicha shinchänei mmaja. Öwö wä’jaaquene Paatamo antadö de’wä, Wanaadi a’deddu jo’tädööje yenno’jaajä, Jesuuquidiito jäcä ecammajäätödö e’nei.

APOOCADIISI 20:4

Yaawä weneeaqueene wanna mude, ye’woncomo wataajimaadö mmaja. Chäwwäiñe u’ajä cönä’jaacä soto emmencato’como. Weneeaquento dea ñanno Jesuuquidiito a’deddu ecammajäätödö jo’tädööja’como ijöncä’jä’a’como’jödö ecaatocoomo, ñanno Wanaadi a’deddu jo’tädööja’como wä’jajo’jocoomo, ñanno odoocojaato änwa’deme’jöncomo’jödö, chu’taajä mmaja. Ñanno dea cönä’ja’to odoocojaato wwä töjaawäiñe ä’madaaca’ñäjoojöncomo’jödö, tamäädöcoomo jäcä mmaja. Ñanno waadoncadööcomo weneeaqueene. Cajiichaanaje naato’de 1,000 wedu Quidiito jadä.

APOOCADIISI 6:9

Yaawä ijaatoodeaato ajoijo’jödö ajämjaca’jäcä Oweeja nnedö’cä wwä, saaquidiijiisiyo tödöötojo o’nä weneeaquento ñanno Wanaadi a’deddu jo’tädööja’como wä’jajo’jocoomo ecaatocoomo, ñanno dha’deddu ecammajäätödö ane’nomjajöncomo ecaatocoomo.