DUUCA 9:51 - Wanaadi A'deddu

⁵¹ Yääje mma yaawä caju ña töötotoojo cu’nädö amoinche’da yä’döa’jäcä, Jesuuquidiito Jeduusadén ña töötädö jäcä cönä’jädu’täi.

DUUCA 9:51 ပူးပေါင်းရင်းမြစ်များ

MAADOCO 16:19

Chäwwäiñe yääje töwa’deuwödö’jo Cädhaajotoncomo Jesuuquidiito cönaatadoojoi yaawä caju ña. Wanaadi nnäcä cönaatajiimai yaawä, ämu’demjönö dö’se.

DUUCA 12:50

Töweiye na wautisaaje wä’döjootojo, yää wäntunaanö’tojo tödheetuncaamö. Jooje cone’da wäänene yeeja’do’tojo cu’nädö aca yä’dödö wa’cä.

DUUCA 13:22

Yaawä Jesuuquidiito cöntaacä Jeduusadén ña, jata waadäi soto owaanomancädäiñe.

DUUCA 17:11

Jeduusadén ña Jesuuquidito wötäädawä töwö cöntaacä Samaadiya ñano acä Caadideea ñano amoinche’da yeichö antai.

DUUCA 18:31

Yaawä Jesuuquidiito töudäje cönaadoicho ñanno amoojadooto de’wä aaco’como tönaanontädö. Töwö cönä’döaacä chäwwäiñe: —Jeduusadén ña cöötaato eduuwa. Iiña tameedä chäänönge nä’döa’de Soto nnedö jäcä Wanaadi wa’deuwödö ecammannamo nimennä’jocoomo.

DUUCA 19:11

Soto wwäiñe töneecammajäätödö etaadawä, Jesuuquidiito cöna’deuwöi chäwwäiñe yö’seenoje. Jeduusadén ñano jäcä amoinche’da Jesuuquidiito weijäcä yaawä dea mma Wanaadi cajiichaanaje yeichö yäänejaatäi ñanno soto cöneecanö’a’to.

DUUCA 19:28

Yääje töwä’dö’jeje Jesuuquidiito cönääma’täi chea yaawä Jeduusadén ñadäädä.

DUUCA 24:51

Chääjäcäiñe töwa’deuwö’jeje töwö cönsancwaicho; caju ña cönaatadoojoi yaawä.

DUUCA 9:57

Ääma tai töötädaawäiñe anejja dhanwa cönä’döaacä Jesuuquidiito wwä: —Cajiichaana, ajaadä wötäiye. Äätäjäätödö waadäi täjä’jai wa ajaadä; quee cönä’döaacä.

JUAN 13:1

Tooni anooto mmädä a’que cönä’jaacä Weja’dätä’jä anooto comjedensiyai’chädö tödöötojo cu’nädö aca yä’dötoojo. Yaawä Jesuuquidiito dhowaanäcä cönä’jaacä chu’nädö aca yä’dödö Tumö döiña töötotoojo edä nono de’wonno. Yääje yeichaame töjaadoncomo jäcäiñe tötö’tajä’e dea cönä’jaacä, ñanno edä nono de’woncomo; ijummadööcomooje dea cönä’jaacä, tumjummaiñe cönä’ja’döje dea.

JUAN 16:28

Jaaja joono we’ne edä nono de’cäi; eduuwa edä nono jonno wöta dea, Jaaja döiña mmaja; quee cönä’döaacä Jesuuquidiito.

JUAN 16:5

Eduuwaane wöta yaanontänei’jödö döiña; änwanno yeecamma’jo’da maato: ¿Äsha mötaanä? ca’da.

JUAN 17:11

“Edä nono de’wä o’somjo’da wa; canno mmaane no’somjaato edä nono de’wä, öwö ’quene adöiña wöta. Jaaja aashichaato, canno öwwä mu’netoodö edai’chocooto amäädä äjäädudu que, tooni mmaane chö’tajäätödööcomo eiye, cöwö cötö’tajäätödö naadöje mmaja.

JUAN 6:62

¿Aaquene ä’döjai maato äwwäiñe eneea’jäcä Soto nnedö wäncudu caju ña, töweejö’jödö döiña mmaja?

DOSECHO 1:2

caju ña töötädö wa’cä. Caju ña töötädö owaajo tönaanontädö cöneicho; Epíiditu Santo woije töwö cönaanontoicho chäwwäiñe tödööemö jäcä.

DOSECHO 1:9

Yääje töwa’deuwö’jeje Jesuuquidiito cönäncui caju ña ñeenedööcomooje. Yaawä ca’dutu cöna’dui; ääne’da cönä’jaacä yaawä.

EUJEESIYO 1:20

töwäämaajo jonno Quidiito adoncadö que, töjääcä ämu’demjönö dö’se caju ña ajiimajoodö que mmaja.

JIDIIPENSE 3:14

Nwaadädä dea wöta, chu’nä’taajä döiña tödööene, caju ñano aashichaato wichaana’caiye, yää chääjäcäinchädä Wanaadi tanoonöje cödöötäneedö, Jesuuquidiito sotoije cöweijäcäiñe.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

EEWEDEO 12:2

Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.

EEWEDEO 6:20

Iiña Jesuuquidiito womongajä na, cäämadööcomo a’ducaaneije. Mädääje soto jäcäinchädäiñe Wanaadi wwä töwa’deuwemööje töwö cönä’döi, yeichöödäje töweiyemööje, Mequiisedeeque cönä’ja’döje mmaja.

1 PEEDHODO 3:22

Töwö Jesuuquidiito caju ña cöntämä; yäätä na eduuwa Wanaadi jäcä ämu’demjönö dö’se. Töwö na tameedä Wanaadi amoodedö e’jodheiñe, cajiichaanacoomo e’jodheiñe mmaja, jäduuja’como e’jodheiñe mmaja.