DUUCA 8:18 - Wanaadi A'deddu

¹⁸ “Yääje yeijäcä aashichaane etaatäcä. Ñäädä töweiyato wwä jooje’cä nä’tua’de. Ñäädä a’cato mmaane nätänwajiiñaja’de yää töwwoto wa’cä nichö’tamme’caadö que; quee cönä’döaacä Jesuuquidiito.

DUUCA 8:18 ပူးပေါင်းရင်းမြစ်များ

MATEO 13:12

Ñäädä töweiyato wwä jooje’cä nä’tua’de; jooje chäwwä na’de yaawä. Ñäädä a’cato mmaane nätänwajiiñaja’de yää she’caasa töwwä naadö que.

MATEO 25:29

Ñäädä töweiyato wwä jooje’cä nä’tua’de; jooje töweiye na’de chäwwä yaawä. Ñäädä a’cato mmaane nätänwajiiñaja’de yää she’caasa töwwä naadö que.

MAADOCO 13:14

“Ñäädä Dañeede, Wanaadi wa’deuwödö ecammanei’jödö, cöneecammajäätöi ñäädä cone’manei tönoiñato jäcä. Ñäädä tönoiñato meneeato’de yaawä yeicho’jönö tawä yaanöngajä. A’de’tänei nichö’tammecö’ñojo. Yaawä Judheea ñancomo nääneje’ña’to’de jöö de’cäi.

DUUCA 19:26

Yaawä ñäädä cajiichaana cönä’döaacä: “Chäänönge yääje wä’döa äwwäiñe: Ñäädä töweiyato wwä jooje’cä nä’tua’de. Ñäädä a’cato mmaane nätänwajiiñaja’de yää she’caasa töwwä naadö que.

DUUCA 9:44

—Tätaane etaatäcä edä ya’deuwaadö; ätö’taque’täi’che. Soto nnedö nä’tuja’de soto wwäiñe; quee cönä’döaacä.

JUAN 15:2

Tameedä dhajäädö täjössemjönö Jaaja najääca; täjössato mmaane Jaaja nichooneca, jooje’cä yeejössataadö wetä.

DOSECHO 10:33

Yääje yeijäcä yaawä dea mma maneijone; dhamma meejäne’. Eetä ñaa na eduuwa tameedä, Wanaadi owaadäädä. Eta’se ñaa na tameedä Cajiichaana necammajoojätöödö äwwä; quee cönä’döaacä Conneediyo Peedhodo wwä.

DOSECHO 17:11

Ñanno judhío cönä’ja’to Teesadoonica ñancomo e’jodhe aashicha yeichöcoomo. Tönwanno aashicha cöneeta’to Wanaadi a’deddu ecammajäätödö. Anooto waadäi tönemmenca cönä’ja’to Wanaadi a’deddu imennaajä, chäänönge Paudo necammajäätödööcomo yeichö eneedö wetä.

DOMAANO 12:3

Aashichaato Wanaadi nutuudu öwwä naadö woije edääje wä’döa äwwäiñe: Anejja mma to’jodheene chö’tajäätöi’che. Acu’shämjeene ätö’tajä’täcä, ecamjödö Wanaadi nutuudu äwwäiñe naadö ’cäwa’cä mma.

1 CODINTIYO 14:37

Anejja adhantawäiñe Wanaadi nutuudu woije ecammajä’neije töwääcanö’a’jäcä, Epíiditu Santo woije töwääcanö’a’jäcä mmaja, ñäädä chö’tamme’jai ña yaawä edä äwwadäädäiñe wimennaadö Cajiichaana Jesuuquidiito nanontä’jödööje yeichö.

1 CODINTIYO 3:18

Mätäncu’tojootäi’che; anejja adhantawäiñe edä nono de’wono jäcä towaanojo’ne yääcanö’a’jäcä, töwoinchadääne nä’dö’ñojo ñäädä yääjato, towaanojo’ne ä’döiye yaawä, ñeene queene.

1 CODINTIYO 8:2

Anejja towaanojo’ne töwääcanö’a’jäcä towaanojo’ne yeichöjöönö yää.

JIDIIPENSE 3:4

Juunu weichö jäcä o’jodhe ääcanö’jai mmaja weichaame öwö. Anejja o’jodhe yääcänö’a’jäcä, töwaacö’je öwö.

EEWEDEO 2:1

Yääje yeijäcä aashichaane ijaanataajai caato yää wätunnä queetatäänedö jäcä, choojonno mma cösaadijanto’no.