DUUCA 9:56 - Wanaadi A'deddu

⁵⁶ Öwö, Soto nnedö, we’ne soto töja’eiñe’da, ewaanacaiñeene; quee cönä’döaacä. Yää ’jeje tönwanno cöntonto anejja jataaca.

DUUCA 9:56 ပူးပေါင်းရင်းမြစ်များ

MATEO 18:10

“Canno mudeeshi’chä mänquiiñeme’täi. Yääje wä’döa äwwäiñe, canno mudeeshi’chä edai’chännamo Jaaja caju ñano je’taca töweiye naato, ñanno amoode.

MATEO 18:11

Soto nnedö cöneejä yännanö’ajä ewaanaca.

MATEO 20:28

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto wääwanaacato’comooje; quee cönä’döaacä Jesuuquidiito.

MATEO 5:39

Öwö mmaane yääje wä’döa äwwäiñe: Conemjönö äjääcä tödöönei’jödö töweiye yeiya’jäcä, chääjäcä moojo’täi’che. Anejja wwä ajoojeta’ma’jäcä, ijaato daja eneejocääde chäwwä.

DUUCA 19:10

Soto nnedö cöneejä yännanö’a’como jäcäinchädäiñe, ewaanacaiñe mmaja; quee cönä’döaacä Jesuuquidiito.

DUUCA 22:51

Jesuuquidiito cönä’döaacä: —Na’ñojo. Chääwa’cä na; quee. Yaawä töwö ñäädä janaadö ajoojodö que cöneejichö’täi.

DUUCA 23:34

Yääje mma yaawä cuduusa jäcä tajoijodaawä Jesuuquidiito cönä’döaacä: —Jaaja, choone’nadiiyöcoomo encwanno’joca; towaanojöönöcoomo mädääje nödööaato; quee cönä’döaacä. Yaawä ñanno suddau yoomö’jödö töwaadäiñe cöneemecantoicho, wä’cana’canä tödöödö’jo.

DUUCA 9:55

Jesuuquidiito cönä’jedennacai chäwwadäädäiñe; cömjiiyemeecöicho; cönä’döaacä: —Ng’jn; odhoowanääcäiñe’da dajaane na aweicho’como.

DUUCA 9:57

Ääma tai töötädaawäiñe anejja dhanwa cönä’döaacä Jesuuquidiito wwä: —Cajiichaana, ajaadä wötäiye. Äätäjäätödö waadäi täjä’jai wa ajaadä; quee cönä’döaacä.

JUAN 10:10

“Tämeenato ne’a ememme’que mma, ema mmaja, imaaminchaiñe mmaja; öwö mmaane we’ne chäwwäiñe yeicho’como töweiye yeichö wetä töwä’caamöje’da.

JUAN 12:47

Ñäädä ya’deddu etaataame ännöjöönö, öwwä’daane nätämmencaja’de; öwö we’ne edä nono de’woncomo emmencaiñe’da, ewaanacaiñeene.

JUAN 3:17

Wanaadi Tönnedö cönaanontäi edä nono de’cäi tameedä soto ennanö’caiñe’da, ewaanacaiñeene.

DOMAANO 12:21

Conemjönö wwä mma moto’jodheinchajoi; amäädääne conemjönö e’jodheinchacä aashichaato que.

1 TIIMOTEO 1:15

Chäänöngato edä wecammaadö, täcaanö’emje mmaja: Jesuuquidiito cöneejä edä nono de’cäi conemjöncomo ewaanacaiñe, öwö waadö, tameedä cho’jodha’como’cä jaiñoone.