DUUCA 9:29 - Wanaadi A'deddu

²⁹ Wanaadi wwä töwa’deuwödaawä, Jesuuquidiito jedö cönenwacaamai yaawä anejjeja. Yoomö mmaja cönenwacaamai chea tajääde’de, weijotä.

DUUCA 9:29 ပူးပေါင်းရင်းမြစ်များ

MATEO 17:2

Yäätä töwö Jesuuquidiito anejjeja cönenwacaamai yaawä dhowaadäädäiñe. Ijeedö tawaane cönä’döi, shii wa’cä. Yoomö mmaja tajääde’de cönä’döi chea, weijotä.

APOOCADIISI 20:11

Yaawä weneeaqueene mude adai’joto, tajääde’dato. Ñäädä ye’wä shuucu cönä’ja’dö jonno cönännamjöi nono, caju mmaja; nono weichojo ’je’da cönä’jaacä yaawä, caju weichojo ’je’da mmaja.

DOSECHO 6:15

Yaawä tameedä ñanno cajiichaanacoomo, anejjacoomo yaatajiima’como mmaja, cöneene’ma’to Eteewa jedö; Wanaadi amoodedö jedö nönge ijeedö cönä’jaacä.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

MAADOCO 16:12

Yää ’jeje Jesuuquidiito anejjeja mmaja cönäänejoi chea aacä tonoowanoomadö wwäiñe, jata tö’cäi ääma tai iichädaawäiñe.

DUUCA 3:21

Yääje mma yaawä tameedä soto wautisaaje yä’döja’comjäcä, Jesuuquidiito mmaja wautisaaje cönä’döjoi chea. Yaawä Wanaadi wwä ya’deuwödaawä caju cönaata’ducai.

DUUCA 5:16

Töwö Jesuuquidiito töötä töweiye cönä’jaacä chö’cäi, soto ’jemjönö ña, Wanaadi wwä a’deuwe.

DUUCA 6:12

Yääje mma yaawä Jesuuquidiito cöntämä jöö de’cäi, Wanaadi wwä a’deuwe. Iiña coijaicho cömja’do’joi, wa’deunäje.

DUUCA 9:18

Yääje mma yaawä Jesuuquidiito töudäje Wanaadi wwä ya’deuwödaawä, ñoowanoomadö chääjadä cönä’ja’to. Töwö cöneecamma’joicho: —¿Änääcöje soto ye’tätä weneeneto? quee cönä’döaacä.

DUUCA 9:30

Yaawä cönäänejoicho aacä dhanwaacomo; Jesuuquidiito jadä cöna’deujä’a’to. Ñanno cönä’ja’to Moisé, Edía mmaja.