EEWEDEO 10:34 - Wanaadi A'deddu

³⁴ Änwanno wentumje töneene mä’ja’quene ñanno jedeesoja’como. Anejjacoomo wwäiñe ännöjäätödööcomo que adhenwajiiñataame cone’da ä’döjo’da töweiye mä’ja’quene, odhoowanääcäiñe yeijäcä caju ña äwwäiñe aashichaato jaiñoone töweiye yeichö, töwaatamemjönööne.

EEWEDEO 10:34 ပူးပေါင်းရင်းမြစ်များ

MATEO 19:21

Jesuuquidiito cönä’döaacä chäwwä: —Chäänönge jeene awei’she aweiya’jäcä, tameedä äwwono ejeemajoota, änsomaadö, anaudädö mmaja. Chääje’jödö u’jä’cä yaawä a’ca’como wwä, caju ñaane tönsomaaque meiye. Ä’cäde’de yaawä, jaadä meiye; quee cönä’döaacä Jesuuquidiito.

DUUCA 10:42

Tooni mma na tujunnato jaiñoone. Madía mmaane aashichaato nijumma. Yää que ätänwajiiñajo’da na’de; quee cönä’döaacä Jesuuquidiito.

DUUCA 12:33

Äwwäiñe naadö u’jä’täcä, chääje’jödö manu’täiye yaawä wentumja’como wwäiñe. Ajöödataichomo ewöötö ännötääcä ijumjäje töwä’döemjönööne. Caju ñanoone onsomaadöcoomoje i’jummatääcä, yää ataamejöönö. Iiña tämeenato omoomö’da, cödhaucwä änäu’cwa’da mmaja.

DUUCA 9:25

¿Aaquene mmaja aashicha eichö deeade’ tameedä edä nono de’wono chaana’ca’jäcä soto wwä töweichö ennanö’cataame?

DOSECHO 21:33

Yaawä suddau edhaajotoncomo cöntämä yoiñaiñe; töwö Paudo cömmöjoojätöi aacä cadheena que, jedeesoje adäädö wetä. Töwö Paudo cöneecamma’joi: —¿Änääcö amäädä? ¿Ane’cäämö mödöi? quee cönä’döaacä.

DOSECHO 28:20

Yääje yeijäcä mana’dejjato öwö, adheenedööcomo wetä, äwwäiñe wa’deuwödö wetä mmaja. Öwö jedeesoje wa jönaawä mmädä, töneecanö’e weijäcä Wanaadi necamma’jödö, yää tameedä iisadaaediitacoomo mmaja necaanö’aatoodö dea; quee cönä’döaacä Paudo ñanno judhío Dooma ñancomo wwäiñe.

DOSECHO 5:41

Ñanno anonta’como cöntonto yaawä täcamma’jonnamo jonnoiñe. Tönwanno ta’cwaiñe cönä’ja’to Jesuuquidiito ecamjödö jo’tädööje töwäntunamjödööcomo weijäcä, Wanaadi woije dea.

2 CODINTIYO 5:1

Edä cäjööcomooje naadö maa töwaatameemö nönge na. Cönwanno cowaanäcäiñe na edä wataamea’jäcä anejja maa cöwwäiñe töweiye yeichö caju ña, soto namäädöjöönö, Wanaadi namäädö yeichöödäjaatoone.

EUJEESIYO 3:1

Yääje yeijäcä öwö Paudo Wanaadi wwä ya’deuwa; öwö jedeesoje wa äjääcäinchädäiñe, änwanno judhíojöncomo, Jesuuquidiito töneecanö’e weichö jo’tädööje.

EUJEESIYO 4:1

Yääje yeijäcä edääje mänwätuujaato, öwö Cajiichaana jo’tädööje jedeesojaato: Chäänönge eichäcä, Wanaadi na’dejjadö weichö nöngeene, ña’dejjadööne aweiya’como.

EUJEESIYO 6:20

Yää wätunnä ecammajä’neije weichö wetä Wanaadi yaanontäne, ijo’tädööje jedeesoje waadö. Wanaadi wwä e’ca’täcä tösaade’da neecammajo’tojo, töweiye naichöje deaane.

