DUUCA 8:21 - Wanaadi A'deddu

²¹ Töwö Jesuuquidiito cönä’döaacä chäwwäiñe: —Ñanno Wanaadi a’deddu etannamo, tödönnamo mmaja, ñannoone ñanno maama, yaacontomo mmaja; quee cönä’döaacä Jesuuquidiito.

DUUCA 8:21 ပူးပေါင်းရင်းမြစ်များ

MATEO 17:5

Yääje ya’deutaame dea ca’dutu tawaanato cöneejä immai’chäiñe. A’deu cönäätaacä yaawä ca’dutu do’taca: —Määdhä ñäädä Önnedö umjummadö, ta’cwaiñe chääjäcä waadö. Dha’deddu etaatäcä; quee cönäätaacä a’deu.

MATEO 25:40

Yaawä Cajiichaana chäwwäiñe nä’döa’de: “Chäänönge yääje wä’döa äwwäiñe, tameedä sootoi jäcä mödöötäneedö, mäccö mmädä yeichaame töwö, öwwonooje dea yää mödöötäne;” quee nä’döa’de.

MATEO 25:45

Töwö Cajiichaana chäwwäiñe nä’döa’de yaawä: “Chäänönge yääje wä’döa äwwäiñe, tameedä canno sootoi jäcäiñe ännö’da mä’ja’quennö, mäccö mmädä yeichaame töwö, öwwonooje mmaja yää ännö’da mä’ja’quennea;” quee nä’döa’de.

MATEO 28:10

Yaawä Jesuuquidiito cönä’döaacä: —Tösaade’da eichäcä. Jimmä wwäiñe ecammajä’tantäcä, Caadideea ña täiyeto; iiña yeeneaato’de; quee cönä’döaacä.

DUUCA 8:15

Yää dhadöödö aashichaato nono de’wä cönä’meichö mmaane, chäänönge tötö’tajäätödööcomo que Wanaadi a’deddu etannamo cu’tädö yää. Ñanno chö’taqueejö’da netaato, yoije tönnöe yaawä. Chäänönge töweichöcoomo que nejössataato yaawä.

DUUCA 8:20

Chäwwä anejjacoomo cöneecammaicho; cönä’döa’to: —Aanö, adhaacontomo jödo’na naato, adheene’se naato; quee cönä’döa’to.

JUAN 13:17

¿Odhoowanääcäiñe jönca näätaanä? Ta’cwaiñe eijai maato mädä tödööajäcä äwwäiñe.

JUAN 20:17

Jesuuquidiito cönä’döaacä chäwwä: —Canaajäi; äncu’da dea wa Jaaja döiña. Äjääne jimmä döiñaiñe; chäwwäiñe ecammacä’de Jaaja döiña wäncudu, ñäädä Oomotoncomo mmaja, öwö Waanadiiyö, änwanno Awaanadiiyöcoomo mmaja; quee cönä’döaacä chäwwä.

2 CODINTIYO 5:16

Yääje yeijäcä yäänedö que mma soto aneene’ma’da ñaa weneene. Jenaadä Quidiito yäänedö que mma töneene’ma ñaa cönä’ja’dö’je; yääje’daane eduuwa.

2 CODINTIYO 6:18

Öwö oomotoncomooje wa’de; änwanno önnacoomoje maato’de; quee nä’döa Cajiichaana O’jodhaato; quee Wanaadi cönä’döaacä.

SANTIYAACO 1:22

Tödööeene tödöötäcä yää Wanaadi a’deddu necammadö; täta mma maneetatäi’che. Äwwäiñe etaataame ännö’da aweiya’comjäcä, äwwäädäiñe dea mätäncu’taato yaawä.

1 JUAN 2:29

Änwanno odhoowanääcäiñe chäänönge Jesuuquidiito weichö. Yääje yeijäcä odhoowanääcäiñe eijai ña dea tameedä chäänönga’como Wanaadi nnacoomoje yeichöcoomo.

3 JUAN 1:11

Weichacoono umjummadö, conemjönö tödöödö mma mäncu’jätöi, aashichaato tödöödö mmaane. Ñäädä aashichaato tödöönei, Wanaadi nnedö ñäädä; ñäädä conemjönö tödöönei mmaane Wanaadi aneene’da na ñäädä.