44 Ñäädä cöneejä Jesuuquidiito ncadheedä, yoomö a’sadö cönaajojoi. Yaawä dea mma munu cöneedennai.
Jesuuquidiito wentumje cöneenea’to; chäänuduucomo cönaajojoi. Yaawä dea mma tönwanno töneene cönä’döicho. Jesuuquidiito jadä cönta’to yaawä.
Yaawä Jesuuquidiito tamäädö que cönaajojoi; cönä’döaacä chäwwä: —Adheejichö’tä’se wa; nännamjö’ñojo mädä owoichö; quee cönä’döaacä. Yaawä dea mma yoichö cöne’jöi.
Yaawä wodi cädäijato cöneejä Jesuuquidiito ncadheedä. Töwö chäädäichö cönä’jaacä munu’je, amoojadooto de’wä aacä wedu chäädäicha’jödö. Töwö Jesuuquidiito womö a’sadö cönaajojoi.
Jata she’coto’cä aca iicha’jäca, adai’joto aca jeiñe mma, jata tö’cäcä jeiñe mma, ñanno soto cädäija’como tömja’ca cönä’ja’to jödo’na. Ñanno cädäija’como töwä’döe cönä’ja’to Jesuuquidiito wwä: —Owoomö a’sadö mma ñaa najoojo’ñojo; quee. Tameedä ajoojonnamo’jödö töwaadonca cönä’ja’to.
Yaawä töwö Jesuuquidiito tamäädö cönnöi ye’wä. Yaawä dea mma ñäädä wodi cöneesa’duminchai. Aashicha Wanaadi jäcä cöna’deuwöi yaawä.
Yaawä töwaamoancädä töwö cönä’döi Jesuuquidiito ncadheedä, i’judu dö’tä. Cönaajäntäi yaawä i’judu töjöödö tänaacudu que; tuju’jädö que cöncocaacä. Shuumajä’ancädä tönnejöödö juu shimi’jotoojo que i’judu cömjöi yaawä.
Ñanno soto do’tacaiñe cönä’jaacä wodi, munu ’jano, amoojadooto de’wä aacä wedu yääje chäädäicha’jödö. Ñäädä wodi täjiichö’tännamoojato’jödö ejeemato’comooje tameedä tönnöjäätödö acoicha’jödö weichaame äächädä ä’dö’da cönä’jaacä.
Yaawä Jesuuquidiito cönä’döaacä: —¿Änääcö yaajojoi? quee. Tameedä anaajojo’da yääcamma’comjäcä Peedhodo cönä’döaacä: —Owaanomaanei, ¿aaquene canno jooja’como soto wwäiñe adhanwacö’jotaame, adhaajojoonei’jödö mecamma’jaanä? quee cönä’döaacä Peedhodo, chääjadoncomo mmaja.
Ñäädä dhowaanäcä’da cönä’jaacä tadoncanei’jödö, jooje soto wei’jocoomo weijäcä yäätä, Jesuuquidiito wootone’tä’jödö weijäcä mmaja yo’tacaiñe.
Ñanno soto tönaadä cönä’ja’to Paudo ajoojo’jödö jaiñuweeda, camiisha mmaja. Yää que cädäija’como tönaadonca cönä’ja’to; odo’shancomo töweeja’ca cönä’ja’to dhacannoiñe.
Ñanno soto cädäija’como tömja’ca cönä’ja’to jödo’na; ääma taawä tönnöe cönä’ja’to chä’wötööcomo jo, Peedhodo owaajo, yeeja’dätäädawä chääcato ajoojodö wetä.