JIDIIPENSE 1:7

Chäänönge mädääje äjääcäiñe tötö’tajä’e wäänene, öwwä tujunne aweijäcäiñe. Jedeesoje weichö jeiñe mma, aashichaato wätunnä chu’de’tännamo ye’wononcadööje weichö jeiñe mma, ecammajäätödööje weichö jeiñe mma, tameedä änwanno jaadä tönooneja mmaja Wanaadi nutuudu aashichaato.

CODOOSENSE 1:5

Änwanno mädääje maato onwomoocödööcomo töweiye yeijäcä, yää caju ña äwwoncomooje tösooma naadö. Jenaadä änwanno metaatäne yää töwoomo’quemö jäcä chäänöngato wätunnä ecammajäätödö que.

1 TIIMOTEO 6:19

Mädääje äcuudatooje tönsomaadöcoomo i’jummajai ñaato, yeichöödoto weiñä ejoodöiyeto yaawä.

2 TIIMOTEO 1:16

Wentumje Cajiichaana wwä Oonesíijodo wä’jimmä’tädö ene’se wa, weiñäje ö’wa’tä’jödö weijäcä chäwwä; jedeesoje weichö ämjöichä’da cönä’jaacä töwö.

2 TIIMOTEO 2:9

Yää aashichaato wätunnä jo’tädööje wäntunaanö’a, tömööjä’e, soto emaanei tödöödö töweiye naichöje; Wanaadi a’deddu mmaane tömööjä’e’da na.

2 TIIMOTEO 4:8

Yääje yeijäcä öwwonooje yeeje’jödö tösooma na, yää chäänönge wei’jödö eje’jödö. Cajiichaana yää nu’a’de öwwä yää anooto awä, ñäädä chäänönge emmencanei. Öwwä mma’da yää nu’a’de, tameedä ñanno ijummadö que yeejö’sa’como’jödö wwäiñe mmajaane.

EEWEDEO 11:16

Yääje’daane cönä’ja’to; jata aashichaato jaiñoone cönencano’ta’to, caju ñanoone. Yääje yeijäcä Wanaadi ejöichä’da na Yaanadiiyöcoomoje töwäätä’tädö jäcä, ijaatädööcomo cönconeecaichö naane’.

EEWEDEO 13:14

Eetä cöjaatadööcomo yeichöödäje töweiyemö ’je’da na; ne’a’dedööne cöjaatadööcomooje quiiyomo’caato.

EEWEDEO 13:3

I’wa’tätääcä ñanno jedeesoja’como, amäädä chääjadäiñe jedeesoje eijai maadö wa’cä deaane. I’wa’tätääcäde ñanno töwäätä’maminchajo weneenetoodö, änwanno ätä’maminchajoojai mmaja aweichöcoomo chö’tamme’cancädä.

EEWEDEO 9:15

Yääje yeijäcä töwö Jesuuquidiito na eduuwaato weiñä ecammaajä tödööneije. Quidiito wääma’jödö weijäcä töweiye na eduuwa conemjönö choccatoojo, yää awa’deeto’jä weiñä cönä’ja’dawä soto cönnöichodö choccatoojoje. Yääje yeijäcä ñanno Wanaadi na’dejjadö wwäiñe ä’tujai ña yää töwaatamemjönö tu’emö, chäwwäiñe Wanaadi cöneecammaichö dea.

SANTIYAACO 1:2

Jimmä, jooje ta’cwaiñe eichäcä aneejejaiñe äwä’yunaacaja’comjäcä,

1 PEEDHODO 1:4

Eduuwaatoje töwennue cöweijäcäiñe cöwwäiñe töweiyemööje na Wanaadi nutuudu töwaatamemjönö, töweecone’mamjönö mmaja, jemi yu’tacoi töweiye naichö nönge’da. Yää cöwwoncomooje tösooma na caju ña.

1 JUAN 3:2

Änwanno umjummadö, eduuwa caato Wanaadi nnacoomoje, yaawääne, cowaanäcäiñe’da dea na äcuude cöweicho’como. Edääje yeichö mmaane cowaanäcäiñe na, Jesuuquidiito we’a’jäcä töwö ñönge mmaja caato’de, töwö yeichö jaiñoone cöwwäiñe eneejäcä.