EEWEDEO 11:4 - Wanaadi A'deddu

⁴ Ecamjödö que mmaja Aweede Wanaadi wwonooje saaquidiijiisiyo cönnöi, Caín cönnöichö e’jodhe’cä. Yää jäcäinchädä Wanaadi töjaadonooje Aweede cönnöi yaawä. Inchudu’jödö mmaja aashicha Wanaadi cöne’täi chea. Töwö Aweede töwääma yeichaame tacaade dea na, ecamjö’jödö weijäcä chäwwä.

EEWEDEO 11:4 ပူးပေါင်းရင်းမြစ်များ

MATEO 23:35

Yääje yeijäcä änwanno mätä’maminchajaato’de tameedä aashicha’como töjaajo’jocoomo jo’tadööje, Aweede jonno Saacadía jona tödööene, ñäädä Weedequía nne’jödö. Aweede cönä’jaacä dhanwa aashichaato, conemjönö ännöjöönö. Saacadía mmaja memaatäne dea Wanaadi weichojo taca, saaquidiijiisiyo dötoojo ncadheedä.

DUUCA 11:51

Aweede ema’jödö jonnoto’jödöödä Saacadía ema’jödö jona tödööene, ñäädä saaquidiijiisiyo dötoojo ncadheedä cöneemaichodö Wanaadi weichojo tawä. Chäänönge yääje wä’döa, canno soto eduuwa naatoodö nätä’maminchajaato’de tameedä yää jo’tädööje.

TIITO 1:16

Tönwanno Wanaadi ecaanö’nnamooje yäätä’tädööcomo; iiñödööcomo que mmaane täne’ju’dhe naato yeeshi’jodööcomooje yeichö. Töweecone’ma naato, töwäätuujacoone’da mmaja; she’caasa aashichaato tödööjai’cha mmädä naato.

EEWEDEO 11:2

Töneecanö’e yeichöcoomo jäcäinchädä ñanno jenaado’jocoomo aashicha täcaadöcoomo cöneetajoicho.

EEWEDEO 12:1

Mädääje na; jooje naato ñanno ecamjödö ’ja’como wäänejoodö cöwwäiñe. Yääje yeijäcä cummichaatäiye tameedä cämu’däneichomooje naadö, conemjönö cashiichuudäneichomooje naadö mmaja. Chincha’da cöweiyancädäiñe cöötätäiye cäämadööcomo tai.

EEWEDEO 12:24

Jesuuquidiito wwadäädä mmaja, ñäädä eduuwaato weiñä ecammaajä chäänönge tödöönei. Dhaquiiyö encu’shiimaajä wwadäädä mmaja me’täne dea, Aweede saaquidiijiisiyoi’chädö aquiiyö e’jodhaato.

EEWEDEO 5:1

Edääje Wanaadi wwono wa’deuwödööje weiñä töweiye nai: Ñäädä soto, Wanaadi wwono wa’deuwödööje e’taajä, netaadawa’caja soto jäcäinchädäiñe Wanaadi wwä töwa’deuwemööje. Täjemjönö u’ajä Wanaadi wwä ecammaneije töwö töweiye nai, saaquidiijiisiyo tödööneije mmaja, soto cone’nadiiyöcoomo choccajootojooje.

EEWEDEO 9:22

Jenaado’jä waanontänä imennaajä wä’dödö woije munu que amoichadö töweiye cönä’jaacä. Munu we’comoodö ’je’da yeiya’jäcä conemjönö choccatoojo ’je’da na yaawä.

2 PEEDHODO 2:8

Anooto waadäi ñäädä dhanwa chäänöngato cone’da töwä’döjo cönä’jaacä täwaanö jäcä, conemjönö iiñödööcomo töneene’jödö jäcä, töneeta’jödö jäcä mmaja, chaajadäiñe töweichö.

JUUDHA 1:11

Tönwanno tömaaminchaamoje naato, Caín wei’jödö nönge mmaja yeichomjäcä. Jödaata jummadö que cönsadiijamöicho, Wadan cone’nadiiyö nönge mmaja. Tönwanno töwännanö’e naato Wanaadi jäcä jäduuje töweichomjäcä, Codé cönä’ja’döje mmaja.