DUUCA 9:11 - Wanaadi A'deddu

¹¹ Soto wwäiñe iiña yeichö eta’jäcä, cönaaje’caicho yaawä. Töwö aneenejä’täiñe’da’da cöneiyacä; Wanaadi töcaajichaanaije weiñä jäcä cöneecammajä’acä chäwwäiñe. Cädäija’como cönaadoncaicho dea.

DUUCA 9:11 ပူးပေါင်းရင်းမြစ်များ

MATEO 12:15

Täma’se yeichöcoomo eta’jäcä Jesuuquidiito cöntämä yäätonno; jooje soto cönta’to chääjadä. Töwö cönaadoncaicho tameedä cädäija’como.

MATEO 14:14

Töwaajäiya’jäcä Jesuuquidiito jooje soto cöneedantoicho. Töwö wentumje cöneene’ma’to. Cädäija’como cönaadoncaicho.

MATEO 21:31

¿Äshono tumö waanontä’jödö cönnöi ñanno aacä cönä’ja’todö? quee cönä’döaacä Jesuuquidiito. Ñanno judhío edhaajotoncomo cönä’döa’to yaawä: —Ñäädä awa’deeto. Yaawä Jesuuquidiito cönä’döaacä chäwwäiñe: —Chäänönge yääje wä’döa äwwäiñe, ñanno acu’shänä jödaatai i’jummannamo mmaja, masuuduija’como mmaja, Wanaadi sotoije nä’döaato odhoowajoiñe.

MATEO 21:43

Yääje yeijäcä edääje äwwäiñe wä’döa: Wanaadi ayu’caato’de tösootoije aweichöcoomo jonno. Anejjacoomo tösootoije nödööaato’de, töwoije tödönnamoone.

DUUCA 1:53

Ämiija’como wwä aashichaato cuntui, imjummadööcomo wa’cä. Tönsomaaca’como mmaane tänwase’da cönenno’jaicho.

DUUCA 5:31

Jesuuquidiito cöneccujä’acä; cönä’döaacä chäwwäiñe: —Cädäijemjönö täjiichö’tänei ämjumma’da töweiye nai; cädäijato mmaane tumjumma.

DUUCA 8:1

Yää ’jeje Jesuuquidiito cönäämannä’acä jata waadäi, aashichaato wätunnä Wanaadi töcaajichaanaije tödöödö jäcä ecammajä’ancädä. Ñanno amoojadooto de’wä aaco’como ñoowanoomadö chääjadä cönä’ja’to dea.

DUUCA 8:10

Jesuuquidiito cönä’döaacä chäwwäiñe: —Änwanno äwwäiñe u’ajä na Wanaadi töcaajichaanaije weiñä jäcä owoowanoomato’como, yää owaanojöönö’jödö. Anejjacoomo wwä mmaane yö’seeno joi ecammadö, töwwäiñe ene’mataame aneene’da eiyeto, etaajä’taame aneeta’da eiyetoode.

DUUCA 9:10

Ñanno anonta’como wennaca’comjäcä Jesuuquidiito wwä cöneecammajäätöicho tameedä tönnö’jocoomo. Jesuuquidiito töjaadä cönaadoicho yaawä Wesaada ña, soto ’jemjönö aca.

DUUCA 9:12

Cho’momjai yä’döa’jäcä, ñanno amoojadooto de’wä aaco’como ñoowanoomadö cöneejoto Jesuuquidiito wwadäädä; cönä’döa’to chäwwä; —Enno’jacooto canno soto, jata cawoodhecääcäiñe naadö aca täiyeto, täwanshiñööcoomo aneejodöiyeto iiña, tönnö’to’como mmaja, jataawä cöweichöcoomojöönö; quee cönä’döa’to ñoowanoomadö.

DUUCA 9:2

Töwö cönaanontoicho Wanaadi töcaajichaanaije tödöödö jäcä ecammajä’e, cädäija’como adonca mmaja.

JUAN 4:34

Jesuuquidiito cönä’döaacä chäwwäiñe: —Öwö yeewanshiñö yää yaanontänei’jödö waanontä’jödö tödöödö, chaadawaajui acoichadö wa’cä.

JUAN 6:37

Tameedä öwwonooje Jaaja nutuudu ne’a öwwadäädä. Ñäädä öwwadoodono we’ajä änquiiñemeecö’da wa.

DOSECHO 28:31

Chäwwäiñe töneecammajä’e cönä’jaacä Wanaadi töcaajichaanaije tödöödö jäcä. Cajiichaana Jesuuquidiito jäcä tönoowanoomaiñe cönä’ja’dea. Anejja aneecammajoojätö’da töweiye cönä’jaacä chäwwä.

DOMAANO 10:14

Yaawääne’ ¿aaquene mmaja Wanaadi wwä a’deuwödööto deeade’, töneecanö’e töweichöcoomojöönö? ¿Aaquene aneecamjödööto deeade’, eta’jödööjönö töwwäiñe? ¿Aaquene aneetadööto deeade’, töwwäiñe ecammajä’nei ’je’da yeichaame?

DOMAANO 10:17

Mädääje na; ecamjödö töweiye nai ecammajäätödö etaadö que; yää tätaajä’emö yää Quidiito wätunnäi.

DOMAANO 15:3

Quidiitode töweichö mma anencano’tä’da cöneiyacä. Wanaadi a’deddu imennaajä wä’dödö naadöje töwö cönä’jaacä, yää edääje yä’dödö naichö: “Ñanno äjääcä cone’da töwa’deuwe weneenetoodö öwö jääcä mmaja cone’da na’deuwaato dea;” queeto imennaajä nönge Quidiito cönä’jaacä.

2 TIIMOTEO 4:2

Wanaadi a’deddu töneecammajä’e eichä; chääjäcä töweesomaajä’e deaane eichä’de, chu’nädö awä mecammajä’töiye, chu’nädö awä’da mmaja. Yää que soto e’jodheinchacooto, cone’da tödööjocootode, yäätuujacooto’dede, owaanomaadöcoomo jäcä aquinchancädä’da.

EEWEDEO 4:16

Yääje yeijäcä tösaade cöweiyancädäiñe’da täjai caato cujummaneichomo Wanaadi mudei wwadäädä, wentumje cäne’matäiye töwö yaawä, aashicha töweichö woije cö’wa’tätäiyede jäduuje’da cöweichawäiñe.