DUUCA 8:3 - Wanaadi A'deddu

³ Juana mmaja cönä’ja’dea, Chuusa jiñamo, ñäädä Edoodhe jödaatai edhaajä; Susaana mmaja cönä’ja’dea; jooje anejjacoomo wodiiñamo mmaja, töwwäiñe töweiyato que Jesuuquidiito i’wa’tännamo.

DUUCA 8:3 ပူးပေါင်းရင်းမြစ်များ

MATEO 14:1

Yääje mma yaawä cajiichaana Edoodhe cöneetaacä Jesuuquidiito ecaadö.

MATEO 14:3

Edoodhe yääje cöna’döaacä töwwä Juan jedeesoje tödööjo’jödö weijäcä, cadheena que imiijo’jödö weijäcä mmaja. Töwö yääje cönnöi Edoodhía woije, ñäädä tacoono Jediipe jiñamo.

MATEO 14:6

Yaawä Edoodhe wennu’jödö cu’nädö anootoi’chädö awä tönwanno cönänwa’to. Edoodhía nnedö cönänwaacä ñeenedööcomooje. Edoodhe wacö’je yää cönä’jaacä.

MATEO 2:11

Maa taca cönoomomöicho yaawä. Shiichu’cä cöneenea’to, yeenö Madía enaawä. Tä’mudhe cönä’döicho yaawä shiichu’cä je’taca; cönwa’deme’ca’to. Yaawä töjaatuwaichomo a’ducaadö’jo, aashichaato cunu’jätöicho chäwwä, oodo, juu shimi’jotoojo mmaja, adhaawa täjeeto mmaja.

MATEO 20:8

Chööjanga’jäcä yaawä audaajä edhaajä cönä’döaacä tötaadawaajui döjoonei wwä: “Tadaawaaju dönnamo a’dejjacooto, mejeemaiyeto chaadawaajuichomo’jödö. Möcääcä’ja’como wääwaaca’jocoomo ejeemacooto awa’de, yää ’jeje awa’de’como waajänto’jocoomo;” quee cönä’döaacä.

MATEO 25:40

Yaawä Cajiichaana chäwwäiñe nä’döa’de: “Chäänönge yääje wä’döa äwwäiñe, tameedä sootoi jäcä mödöötäneedö, mäccö mmädä yeichaame töwö, öwwonooje dea yää mödöötäne;” quee nä’döa’de.

MATEO 26:11

Wentumja’como ajaadäiñe naato’de yeichöje. Öwö mmaane yeichöje’daane ajaadäiñe weichojo na.

MATEO 27:55

Yäätä cönä’ja’to jooje wodiiñamo, amoinchenno ene’madööje, ñanno Caadideea ñanno Jesuuquidiito jadä ye’a’como’jödö, töwö i’wa’tännamo’jödö.

DUUCA 24:10

Ñanno wodiiñamo cönä’ja’to Madía Maacadeena, Juana mmaja, Madía, Jacoowo dhenö mmaja, anejjacoomo mmaja. Tönwanno yää cöneecammajäätöicho anonta’como wwä.

JUAN 12:6

Wentumja’como jäcä chö’tajäätö’da töweichaame yääje Juudha cönä’döaacä, tämeene töweijäcääne. Ñäädä Juudha cönä’jaacä töjöödataichomo edhaajäje ñeewaacadööcomo; yää töneememme’que töweiye cönä’jaacä.

DOSECHO 13:1

Yaawä Antiyooquía ña quedeiyente antawäiñe cönä’ja’to anejjacoomo Wanaadi a’deddu ecammannamo, Wanaadi a’deddu jäcä owaanomannamo mmaja. Ñanno cönä’ja’to: Waanawé; Simón mmaja, ñäädä Juduumatooje mmaja chäätö conä’ja’dö; Duusiyo mmaja cönä’ja’dea, ñäädä Sideene ñano; Maanaén mmaja, ñäädä Edoodhe Caadideea ñano acu’shänäi’chädö jadoono wennejenca’jödö; Saudo mmaja cönä’ja’dea.

2 CODINTIYO 8:9

Odhoowanääcäiñe aashicha Cädhaajotoncomo Jesuuquidiito nödö’jödö. Tameedä töwwä yei’jödö weichaame töwö äjääcäinchädäiñe a’cato nönge cönä’döjoi, tameedä äwwäiñe töweiye yeichö wetä yaawä töwö a’cato nönge yä’döjo’jödö que.

JIDIIPENSE 4:22

Tameedä eetoncomo Wanaadi sotoi, acu’shäna mmai chacancomo mmaja, ta’deujocoomo nadääjaato dea äwwadäädäiñe.

1 TIIMOTEO 5:10

Tacaade eijai ña aashichaato iiñö’jödö, mude’cä’cä iiñejenca’jödö jeiñe mma, aashicha soto tödöiñano womoomödö tödö’jödö jeiñe mma, quedeiyentecoomo i’wa’tä’jödö jeiñe mma, wentumja’como i’wa’tä’jödö jeiñe mma, anejja aashichaato tödö’jödö jeiñe mma.