DUUCA 8:31 - Wanaadi A'deddu

³¹ Ñanno odo’shancomo cönä’döa’to Jesuuquidiito wwä: —Ya’tadö inwadö ’jemjönö aca mma ñaa manenno’jai; quee cönä’döa’to.

DUUCA 8:31 ပူးပေါင်းရင်းမြစ်များ

MATEO 25:41

“Yaawä töwö Cajiichaana nä’döa’de ämu’dato dö’sencomo wwä: “Ojoncomo jonno änwanno töwännanö’aamö; wa’to töwaatamemjönö aca ojoncomo, yää odo’shancomo weicho’comooje choonecaajä naadö.

DUUCA 8:28

Töwwä Jesuuquidiito eneea’jäcä tä’mudhe cönä’döi ije’taca; töcä’de cöna’deuwacä; cönä’döaacä chäwwä: —¿Ane’cotoojo caquiimaanä amäädä Jesuuquidiito, Wanaadi O’jodhaato nnedö? Yääje wä’döa äwwä, cämmaminchai; quee cönä’döaacä.

DUUCA 8:32

Yäätä cönä’ja’to jooje cuushi; wääwashinchänääje cönä’ja’to jöö dacääcä. Ñanno acaiñe odo’shancomo cönaatamonno’joja’to. Jesuuquidiito cönaamonno’joicho yaawä.

DOMAANO 10:7

¿Änääcö nono nwacäi ääwaacajai ñai Quidiito adoncadö wetä yäämaajo jonno? quee chö’tajä’jai’cha ma;” quee imennaajä nä’döa.

APOOCADIISI 11:7

Ecammajäätödö jäcä yä’ca’comjäcä, ñäädä odoocojaato, ya’tadö inwadö ’jemjönö acaano’jödö weja’caajä, newäänä’ta’de chääjäcäiñe. Töwö ne’jodheinchaato’de; nöja’aato’dede.

APOOCADIISI 17:8

Ñäädä odoocojaato meneeannö jenaadä cönä’jaacä; eduuwa mmaane ei’cha na. Töwö neja’ca’de ya’tadö inwadö ’jemjönö acanno, töwännanö’emööje mma. Ñäädä eneedö’jo nono de’woncomo nääcatoncaato’de, ñanno weichojo jajeedai’chädö jäcä chäätö ’jemjöncomo edä nono tödö’jödö jonnoto’jödöödä. Ñäädä odoocojaato jenaadä töwei’jödö weichaame eduuwa ei’cha na; yaawääne, äcuude töweiyemööje dea na.

APOOCADIISI 19:20

Ñäädä ecammajä’nei chäänöngemjönö yäätä cönä’ja’dea, ñäädä odoocojaato neneedöje ene’ju’tojo tönnöe cönä’ja’dö. Töwö yää ene’ju’tojo tödöödö que tönencu’täiñe cönä’jaacä odoocojaato eetö que yä’madaaca’ña’como, ñanno chu’taajä ya’deme’nnamo. Yaawä ñäädä odoocojaato cönaatajoijoi chäwwäiñe, cawaayu tajääde’dato de’wä cönä’ja’dö wwäiñe. Ecammajä’nei chäänöngemjönö mmaja cönaatajoijoi chea. A’nädäncädä nudäädä cönäätämaajoicho jiyooto comootödö ña. Iiña wedeinchä nengaato’de, acuudajaada dhatu’jödö jodö joqque.

APOOCADIISI 9:11

Tönwanno chaajichaanaichomo cönä’jaacä amoode, ñäädä ya’tadö inwadö ’jemjönö ijaatadö. Aawadón, quee töwö chäätö eewedeeo a’deucwe; quidiiyeeco a’deucwe mmaane Apoodiyón, quee. Yuunacaanei, quee töwä’dö’se yeichö.