EEWEDEO 13:12 - Wanaadi A'deddu

¹² Mädääje mmaja Jesuuquidiito cönäämai, jata tö’cäi, soto coneecadööcomo wetä taquiiyöque.

EEWEDEO 13:12 ပူးပေါင်းရင်းမြစ်များ

1 CODINTIYO 6:11

Mädääje mä’ja’quene änwanno dhantai, töwäädä adheecoccajootäneene’. Eduuwa Wanaadi wwonooje tösooma maato; Epíiditu Santo ai töwö Wanaadi töjaadonooje ayöödötääne Cajiichaana Jesuuquidiito joi.

DOSECHO 7:58

Jata tö’cäi cönaadoicho yaawä; yäätä täju que cönwäjäätöicho. Ñanno töwännamo’jödö, enennamooje cönä’ja’todö, töwoomöcoomo de’wono cöneedai’chäja’to ääjömaanö wwä, Saudoje töwö chäätö.

EUJEESIYO 5:26

Töwö Quidiito cönä’tui quedeiyentecoomo shoomadööcomo wetä, tuna que choccadööcomo que, ta’deddu que choccadööcomo que mmaja.

EEWEDEO 10:29

Töwaacö’je tömaaminchaamöje na ñäädä Wanaadi nnedö chiiñeme’nei, dhaquiiyö chimmanei mmaja, Epíiditu Santo jäcä conemjönö wa’deuwödö mmaja, ñäädä tujummanei, Wanaadi dö’sennoto we’ajä. Yää Jesuuquidiito aquiiyö cösoomaneichomooje na, chäänönge Wanaadi necamma’jödö weichö cu’tädööje mmaja.

JUAN 17:19

Tönwanno chääjäcäinchädäiñe chäänönge wa, tönwanno mmaja chäänönge eiyetoode a’deu chäänöngato que.

EEWEDEO 2:11

Ñanno shooma’como, shoomaneichomo’jödö mmaja, ñäädä dea Yuumötoncomooje na. Yääje yeijäcä töwö Jesuuquidiito, ñäädä Wanaadi nnedö, ijöichöje’da na töjimmäje ñanno e’tädööcomo.

JUAN 19:34

Tooni suddau sucuuji che cönwäi shuudadö ai. Munu cöneeja’cai yaawä, tuna mmaja.

DUUCA 4:29

Cönaanömjätöicho yaawä; Jesuuquidiito cönaadoicho jata tö’cäi, jöö wä’jedennacaadö döiña, yää ye’wä jata cönä’ja’dö. Yäätonno adiima’se cönä’ja’to jöö daca,

EEWEDEO 10:10

Töwö Jesuuquidiito Wanaadi woije saaquidiijiisiyooje cönä’tui, tooniye mma yeichöödäje töweiyemööje. Yää saaquidiijiisiyo tödöödö jäcäinchädä Wanaadi cösoomatääne.

APOOCADIISI 14:20

Yää chääjedöödö cöneccucaicho yaawä jata tö’wä. Eccucaatojo o’cäcä munu cöneeja’caacä jooje. Yää munu cuncunnäjöi yaawä cawaayu suda’wajai. Jö’wacaadä munuuje cönääneaacä yaawä amoinche; amoojadä anooto wötäänä ’cäwa’cä cönä’jaacä amoinche yeichö.